మలేషియాకు చెందిన విమానయాన సంస్థ ప్రయాణికులకు ఊహించని బంప్ ఆఫర్ ప్రకటించింది. పండగ సీజన్ నేపథ్యంలో రూ.99 కే విమాన టికెట్‌ను అందించేందుకు ముందుకు వచ్చింది. అయితే నిర్ణీత కాలవ్యవసధిలో మాత్రమే. ప్రస్తుత మార్కెట్‌ పోటీని తట్టుకునేందుకు ఎయిర్‌ఏషియా ఈ మేరకు బంపర్ ఆఫర్‌ను తీసుకొచ్చింది. అలాగే ఆసియా-పసిఫిక్‌ దేశాలకు వెళ్లే ప్రయాణికులకు రూ.1,499కే టికెట్ అందించనున్నట్లు ఎయిర్ ఏషియా ప్రకటించింది. ఆఫర్ సంబంధించిన విశేషాలను ఒక్క సారి పరిశీలిద్దాం...
ఆఫర్ విశేషాలు...
* రూ.99 కే విమాన టికెట్ (బేస్ ఫేర్ మాత్రమే )
* సోమవారం నుంచి జనవరి 21 వరకు ఈ ఆఫర్ కింద టికెట్ బుక్‌ చేసుకోవాలి.
* టికెట్ బుక్‌ చేసుకున్న వారు జనవరి 15 నుంచి జులై 31 మధ్యకాలంలో ప్రయాణించవచ్చు.
* ఢిల్లీ, హైదరాబాద్, బెంగళూరు, కొచ్చి, కోల్‌కతా, పూణె, రాంచీ ప్రాంతాల్లో మాత్రమే ఆఫర్ వర్తింపు
* ఆసియా-పసిఫిక్‌ దేశాలకు వెళ్లే ప్రయాణికులకు రూ.1,499కే టికెట్
* సింగపూర్‌, ఆక్లాండ్‌, బాలి, బ్యాంకాంక్‌, కౌలాలంపూర్‌, మెల్‌బోర్న్‌, సిడ్నీ నగరాలకు ఈ ఆఫర్ కింద ప్రయాణించవచ్చు.
గమనిక: ఎయిర్‌ఏషియా.కామ్‌, ఎయిర్‌ఏషియా మొబైల్‌ యాప్‌ ద్వారా టికెట్లు బుక్‌ చేసుకునే వారికి మాత్రమే ఈ డిస్కౌంట్‌ ఆఫర్ వర్తిస్తుంది. ఎయిర్‌ఏషియా నెట్‌వర్క్‌ లోని ఎయిర్‌ఏషియా ఇండియా,థాయ్‌ ఎయిర్‌ఏషియా, ఎయిర్‌ఏషియా బెర్హద్‌, ఎయిర్‌ఏషియా ఎక్స్‌, ఇండోనేషియా ఎయిర్‌ఏషియా ఎక్స్‌ విమానాల్లోను ఈ ఆఫర్ పొందవచ్చు.
