બે દિવસની તેજી બાદ પેટ્રોલ-ડીઝલના ભાવમાં ત્રીજા દિવસે રાહત, આ રહ્યો આજનો ભાવ

નવી દિલ્હી: પેટ્રોલ ડીઝલના ભાવમાં સોમવારે અને મંગળવારે સતત બે દિવસની તેજી બાદ બુધવારે રાહત મળી. બુધવારે પેટ્રોલ અને ડીઝલના ભાવમાં કોઇ ફેરફાર જોવા ન મળ્યો. દિલ્હીમાં પેટ્રોલના ભાવ 71.17 રૂપિયા પ્રતિ લીટર અને ડીઝલ 66.20 રૂપિયા પ્રતિ લીટર જૂના સ્તર પર જ રહ્યો. આ પહેલાં મંગળવારે પેટ્રોલમાં 5 પૈસા અને ડીઝલમાં 9 પૈસા પ્રતિ લીટરની તેજી આવી હતી. ગત અઠવાડિયે પેટ્રોલના ભાવમાં લગભગ 2 રૂપિયા પ્રતિ લીટર અને ડીઝલમાં 1 રૂપિયા પ્રતિ લીટરનો ઘટાડો થયો હતો.

આજના પેટ્રોલ-ડીઝલના ભાવ
દિલ્હી, મુંબઇ, કલકત્તા અને ચેન્નઇમાં પેટ્રોલના ભાવ ક્રમશ: 71.17 રૂપિયા, 76.76 રૂપિયા, 73.22 રૂપિયા અને 73.84 રૂપિયાના સ્તર આવી ગયા. બીજી તરફ ડીઝલના ભાવમાં 9 થી 10 પૈસાની તેજી જોવા મળી. આ તેજી બાદ દિલ્હી, મુંબઇ, કલકત્તા અને ચેન્નઇમાં ભાવ ક્રમશ: 66.20 રૂપિયા, 69.34 રૂપિયા, 67.93 રૂપિયા અને 69.95ના સ્તર પર જોવા મળ્યા.

આજના પેટ્રોલ-ડીઝલના ભાવ

શહેરોના નામ	પેટ્રોલ/લીટર	ડીઝલ/લીટર
અમદાવાદ	રૂપિયા 68.55	રૂપિયા 69.18
રાજકોટ	રૂપિયા 68.38	રૂપિયા 69.04
સુરત	રૂપિયા 68.55	રૂપિયા 68.02
વડોદરા	રૂપિયા 68.28	રૂપિયા 68.91
ગાંધીનગર	રૂપિયા 68.74	રૂપિયા 69.37

સ્થાનિક ઓઇલ કંપની દરરોજ પેટ્રોલ-ડીઝલના ભાવની સમીક્ષા કરે છે અને નવા ભાવ સવારે 6 વાગ્યાથી પેટ્રોલ પંપો પર લાગૂ થાય છે. ઓઇલ કંપનીઓ આંતરરાષ્ટ્રીય બજારમાં ઓઇલના ભાવના આધારે ઘરેલૂ કિંમતો નક્કી કરે છે. તેના માટે 15 દિવસની સરેરાશ કિંમતને આધાર બનાવવામાં આવે છે. આ ઉપરાંત રૂપિયો અને ડોલરના વિનિમય દરથી ઓઇલના ભાવ પ્રભાવિત થાય છે.