Harbhajan Singh: రాజకీయాల్లోకి ఎంట్రీపై హర్భజన్ సింగ్ క్లారిటీ- సిద్ధూను కలిసింది ఎందుకంటే?

Harbhajan Singh: క్రికెట్​కు గుడ్​బై చెప్పిన హర్భజన్​ సింగ్ పొలిటికల్​ ఎంట్రీపై ఆసక్తికర విషయాలు వెల్లడించాడు. తానకు వివిధ పార్టీల నుంచి పిలుపు వచ్చినట్లు చెప్పాడు. పార్టీలో చేసే విషయంపై భజ్జీ ఏం చెప్పాడండే..

Harbhajan Singh: హర్భజన్​ సింగ్​ తాను రాజకీయాల్లోకి వచ్చే విషయంపై స్పందించాడు. అన్ని ఫార్మాట్ల నుంచి శుక్రవారమే రిటైర్మెంట్ ప్రకటించిన భజ్జీ తాజాగా తన భవిష్యత్ కార్యచరణపై (Harbhajan Singh on his future Plans) మాట్లాడాడు. ఈ మేరకు రాజకీయాల్లోకి ఎంట్రీ గురించి కూడా మాట్లాడాడు.

హర్భజన్​ సింగ్ ఏం చెప్పాడంటే..

'నాకు అన్ని పార్టీల నాయకులతో పరిచయం ఉంది. వివిధ పార్టీల నుంచి ఆహ్వానం కూడా వచ్చింది. నేను పంజాబ్​కు సేవల చేయాలి. అది రాజకీయాల ద్వారా కావచ్చు. వేరే విధంగా కావచ్చు. ఇంకా దీనిపై నేను ఏ నిర్ణయం తీసుకోలేదు. ఒక వేల నేను ఏదైనా నిర్ణయం తీసుకుంటే.. పార్టీలో చేరే ముందే ప్రకటిస్తాను.' అని హర్భజన్ తాజాగా (Harbhajan Singh on his Political Entry)​ స్పష్టతనిచ్చాడు.

I know politicians from every party. I'll make an announcement beforehand if I'll join any party. Will serve Punjab, maybe via politics or something else, no decision has been taken yet:India off-spinner Harbhajan Singh announced his retirement from all forms of cricket on Friday pic.twitter.com/TTOd5lSRNW

— ANI (@ANI) December 25, 2021

కొంత కాలంగా రూమర్స్​..

హర్భజన్​ సింగ్ రాజకీయాల్లోకి వస్తాడని.. గత కొంత కాలంగా ఊహాగానాలు వస్తున్నాయి. రిటైర్మెంట్​ (Harbhajan Singh retirement) తర్వాత తను బీజేపీలో చేరుతాడని ఇటీవల వార్తలు వచ్చాయి. వాటన్నింటిని భజ్జీ కొట్టిపారేస్తూ వచ్చాడు.

ఇదిలా ఉండగా.. ఇటీవలే పంజాబ్ కాంగ్రెస్ ఛీఫ్​ నవజోత్​సింగ్ సిద్ధూను కలిశాడు హర్భజన్​. వీరిద్దరి భేటీతో భజ్జీ కాంగ్రెస్​లో చేరుతాడనే వాదనకు బలం చేకూర్చింది. దీనిపై ఇరువురు అధికారికంగా ఎలాంటి ప్రకట చేయలేదు. అయితే ఈ విషయంపై హర్భజన్ తాజాగా స్పష్టతనిచ్చాడు.​ తాను క్రికెటర్​గానే సిద్ధూని కలిసినట్లు తెల్చి (Harbhajan Singh met Congress chief Navjot Singh Sidhu) చెప్పాడు.

Picture loaded with possibilities …. With Bhajji the shining star pic.twitter.com/5TWhPzFpNl

— Navjot Singh Sidhu (@sherryontopp) December 15, 2021

భజ్జీ పొలిటికల్ ఎంట్రీపై ఎందుకన్ని రూమర్స్?

హర్భజన్​ సింగ్ రాజకీయాల్లోకి ఎంట్రీ ఇస్తాడనే.. రూమర్స్ రావడానికి బలమైన కారణాలే ఉన్నాయి. మరికొన్ని నెలల్లోనే పంజాబ్​లో అసెంబ్లీ ఎన్నికలు రానున్నాయి. ఈ నేపథ్యంలో అతడు రాజకీయాల్లోకి వచ్చే అంశం ఇప్పుడు హాట్​ టాపిక్​గా మారింది. అసలు రాజకీయాల్లోకి వచ్చే ఉద్దేశంతోనే భజ్జీ రిటైర్మెంట్ ఇచ్చినట్ల కూడా చర్చ సాగుతోంది.

ఏదేమైనప్పటికీ.. ప్రస్తుతానికి హర్భజన్​ సింగ్ ఎలాంటి నిర్ణయం తీసుకోలేదని స్పష్టమైంది. రాజకీయాల్లోకి ఎంట్రీ ఇవ్వాలనుకుంటే మాత్రం.. ఎన్నికల ప్రక్రియ మొదలవకముందే ప్రకటన చేసే అవకాశాలున్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe