USA News

ఇటీవల సంచలనం సృష్టించిన షెరినా మాథ్యూస్‌ మిస్టరీ వీడిందా? ఆ చిన్నారి సమీపంలోని డ్రైనేజీ టన్నెల్ లో శవంగా తేలిందా? టెక్సాస్ పోలీసులు చెబుతున్న వివరాల ప్రకారం చూస్తే.. ఈ విషయం నిజమేనేమో అని అనిపిస్తుంది. పాలు తాగలేదని మూడేళ్ళ చిన్నారిని అర్థరాత్రి ఇంటి బయట నిలబడమని శిక్షించాడు కన్న తండ్రి వెస్లీ మాథ్యూస్‌. కొద్దిసేపటికి వెస్లీ బయటకు వచ్చి చూస్తే పాప కనిపించలేదు. దాంతో పోలీసులకు ఫిర్యాదు చేసాడు వెస్లీ.

అమెరికా అధ్యక్షుడు డొనాల్డ్‌ ట్రంప్ పలు ఆసక్తికరమైన వ్యాఖ్యలు చేశారు. ఇటీవలే ఓ ఆంగ్ల పత్రికతో జరిగిన ముఖాముఖి కార్యక్రమంలో ఆయన మాట్లాడుతూ ప్రస్తుత మీడియాపై కోప్పడ్డారు ‘మీడియా అనేది ఫేక్ అన్నమాట నూటికి నూరుపాళ్ళు సత్యం‌. అసలు ఫేక్‌ అనే పదాన్ని కనిపెట్టిందే నేను. అయితే ఆ పదం చాలా రోజుల నుండి జనబాహుళ్యంలో ఉంది. ఆ విషయం ఇంతవరకు నేను గమనించలేదు. నేడు ఫేక్ వార్తల వల్ల అమెరికా ఎదుర్కొంటున్న సమస్యలు అన్నీ ఇన్నీ కావు. మన దేశ గొప్పతనాన్ని మన మీడియాయే పణంగా పెట్టడం విచారకరం’ అని ట్రంప్‌ ప్రస్తుత మీడియా వ్యవస్థపై ఆరోపణలు చేశారు.

ఉత్తర కొరియా మరో క్షిపణి పరీక్ష చేసేందుకు సిద్ధంగా ఉందని.. అందుకు అనువైన రోజు కోసం ఎదురు చూస్తోందని అమెరికా ఇంటెలిన్స్ వర్గాలు భావిస్తున్నాయి.  అక్టోబర్‌ 10న ఉత్తర కొరియాలో జరగబోయే  వర్కర్స్‌ పార్టీ వార్షికోత్సవం సందర్భంగా, ఆ దేశ అధ్యక్షుడు కిమ్ జోంగ్ ఉన్ ఎలాంటి నిర్ణయమైనా తీసుకోవచ్చని..  బలప్రదర్శనకు దిగినా ఆశ్చర్యపోనవసరం లేదని నిఘా వర్గాలు భావిస్తున్నాయి.  దీంతో  అమెరికాలోని పలు సీక్రెట్ ఏజెన్సీలు అప్రమత్తమైనట్లు వార్తలు వస్తున్నాయి. పైగా అక్టోబర్‌ 9న అమెరికాలో ‘కొలంబస్‌ డే’ కావున, సాధారణంగా సెలవుదినంగా ప్రకటిస్తారు.

ఆంధ్ర ప్రదేశ్ ముఖ్యమంత్రి విదేశీ పర్యటన తేదీలు ఖరారయ్యాయి.  ఉన్నతస్థాయి బృందంతో కలిసి ఆయన అక్టోబర్ 17 నుండి 26 వరకు యూఎస్, యూఏఈ, లండన్ లలో పర్యటించనున్నారు. చంద్రబాబు బృందం మొదట అమెరికాకు వెళ్తారు. అక్కడ అయోవా విశ్వవిద్యాలయాన్ని సందర్శిస్తారు. వరల్డ్ ఫుడ్ ప్రైజ్ బహుమతి ప్రదానోత్సవ కార్యాక్రమంలో పాల్గొంటారు. తరువాత మూడు రోజుల పర్యటనకుగానూ యూఏఈ వెళ్లనున్నారు. చివరగా లండన్ లో రాజధాని ఆకృతులపై నార్మన్, ఫోస్టర్ కంపెనీ ప్రతినిధులతో సమావేశమైతారు. అలానే గోల్డెన్ పీకాక్ అవార్డు బహుమతి ప్రదానోత్సవ కార్యాక్రమానికి హాజరవుతారు. 

గత కొంతకాలంగా సాగుతున్న ఉత్తర కొరియా, అమెరికాల మధ్య అరాచక రాజకీయాలు ఎలాంటి భవిష్యత్తు మారణహోమాలకు నాంది పలుకుతాయోనని ఆయా రాజ్యాల సరిహద్దు దేశాలు కలవరపడుతున్నాయి. అమెరికాను క్షమించేది లేదని.. దాని వినాశనమే తమ లక్ష్యమని ఉత్తరకొరియా అధ్యక్షుడు కిమ్ జోంగ్ ఉన్ ప్రతిజ్ఞ చేశారు. దాదాపు 2 లక్షల మంది దేశ పౌరులు ఆర్మీలో చేరిన క్రమంలో 'యాంటీ అమెరికా వార్'  అంటూ సాగిన స్లోగన్స్ మధ్య వారికోసం కిమ్ జోంగ్ ఒక ప్రత్యేక మీటింగును ఏర్పాటు చేశారు.