Gold Rate Today: સોનું ગગડી ગયું, ચાંદી પણ થઈ સસ્તી, શું હાલ સોનું ખરીદવાની ઉત્તમ તક? લેટેસ્ટ રેટ જાણો

Gold-Silver Price, September 25: સોના અને ચાંદીના ભાવમાં આજે ઘટાડો જોવા મળી રહ્યો છે. ગ્લોબલ માર્કેટમાં ઘટાડાના કારણે ઘરેલુ બજારમાં સોનું અને ચાંદી સસ્તું થયું છે. આજે ગોલ્ડનો ભાવ ફરીથી 58900 રૂપિયા પ્રતિ 10 ગ્રામની આજુબાજુ જોવા મળ્યો છે. આ ઉપરાંત ચાંદી પણ ગગડી છે. મલ્ટી કોમોડિટી એક્સચેન્જ તથા શરાફા બજારમાં સોનાના લેટેસ્ટ ભાવ પર નજર ફેરવો. 

MCX પર સસ્તા થયા સોના અને ચાંદી
MCX પર સોનાનો ભાવ આજે 0.06 (MCX Gold Price) ટકા ગગડીને 58911 રૂપિયા પ્રતિ 10 ગ્રામના લેવલે જોવા મળ્યો. જ્યારે ચાંદીની વાત કરીએ તો ચાંદી 0.14 ટકા ગગડીને 73233 રૂપિયા પ્રતિ કિલોગ્રામના સ્તરે જોવા મળી. 

શરાફાબજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association)ની અધિકૃત વેબસાઈટ  ibjarates.com મુજબ 999 પ્યોરિટીવાળું 10 ગ્રામ સોનું 30 રૂપિયા ગગડીને 59104 રૂપિયાના સ્તરે જોવા મળી રહ્યું છે. 916 પ્યોરિટીવાળું 10 ગ્રામ ગોલ્ડ 28 રૂપિયા ઘટીને 54139 રૂપિયાના સ્તરે છે. ચાંદી હાલ 518 રૂપિયાના ઘટાડા સાથે 72657 રૂપિયા પ્રતિ કિલોગ્રામના ભાવે જોવા મળી રહી છે. 

ગ્લોબલ માર્કેટમાં સસ્તું થયું સોનું અને ચાંદી
ઈન્ટરનેશનલ માર્કેટમાં સોનાના ભાવમાં નરમી જોવા મળી રહી છે. ગ્લોબલ સંકેતોના કારણે ઘરેલુ બજારમાં પણ સોના અને ચાંદીના ભાવ ગગડ્યા છે. કોમેક્સ પર સોનાનો  ભાવ 1940 ડોલર પ્રતિ ઔંસના લેવલ પર છે. આ ઉપરાંત ચાંદી 23.76 ડોલર પ્રતિ ઔંસ પર છે. અમેરિકી 10 ઈયર યીલ્ડ અને ડોલર ઈન્ડેક્સમાં મજબૂતાઈના કારણે બુલિયન માર્કેટમાં નરમી જોવા મળી રહી છે. 

મિસ્ડ કોલથી જાણો સોના ચાંદીના ભાવ
ibja તરફથી અને કેન્દ્રીય સરકાર દ્વારા જાહેર રજાઓ ઉપરાંત શનિવાર અને રવિવારે રેટ જાહેર કરાતા નથી. 22 કેરેટ અને 18 કેરેટ ગોલ્ડ જ્વેલરીના રિટેલ ભાવ જાણવા માટે 8955664433 પર મિસ્ડ કોલ કરી શકો છો. થોડીવારમાં તમને એસએમએસ દ્વારા રેટ્સ મળી જશે. આ ઉપરાંત સતત અપડેટ્સ માટે તમે www.ibja.com પર જઈ શકો છો. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube

ખાસ નોંધ: અત્રે જણાવવાનું કે ઈન્ડિયન બુલિયન જ્વેલર્સ એસોસિએશન તરફથી બહાર પડતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે.