5 వన్డేల సిరీస్ కోసం ప్రస్తుతం న్యూజీలాండ్‌లో పర్యటిస్తున్న టీమిండియా తొలి వన్డేలో అద్భుతమైన విజయం సొంతం చేసుకుని సిరీస్‌‌లో పై చేయి సాధించిన సంగతి తెలిసిందే. రేపు జరగనున్న రెండో వన్డేలోనూ గెలిచి మరింత ఆధిక్యం ప్రదర్శించాలని కోహ్లి సేన భావిస్తోంది. ఈ నేపథ్యంలోనే తాజాగా టీమిండియా కోచ్ రవిశాస్త్రి పర్యవేక్షణలో మౌంట్ మాంగనుయిలో ఆటగాళ్లు 2వ వన్డే కోసం ప్రాక్టీస్ చేస్తూ కనిపించారు. ఆటగాళ్ల ప్రాక్టీస్ సెషన్‌ను రవిశాస్త్రి దగ్గరుండి పర్యవేక్షిస్తుండగా ఆ పక్కనే మాజీ కెప్టేన్, వికెట్ కీపర్ మహేంద్ర సింగ్ ధోని నిలబడి చూస్తుండటాన్ని ఈ ఫోటోలో గమనించొచ్చు.
#NewZealand: Indian cricket team's practice session in Mount Maunganui ahead of their second ODI match against New Zealand tomorrow pic.twitter.com/p5WMgHzsn5
— ANI (@ANI) January 25, 2019
ఇదిలావుంటే, టీమిండియా కెప్టేన్ విరాట్ కోహ్లీ 2వ, 3వ వన్డేలకు నేతృత్వం వహించిన అనంతరం విశ్రాంతి తీసుకోనుండగా.. ఆ తర్వాత జరిగే చివరి రెండు వన్డేలతోపాటు టీ20 సిరీస్‌కి సైతం రోహిత్ శర్మ కెప్టేన్సీ బాధ్యతలు అందుకోనున్నాడు.
