YO! 10 Prema Kathalu: యూత్ ఫుల్ లవ్ ఎంటర్ టైనర్స్ కాన్సెప్ట్ తో తీసిన చిత్రాలకు ఎప్పుడూ ఆదరణ ఉంటుంది. ఈ కోవలో కథ, కథనాలతో "YO! 10 ప్రేమకథలు" సినిమా తెరకెక్కబోతుంది. పి సి క్రియేషన్స్ సమర్పణలో, మనూటైమ్ మూవీ మిషన్ సంస్థ ఈ చిత్రాన్ని సంయుక్తంగా నిర్మిస్తోంది. ఈ మూవీలో పది మంది పాపులర్ హీరో హీరోయిన్స్ యాక్ట్ చేస్తున్నారు. "YO! 10 ప్రేమకథలు" చిత్రాన్ని ప్రముఖ దర్శక, రచయిత, నంది అవార్డ్ గ్రహీత మనోహర్ చిమ్మని తెరకెక్కిస్తున్నారు. మంచి దర్శకుడు, ప్రతిభగల రచయితగా తన కంటూ పేరు తెచ్చుకున్నాడు. గతంలో "కల", "అలా", "వెల్కమ్" , "స్విమ్మింగ్ ఫూల్" వంటి చిత్రాలతో ప్రేక్షకులను అలరించారు. సినిమా స్క్రిప్టు రచనాశిల్పం పుస్తకాన్ని రాసి 1998లో నంది పురస్కారం సైతం గెలుకున్నారు. తాజాగా "YO! 10 ప్రేమకథలు" సినిమాను తెరకెక్కిస్తున్నారు. తాజాగా ఈ సినిమా అట్టహాసంగా పూజా కార్యక్రమాలతో ప్రారంభమైంది. ప్రముఖ దర్శకులు వీరశంకర్, చంద్రమహేశ్ ముఖ్య అతిథులుగా పాల్గొన్నారు. ఈ కార్యక్రమంలో డైరెక్టర్ వీరశంకర్ మూవీ పోస్టర్ పై క్లాప్ కొట్టారు.
అనంతరం జరిగిన కార్యక్రమంలోడైరెక్టర్ వీరశంకర్ మాట్లాడుతూ - మనోహర్ చిమ్మని డైరెక్టర్ గా.. రైటర్ గా మంచి పేరు తెచ్చుకున్నారు. ఆయన రాసిన సినిమా స్క్రిప్టు రచనాశిల్పం పుస్తకానికి నంది పురస్కారం దక్కిందన్నారు. ఆయన చేస్తోన్న ఈ సినిమా హిట్ అవుతుంది. టీమ్ కు ఆల్ ది బెస్ట్ చెప్పారు.
డైరెక్టర్ చంద్రమహేశ్ మాట్లాడుతూ.. "YO! 10 ప్రేమకథలు" టైటిల్ బట్టి ఈ సినిమా ఎలా ఉండబోతుందనే ఆసక్తి పెంచారు. తప్పుకుండా ఈ సినిమా విజయవంతం అవుతుందనే ఆశాభావం వ్యక్తం చేశారు.
డైరెక్టర్ బాబ్జీ మాట్లాడుతూ.. డైరెక్టర్ మనోహర్ కు నా బెస్ట్ విషెస్ తెలియజేస్తున్నాను. ఇండస్ట్రీలో కొత్త విషయాలు నేర్చుకుంటూ వాటిని గ్రంథస్తం చేసి ముందు తరాలకు అందించే ప్రయత్నం చేశారు మనోహర్. సినిమాలో ఒక ప్రేమ కథ ఉంటుంది. కానీ "YO! 10 ప్రేమకథలు" సినిమాలో పది ప్రేమ కథల్ని ఆయన తెరెకెక్కించడం గొప్ప విషయమన్నారు.
చిత్ర దర్శకులు మనోహర్ చిమ్మని మాట్లాడుతూ - యో... అనే మాట యువతకు ఎక్కువగా యూజ్ చేస్తోంది. ఈతరం యువతీయువకుల ఆలోచనలు, జీవనశైలి చుట్టూ అల్లిన 10 ప్రేమ కథల సమాహారంగా ఈ సినిమా తెరకెక్కించబోతున్నట్టు చెప్పారు. ఈ చిత్రం ఇప్పటి యూత్ ఆలోచనలకు తగ్గట్టు వాళ్లను మెప్పిస్తుందనే ఆశాభావం వ్యక్తం చేశారు. ఈ సినిమాలో పది మంది పాపులర్ హీరోహీరోయిన్లు యాక్ట్ చేస్తున్నారు. సపోర్టింగ్ రోల్స్‌లో కొందరు పాపులర్ సహనటులు, సోషల్ మీడియా ఇన్‌ఫ్లుయెన్సర్స్ నటిస్తున్నారు. త్వరలోనే అన్ని వివరాలు వెల్లడిస్తాము. ఈ సినిమా షూటింగ్ నవంబర్ చివరివారం నుంచి ప్రారంభిస్తున్నాము. వైజాగ్, గోవా, హైద్రాబాద్ పరిసర ప్రాంతాల్లోని అద్భుతమైన ఇండోర్ అండ్ అవుట్‌డోర్ లొకేషన్స్‌లో షూట్ చెయ్యబోతున్నట్టు చెప్పారు.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
