Thatti Annaram case : పదో తరగతి విద్యార్థినిపై తోటి విద్యార్థుల అత్యాచారం.. వీడియోలు తీసి.. దారుణ ఘటన వెలుగులోకి

Thatti Annaram case తట్టి అన్నారం కేసు ఇప్పుడు అందరినీ షాక్‌కు గురిచేస్తోంది. పదో తరగతి బాలికపై తోటి విద్యార్థులు చేసిన అత్యాచారం, వీడియోలతో బెదిరింపుల కేసు ఇప్పుడు పోలీసుల వద్దకు చేరింది.

Thatti Annaram case : ప్రస్తుతం అమ్మాయిలకు ఎక్కడా రక్షణా లేదని స్పష్టంగా అర్థమవుతోంది. ఇంట్లో బంధువులు రాబంధుల్లానే చూస్తున్నారు. బడిలో తోటి విద్యార్థులు, సహచరులు కూడా రాక్షసుల్లా మారుతున్నారు. ఎక్కడా రక్షణ లేకుండాపోయింది. చిన్నా, పెద్దా అనే తేడా లేకుండా అన్ని వయసుల వారి మీద ఇలాంటి ఘటనలు జరుగుతున్నాయి. తాజాగా హయత్ నగర్‌లోని తట్టి అన్నారం ఏరియాలో దారుణ ఘటన వెలుగులోకి వచ్చింది.

పదో తరగతి విద్యార్థినిపై తోటి విద్యార్థులు ఐదుగురు కలిసి సామూహిక అత్యాచారం చేసిన సంఘటన చాలా ఆలస్యంగా వెలుగులోకి వచ్చింది. పోలీసులు తెలిపిన వివరాల ప్రకారం మూడు నెలల క్రితం పదో తరగతి చదువుతున్న విద్యార్థినిపై ఆమె క్లాస్‌కు చెందిన తోటి విద్యార్థులే అత్యాచారానికి పాల్పడ్డారట. 

వీడియో తీసి తోటి విద్యార్థులకు కూడా పంపించారట. ఈ విషయం ఎవరికైనా చెబితే సోషల్ మీడియాలో పెడుతామని సదరు బాలికను బెదిరించారట. పది రోజుల క్రితం మళ్లీ ఆ బాలికపై అత్యాచారం చేశారట. దీంతో బాలిక తన తల్లిదండ్రులతో కలిసి స్థానిక పోలీస్ స్టేషన్‌లో ఫిర్యాదు చేసింది. ఇలా పోలీసుల వరకు ఫిర్యాదు రావడంతో ఈ ఘటన వెలుగులోకి వచ్చింది. ఇప్పుడు పోలీసులు కేసు నమోదు చేసి విచారణ చేపట్టారు. ఆ ఐదుగురు నిందితులను పోలీసులు అరెస్ట్ చేశారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.