Telangana EAPCET Counselling Dates: ప్రభుత్వ, ప్రైవేట్‌ ఇంజినీరింగ్‌ కాలేజీల్లో బీటెక్‌లో ప్రవేశాలకు సంబంధించి టీఎస్‌ ఈఏపీసెట్‌ తొలి విడత కౌన్సెలింగ్‌ ప్రక్రియ నేటి నుంచి ప్రారంభమైంది. గురువారం నుంచి ఈ నెల 12వ తేదీ వరకు విద్యార్థులకు ప్రాసెసింగ్ ఫీజు చెల్లించే అవకాశం ఉంటుంది. సర్టిఫికెట్ల వెరిఫికేషన్‌కు ఎప్పుడు హాజరవుతారో స్లాట్ బుక్ చేసుకోవచ్చు. ఈ నెల 6వ తేదీ నుంచి 13వ తేదీ వరకు రాష్ట్ర వ్యాప్తంగా ఏర్పాటు చేసిన 36 హెల్ప్‌లైన్ కేంద్రాల్లో ఎక్కడో ఒక చోట వెరిఫికేషన్‌కు హాజరుకావాల్సి ఉంటుంది. సర్టిఫికెట్ల వెరిఫికేషన్ పూర్తి చేసుకున్న వారు ఈ నెల 8 నుంచి 15వ తేదీ వరకు వారికి తమకు ఇష్టమైన కాలేజీలు, కోర్సులను ఎంచుకునేందుకు వెబ్‌ఆప్షన్లు ఇవ్వాలి. వెబ్ ఆప్షన్లు పూర్తయిన తరువాత ఈ నెల 19వ తేదీలోపు తొలి విడత సీట్లు కేటాయింపు జరుగుతుంది. కౌన్సెలింగ్‌ వెబ్సైట్ tgeapcet.nic.in ను సందర్శించండి. వెబ్సైట్ ద్వారా ట్యూషన్ ఫీజు చెల్లింపు, సెల్ఫ్‌ రిపోర్టింగ్‌కు జూలై 19 నుంచి 23 వరకు అవకాశం ఉంటుంది.
Also Read: Bhole Baba: తొక్కిసలాట ఘటనపై బోలే బాబా సంచలన ప్రకటన.. ఏమన్నారంటే?
అర్హతలు ఇలా..
==> అభ్యర్థి తెలంగాణ లేదా ఆంధ్రప్రదేశ్ రాష్ట్రానికి చెందినవారై ఉండాలి .
==> ఇంజనీరింగ్, ఫార్మసీలో అండర్ గ్రాడ్యుయేట్ ప్రొఫెషనల్ కోర్సులకు సంబంధించి డిసెంబర్ 31, 2024 నాటికి 16 ఏళ్ల వయస్సు పూర్తయి ఉండాలి.
==> ఫార్మ్ డి (డాక్టర్ ఆఫ్ ఫార్మసీ) కోర్సుకు డిసెంబర్ 31, 2024 నాటికి 17 ఏళ్లు పూర్తయి ఉండాలి.
==> అయితే స్కాలర్‌షిప్ పొందేందుకు గరిష్ట అర్హత వయస్సు ఓసీ అభ్యర్థులకు 25 సంవత్సరాలు, ఇతర అభ్యర్థులకు 29 సంవత్సరాలలోపు ఉండాలి.
ఫస్ట్‌ ఫేజ్‌ కౌన్సెలింగ్‌ షెడ్యూల్‌ ఇలా..
==> ఆన్లైన్ రిజిస్ట్రేషన్‌, స్లాట్ బుకింగ్‌- జూలై 04 నుంచి జూలై 12 వరకు
==> సర్టిఫికెట్ల పరిశీలన- జూలై 06 నుంచి జూలై 13 వరకు.
==> ఆప్షన్ల ఎంపిక- జూలై 08 నుంచి జూలై 15 వరకు.
==> ఆప్షన్ల ఫ్రీజింగ్‌- జూలై 15.
==> సీట్ల కేటాయింపు- జూలై 19
==> సెల్ఫ్‌ రిపోర్టింగ్‌- జూలై 19 నుంచి 23 వరకు.
సెకెండ్‌ ఫేజ్‌ కౌన్సెలింగ్‌ షెడ్యూల్‌ ఇలా..
==> ఆన్లైన్ రిజిస్ట్రేషన్‌, స్లాట్ బుకింగ్‌- జూలై 26.
==> సర్టిఫికెట్ల వెరిఫికేషన్- జూలై 27.
==> ఆప్షన్ల ఎంపిక- జూలై 27 నుంచి 28 వరకు.
==> ఆప్షన్ల ఫ్రీజింగ్‌- జూలై 28.
==> సీట్ల కేటాయింపు- జూలై 31.
==> సెల్ఫ్‌ రిపోర్టింగ్‌- జూలై 31 నుంచి ఆగస్టు 02 తేదీ వరకు.
లాస్ట్‌ స్టేజ్‌ కౌన్సెలింగ్‌ షెడ్యూల్‌ ఇలా..
==> ఆన్లైన్ రిజిస్ట్రేషన్‌, స్లాట్ బుకింగ్‌- ఆగస్టు 08.
==> సర్టిఫికెట్ల వెరిఫికేషన్- ఆగస్టు 09.
==> ఆప్షన్ల ఎంపిక- ఆగస్టు 09 నుంచి 10 వరకు.
==> ఆప్షన్ల ఫ్రీజింగ్‌- ఆగస్టు 10.
==> సీట్ల కేటాయింపు- ఆగస్టు 13.
==> సెల్ఫ్‌ రిపోర్టింగ్‌- ఆగస్టు 13 నుంచి 15వ తేదీ వరకు.
Also Read: విజయ్ లో త్రిషకి చిరాకు తెప్పించే విషయం.. అందువల్లే షూటింగ్స్ లో సైతం ఇబ్బంది!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
