Palak Paneer Paratha: పాలకూర అన్ని ఆకుకూరలో ఒకటి. ఇది మార్కెట్‌లో సులభంగా దొరుకుతుంది. అయితే చాలా మంది ఆకుకూరలను తినడానికి అసలు ఇష్టపడరు. ముఖ్యంగా చిన్న పిల్లలు తినడానికి మారం చేస్తుంటారు. కానీ ఇందులో ఉండే లాభాలు గురించి ఎవరికి తెలియదు. పాలకూర తినడం వల్ల శరీరానికి ఎలాంటి లాభాలు కలుగుతాయి. పాలకూరతో సింపుల్‌గా తయారు చేసుకొనే పాలక్ పన్నీర్ పరాటా తయారీ విధానం ఏంటో మనం తెలుసుకుందాం.
పాలకూరను ఆకు కూరల్లో రాణి అని పిలుస్తారు. ఇందులో బోలెడు విటమిన్‌లు, ఖనిజాలు, యాంటీ ఆక్సిడెంట్లు పుష్కలంగా లభిస్తాయి. దీనిని ప్రతిరోజు ఆహారంలో తీసుకోవడం వల్ల మంచి లాభాలు కలుగుతాయి. ముఖ్యంగా పాలకూర తినడం వల్ల కంటి సమస్యల బారిన పడకుండా ఉంటామని ఆరోగ్యనిపుణులు చెబుతున్నారు. ఇందులో ఉండే విటమిన్‌ ఎ కంటి చూపును మెరుగుపరుచుతుంది. అలాగే ఇందులో ఉండే కాల్షియం, విటమిన్‌ కె ఎముకలను దృఢంగా తయారు చేస్తాయి. పాలకూరలో యాంటీ ఆక్సిడెంట్లు ఎక్కువగా ఉండటం వల్ల రోగనిరోధక శక్తి మెరుగుపడుతుంది. ఇది చెడు కొలెస్ట్రాల్‌ను తొలగించడంలో కీలక ప్రాత పోషిస్తుంది. బరువు తగ్గాలి అనుకొనేవారు పాలకూరను తినడం వల్ల బరువు తగ్గుతారు. రక్తహీనత సమస్యలతో బాధపడేవారు కూడా దీని తీసుకోవడం చాలా మంచిది. జీర్ణక్రియ మెరుగుగా పనిచేయాలంటే పాలకూర ఆహారంలో భాగంగా చేర్చుకోవాల్సి ఉంటుంది.
పదార్థాలు:
గోధుమ పిండి
పాలకూర
పనీర్
ఉల్లిపాయ
ఆవాలు
కారం
కొత్తిమీర
నూనె
ఉప్పు
తయారీ విధానం:
పాలకూరను ఉడికించి మెత్తగా చేయాలి. పనీర్‌ను చిన్న చిన్న ముక్కలుగా కోయాలి. ఉల్లిపాయను చిన్న చిన్న ముక్కలుగా కోయాలి. కడాయిలో నూనె వేసి ఆవాలు వేసి వచ్చిన తర్వాత ఉల్లిపాయ వేసి వేగించాలి. వేగించిన ఉల్లిపాయలో పాలకూర, పనీర్, కారం, కొత్తిమీర వేసి బాగా కలపాలి. గోధుమ పిండిని నీరు కలిపి మృదువైన పిండి చేయాలి. పిండిని చిన్న చిన్న ఉండలుగా చేసి, ప్రతి ఉండలో కొద్దిగా స్టఫింగ్ వేసి పరాటా లాగా చపటా చేయాలి. తవాపై నూనె వేసి పరాటాను రెండు వైపులా వేగించాలి. పాలక్ పన్నీర్ పరాటాను వేడి వేడిగా దही లేదా రాయితాలతో తినవచ్చు. ఇది బ్రేక్‌ఫాస్ట్, లంచ్ లేదా డిన్నర్‌కు ఒక మంచి ఆప్షన్.
Also Read: Orange Seeds: పొరపాటున కూడా ఈ గింజలు పడేయకండి.. దీని వల్ల లాభాలెన్నో..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
