Vitamin E Benefits: మెరుగైన ఆరోగ్యం కోసం పోషక పదార్ధాలు, విటమిన్లు చాలా అవసరం. అయితే ప్రతి విటమిన్ ఓ ప్రాధాన్యత ఉంటుంది. అందులో విటమిన్ ఇ అనేది చాలా కీలకం. మనిషి శరీరంలో ప్రతి భాగానికి విటమిన్ ఇ అవసరమే..ఆ వివరాలు పరిశీలిద్దాం..
మనిషి శరీరంలో విటమిన్ ఇ చాలా ముఖ్యమైంది. తల నుంచి కాలి గోటి వరకూ శరీరంలోని అన్ని భాగాలకు ఇది అత్యవసరం. అతి కీలకం. ముందుగా జుట్టు పెరుగదలకు, గట్టిదనానికి విటమిన్ ఇ చాలా దోహదపడుతుంది. దీనికోసం విటమిన్ ఇ క్యాప్సూల్ నుంచి ఆయిల్ బయటకు తీసి..మీరు ఎప్పుడూ వాడే హెయిర్ ఆయిల్‌తో కలపండి. ఈ మిశ్రమాన్ని మీ జుట్టుకు సున్నితంగా రాసి..2-3 గంటలు అలాగే ఉంచండి. ఆ తరువాత మృదువైన షాంపూ, గోరు వెచ్చని నీళ్లతో శుభ్రం చేసుకోండి. ఇలా వారానికి 2 సార్లు చేస్తే మంచి ఫలితాలుంటాయి.
చర్మంపై ముడతలు పోవాలంటే..
విటమిన్ ఇ అనేది ముఖ సౌందర్యానికి చాలా బాగా పనిచేస్తుంది. ముఖ్యంగా చర్మంపై ముడతలు, గీతలు ఉన్నవారికి విటమిన్ ఇ నూనెను యాంటీ ఏజింగ్ క్రీమ్‌గా ఉపయోగించవచ్చు. ఇందులో ఉండే యాంటీ ఆక్సిడెంట్లు ముడతలు పడకుండా కాపాడతాయి. విటమిన్ ఇ నూనెను చర్మంపై మసాజ్ చేయడం వల్ల చర్మ నిర్మాణాన్ని మెరుగుపరచడమే కాకుండా మీ చర్మం దృఢంగా, మెరుస్తూ ఉంటుంది.
విటమిన్ ఇ అనేది బెస్ట్ మాయిశ్చరైజింగ్ గుణాలు కలిగి ఉంటుంది. దీనికోసం మీ రెగ్యులర్ నైట్ క్రీమ్‌లో కొన్ని చుక్కల విటమిన్ ఇ ఆయిల్‌ని మిక్స్ చేయాలి. దీన్ని రాసుకునే ముందు ముఖాన్ని శుభ్రంగా కడుక్కుని అప్లై చేసుకోవాలి. ఫలితంగా మీ ముఖానికి తగినంత తేమ అంది..ముఖం కాంతివంతంగా ఉంటుంది.
ఇక ఎండాకాలంలో వడదెబ్బ నుంచి కాపాడేందుకు కూడా విటమిన్ ఇ అద్భుతంగా పనిచేస్తుంది. మంచి ఉపశమనం కల్గిస్తుంది. ఇందులో ఉండే మాయిశ్చరైజింగ్ గుణాల వల్ల..చర్మంపై రక్షణ కవచంగా పనిచేస్తుంది. గోర్లు అందంగా, ఆరోగ్యంగా ఉండేందుకు కూడా విటమిన్ ఇ దోహదపడుతుంది. గోర్లను , గోర్ల చుట్టూ ఉండే చర్మాన్ని సున్నితంగా మసాజ్ చేసేందుకు విటమిన్ ఇ నూనె ఉపయోగపడుతుంది.
Also read: Blood Group vs Heart Risk: ఏ బ్లడ్ గ్రూప్ వారికి గుండెపోటు ముప్పు ఎక్కువో తెలుసా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
