Sabarimala Temple Latest News: కేరళలోని శబరిమల ఆలయం అయ్యప్ప స్వాముల రద్దీ భారీగా ఉండగా.. కొండమీద రద్దీని నియంత్రిచడంలో అధికారులు సక్సెస్ అయ్యారు. మంగళవారం రాత్రి 8 గంటల వరకు 62,094 మంది భక్తులు స్వామివారిని దర్శించుకున్నారు. ట్రావెన్కోర్ దేవస్థానం ప్రత్యేక కార్యదర్శి ఎం.జి. శబరిమల అయ్యప్ప ఆలయాన్ని సందర్శించిన రాజమాణికం పరిస్థితిని పరిశీలించారు. భక్తుల తొక్కిసలాట జరగకుండా చర్యలు తీసుకుంటున్నట్లు చెప్పారు. సన్నిధానం వద్ద రద్దీని బట్టి భక్తులను కొండపైకి ట్రెక్కింగ్ చేయడానికి.. తిరిగి రావడానికి అనుమతిస్తున్నట్లు తెలిపారు. ప్రతిరోజూ 1,20,000 మంది భక్తులు ఆలయాన్ని సందర్శిస్తున్నారని తెలిపారు.
వీరిలో దాదాపు 20 వేల మంది స్పాట్ బుకింగ్ ద్వారా వెళుతుండగా.. మరో 5 వేల మంది పుల్లుమేడు మీదుగా ట్రెక్కింగ్ మార్గంలో ప్రవేశిస్తున్నారు. ప్రతి గంటకు 4,200 మంది పవిత్ర 18 మెట్ల గుండా వెళుతున్నారు. భక్తుల రద్దీని దృష్టిలో ఉంచుకుని అధికారులు పూర్తి ఏర్పాట్లు చేస్తున్నారు. నీలక్కల్ వద్ద మరిన్ని పార్కింగ్ పాయింట్లు, పంపా, సన్నిధానం మధ్య యాత్రికుల కోసం 2,300 టాయిలెట్లు ఏర్పాటు చేశారు. మొదటి 19 రోజులు ఆలయాన్ని సందర్శించిన యాత్రికుల సగటు సంఖ్య 62,000 అయితే.. డిసెంబర్ 6 నుంచి నాలుగు రోజుల్లో భక్తుల సంఖ్య 88 వేలకు చేరింది. గంటల తరబడి క్యూలో నిరీక్షిస్తున్న భక్తులకు తాగునీరు, బిస్కెట్ల పంపిణీని టీడీబీ ముమ్మరం చేసింది.
శబరిమల యాత్రను సజావుగా నిర్వహించడంలో ట్రావెన్కోర్ దేవస్వం బోర్డు (టీడీబీ) పరిపాలన ఘోరంగా విఫలమైందని ప్రతిపక్షాల విమర్శలు చేస్తున్నాయి. ఈ నేపథ్యంలో శబరిమల వద్ద రద్దీని తగ్గించేందుకు కేరళ ముఖ్యమంత్రి పినరయి విజయన్ ఇడుక్కిలో ప్రత్యేక సమావేశం నిర్వహించారు. ప్రతిరోజూ 62,000 నుంచి 88 వేల మంది యాత్రికులు వస్తున్నారని ముఖ్యమంత్రి కార్యాలయం ప్రకటన విడుదల చేసింది. అదేవిధంగా భక్తుల రద్దీ దృష్ట్యా టీడీబీ దర్శన సమయాన్ని గంటపాటు పొడిగించింది.
స్పాట్ బుకింగ్‌ను పరిమితం చేయాలని టీడీబీని ప్రభుత్వం ఆదేశించింది. ఆన్‌లైన్‌లో ముందస్తు బుకింగ్‌లు మెరుగైన రద్దీ, ట్రాఫిక్ నిర్వహణ కోసం యాత్రికుల సంఖ్యను అంచనా వేయడానికి పోలీసులకు ఉపయోగపడుతుందని అధికారులు తెలిపారు. మహిళలు, పిల్లల కోసం ప్రత్యేక క్యూను కూడా ఏర్పాటు చేశారు. యాత్రికులకు సహాయం చేయడానికి, రద్దీని నియంత్రించడంలో పోలీసులకు సహాయం చేయడానికి వాలంటీర్లను నియమించాలని టీడీబీని ప్రభుత్వం సూచించింది. శబరిమల వద్ద యాత్రికురాలిగా ఉన్న ఎనిమిదేళ్ల బాలిక మృతి చెందడంపై ముఖ్యమంత్రి పినరయి సంతాపం తెలిపారు.
Also Read: Luck Signs: అదృష్టం వరించే ముందు కనిపించే సంకేతాలు.. అస్సలు అశ్రద్ధ చేయకండి
Also Read: Police Officer Sucess Story: పోలీస్‌ ఉద్యోగానికి రాజీనామా..తెల్లచెందనం పంటతో కోట్లకు కోట్లు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
