IPL 2022: ఐపీఎల్ 2022 వేలం గత వారం ముగియగా.. ఇప్పుడు 15వ సీజన్ నిర్వహణపై బీసీసీఐ కసరత్తు ముమ్మరం చేసినట్లు తెలుస్తోంది. ఇందులో భాగంగా మొత్తం ఐపీఎల్ నిర్వహణ కోసం ఆరు స్టేడియాలను మాత్రమే ఎంపిక చేసినట్లు సమాచారం. కరోనా మహమ్మారి సోకేందుకు అవకాశమున్న నేపథ్యంలో ప్లేయర్స్ను సురక్షితంగా ఉంచేందుకు ఈ నిర్ణయం తీసుకుందని విశ్వసనీయ వర్గాలు అంటున్నాయి.
అయితే మొత్తం ఆరు స్టేడియాల్లో ముంబయిలోనే ఐదు ఉన్నట్లు తెలుస్తోంది. ఆరో స్టేడియంగా గుజరాత్ అహ్మదాబాద్లోని నరేంద్ర మోదీ స్టేడియంను ఐపీఎల్ 2022కోసం బీసీసీఐ ఎంపిక చేసుకున్నట్లు సమాచారం.
నరేంద్ర మోదీ స్టేడియం ప్లేఆఫ్స్తో పాటు ఫైనల్ మ్యాచ్కు వేదిక కానుందని తెలుస్తోంది.
వాంఖడే స్టేడియం, బ్రబౌర్న్ స్టేడియం, డాక్టర్ డి.వై.పాటిల్ స్పోర్ట్స్ స్టేడియం, మహారాష్ట్ర క్రికెట్ అసోసియేషన్ స్టేడియం, జియో స్డేడియం (నావి ముంబయి) లను ముంబయిలో బీసీసీఐ ఎంపిక చేసుకున్నట్లు విశ్వసనీయ వర్గాల సమాచారం.
ఐపీఎల్ 2022 గురించి..
గత సీజన్లతో పోలిస్తే.. ఈ సారి ఐపీఎల్కు చాలా ప్రత్యేకత ఉంది. ముఖ్యంగా ఈ సారి ఐపీఎల్లో మొత్తం 10 టీమ్స్ పాల్గొననున్నాయి. దీనితో సీజన్ మొత్తం మీద 74 మ్యాచ్లు జరగనున్నాయి.
ఇక రెండేళ్ల తర్వాత పూర్తి స్థాయిలో దేశీయంగా ఐపీఎల్ మ్యాచ్లు జరగనున్నాయి. కరోనా కారణంగా యూఏఈ వేదికగా ఐపీఎల్ 2020ని నిర్వహించింది బీసీసీఐ. ఆ తర్వాత 2021లో ఐపీఎల్ను దేశీయంగా నిర్వహించేందుకు ప్రయత్నించింది. లీగ్ దశలో కొన్ని మ్యాచ్లు దేశీయంగానే జరిగాయి. అయితే కొంత మంది ప్లేయర్స్ కరోనా బారిన పడటంతో.. కొన్ని నెలల తర్వాత యూఏఈ వేదికగానే ఐపీఎల్ 2021 పూర్తయింది.
గత అనుభవాలను దృష్టిలో పెట్టుకుని ఈ సారి కట్టుదిట్టమైన బయోబబుల్ నిబంధనల నడుమ దేశీయంగానే ఐపీఎల్ 2022 నిర్వహించాలని బీసీసీఐ భావిస్తోంది. దేశీయంగానే ఐపీఎల్ 2022 ఉంటుందని అధికారికంగా ప్రకటించిన బీసీసీఐ.. ఇతర విషయాలపై మాత్రం ఇంకా స్పందించలేదు.
ఆ సారి ఐపీఎల్ మార్చి 27 నుంచి 28 వరకు జరిగే అవకాశాలున్నాయి. దీనిపై త్వరలోనే అధికారిక ప్రకటన వెలువడే అవకాశముంది.
Also read: Virat Kohli Break: విరాట్ కోహ్లీకి బ్రేక్- వెస్డిండీస్తో మూడో టీ20కి దూరం..!
Also read: IND vs WI: మెరిసిన కోహ్లీ, భువీ.. రెండో టీ20లో భారత్ ఉత్కంఠ విజయం! సిరీస్ కైవసం!!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
