Imran Khan Resign: విదేశీ నిధుల దుర్వినియోగం కేసులో.. ప్రతి పక్షాలు అవిశ్వాస తీర్మాణం ప్రవేశపెట్టినున్న నేపథ్యంలో.. పాకిస్థాన్ ప్రధాన మంత్రి ఇమ్రాన్ ఖాన్ ఆదివారం రాజీనామా చేయనున్నట్లు తెలుస్తోంది. ఇస్లామాబాద్లో ఆదివారం భహిరంగ ర్యాలీ నిర్వహించాలని నిర్ణయించిన ఇమ్రాన్.. ఆ ర్యాలీలోనే రాజీనామాపై ప్రకటన చేసే అవకాశాలు కనిపిస్తున్నాయని మీడియా కథనాలు వెలువడుతున్నాయి. ఇక ఇదే కేసులో ఇమ్రాన్ ఖాన్ను సోవారం అరెస్ట్ చేయొచ్చని కూడా వార్తలు వస్తున్నాయి.
పాక్ ప్రధాన మంత్రి కార్యాలయం యూట్యూబ్ ఛానెల్ పేరు మార్చటం కూడా ఇమ్రాన్ ఖాన్ రాజీనామాపై వస్తున్న వార్తలకు బలం చేకూర్చుతున్నాయి.
ముందస్తు ఎన్నికలు?
ఇక ఆదివారం జరగనున్న ర్యాలీలో ఇమ్రాన్ ఖాన్ ప్రభుత్వం ముందస్తు ఎన్నికల గురించి కూడా ప్రస్తావించే అవకాశమున్నట్లు తెలుస్తోంది. అంత వరకు ఆపధర్మ ప్రభుత్వాన్ని కొనసాగించాలనే నిర్ణయాన్ని ఇమ్రాన్ ప్రకటించొచ్చని సమాచారం.
ప్రతి పక్షాలతో పాటు వివిధ వర్గాల నుంచి గత కొంత కాలంగా ఇమ్రాన్ ఖాన్ వ్యతిరేకత ఎదుర్కొంటున్నట్లు వార్తలు వస్తున్న విషయం తెలిసిందే.
ముఖ్యంగా ఆ దేశంలో ఆర్థిక సంక్షోభం తలెత్తడానికి ఇమ్రాన్ ఖాన్ వైఫల్యమే కారణమని ప్రతిపక్షాలు కొంత కాలంగా విమర్శలు చేస్తున్నాయి. ఆ దేశ ఆర్మీ సైతం ఇమ్రాన్ తీరుపై అసంతృప్తిగా ఉందనేది విశ్వసనీయ వర్గాల సమాచారం. ఈ కారణాలన్నింటి నేపథ్యంలో ఇమ్రాన్ గద్దె దిగటం ఖాయమైనట్లు విశ్లేషకులు చెబుతున్నారు. మరి దీనిపై ఇమ్రాన్ రేపు ఎలాంటి ప్రకటన చేస్తారో వేచి చూడాలి.
Also read: Russia-Ukraine War: ఉక్రెయిన్‌పై కాలిబర్ క్షిపణి ప్రయోగించిన రష్యా..
Also read: Russia Ukraine War: ఆ తేదీన రష్యా-ఉక్రెయిన్‌ యుద్ధం ఆగనుందా..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
