Pushpa 2 Item Song Leaked: భారీ అంచనాలతో విడుదలకు సిద్ధమైన పుష్ప 2 సినిమా కోసం ప్రేక్షకులు ఉత్కంఠగా ఎదురుచూస్తున్నారు. అయితే ఈ సినిమాలో ఐటమ్ పాట లీక్ అయ్యిందనే ప్రచారం కలకలం రేపుతోంది. శ్రీలీల, అల్లు అర్జున్ స్టెప్పు వేస్తున్న ఫొటో ఒకటి నెట్టింట్లో అలజడి సృష్టిస్తోంది. ఆ వివరాలు ఇలా ఉన్నాయి.
భారీ అంచనాలు: పుష్ప సంచలన విజయంతో పార్ట్‌ 2పై భారీ అంచనాలు నెలకొన్నాయి. అల్లు అర్జున్, రష్మిక మందన్నా జోడీగా సుకుమార్‌ దర్శకత్వంలో పుష్ప ది రూల్‌ రూపుదిద్దుకుంటోంది. ఇప్పటికే టీజర్‌తో పుష్ప 2పై సుకుమార్‌ భారీ అంచనాలు రేపాడు. ప్రపంచవ్యాప్తంగా డిసెంబర్‌ 5వ తేదీన విడుదలకు సిద్ధమవుతోంది.
తీవ్ర నిరాశ: సినిమా విడుదలకు సమయం ముంచుకొస్తున్నా ఇంకా ప్రమోషన్స్‌, అప్‌డేట్స్‌ ఇవ్వకపోవడంతో అభిమానులతోపాటు ప్రేక్షకులు తీవ్ర నిరాశకు గురవుతున్నారు.
భారీ ఊరట: పుష్ప 2 కోసం ఎదురుచూస్తున్న నెటిజన్లకు ఓ భారీ ఊరట లభించింది. ఈ సినిమాలోని ఐటమ్ పాటకు సంబంధించి ఓ ఫాట లీకయ్యింది.
దాన్ని మించి: పార్ట్‌ 1లో ఊ అంటావా ఊ ఊ అంటావా అని ప్రపంచాన్ని ఊపిన ఐటమ్ పాటను మించి రెండో భాగంలో ఉన్నట్లు తెలుస్తోంది.
ఫొటో లీక్: సోషల్‌ మీడియాలో లీకైన ఆ ఫొటోలో శ్రీలీల, అల్లు అర్జున్ ఇద్దరూ స్టెప్పులేస్తున్నారు. అల్లు అర్జున్ ఎరుపు రంగులో.. శ్రీలీల నలుపు రంగు డ్రెస్‌లో మెరిసింది.
ఫ్యాన్స్‌కు పండుగ: ఈ ఐటమ్ పాట ఊ అంటావా పాటను మించి ఉంటుందని సమాచారం. ఈ ఫొటో లీక్ కావడంతో అల్లు అర్జున్ అభిమానులు పండుగ చేసుకుంటున్నారు.
అనుమానాలు: ఆ ఫొటో లీకయిందా? లేదా ఏఐ ద్వారా తీర్చిదిద్దిన ఫొటోనా? అనే ప్రచారం జరుగుతోంది. ఈ ఫొటో లీక్‌పై చిత్రబృందం ఎలాంటి ప్రకటన చేయలేదు.
