Live Blog
Stone Attack On CM Jagan Mohan Reddy Live Updates: ఏపీ అసెంబ్లీ ఎన్నికల వేళ సీఎం జగన్ మోహన్ రెడ్డిపై రాయి ఘటన సంచలనం రేకెత్తిస్తోంది. విజయవాడలో మేమంతా సిద్ధం బస్సు యాత్రలో ముఖ్యమంత్రిపై ఆకతాయిలు దాడి చేశారు. బస్సుపై నుంచి సీఎం జగన్ ప్రజలకు అభివాదం చేస్తున్న సమయంలో రాయి విసిరారు. వేగంగా దూసుకువచ్చని రాయి.. సీఎం జగన్ కనుబొమ్మకు తాకింది. జగన్‌పై క్యాట్ బాల్‌తో దాడి చేసినట్లు అనుమానిస్తున్నారు. ఈ ఘటనలో సీఎం జగన్ ఎడమకంటి కనుబొమ్మపై గాయమైంది. ముఖ్యమంత్రి పక్కనే ఉన్న ఎమ్మెల్యే వెల్లంపల్లి ఎడమ కంటికి సైతం దెబ్బ తగిలింది. బస్సులోనే సీఎం జగన్‌కు వైద్యులు ప్రథమ చికిత్స అందించారు. చికిత్స తరువాత సీఎం జగన్ బస్సు యాత్ర కొనసాగించారు. టీడీపీ వర్గాలే ఈ దాడికి పాల్పడ్డాయని వైసీపీ శ్రేణులు ఆరోపిస్తున్నాయి.
