શક્તિ કપૂરની રિયલ લાઇફ વિલનગીરી, તનુશ્રી દત્તા વિવાદની ઉડાવી બેહુદી મજાક

નવી દિલ્હી : ઘણીવાર કોઈ વ્યક્તિ મજાકમાં એવી વાત કરી દે છે જે એના અસંવેદનશીલ હોવાનો પુરાવો બની જાય છે. આવું જ કંઈક કર્યું શક્તિ કપૂરે. બોલિવૂડમાં હાલમાં તનુશ્રી દત્તાએ સિનિયર એક્ટર નાના પાટેકર વિરૂદ્ધ ગંભીર આરોપ લગાવ્યા પછી આખી ઇન્ડસ્ટ્રીમાં તણાવ ફેલાઈ ગયો છે અને ઇન્ડસ્ટ્રી બે હિસ્સાઓમાં વહેંચાઈ ગઈ છે. આ સંજોગોમાં શક્તિ કપૂરે આ મામલે ચોંકાવનારું નિવેદન આપ્યું છે. 

શક્તિ કપૂર અનેક વર્ષોથી બોલિવૂડમાં સક્રિય છે અને તેની દીકરી શ્રદ્ધા કપૂર પણ સારી પોઝિશન છે. આ સંજોગોમાં શક્તિએ એક પિતા તરીકે સેક્સ્યુઅલ હરેસમેન્ટના મામલાની જે રીતે મજાક ઉડાવી છે એ નિંદનીય છે. હાલમાં શક્તિ કપૂરને મીડિયાએ જ્યારે તનુશ્રી દત્તાના વિવાદ અંગે સવાલ કર્યો ત્યારે શક્તિ કપૂરે હું તો 10 વર્ષ પહેલાં નાનું બાળક હતો કહીને આખો સવાલ જ ઉડાવી દીધો હતો. આ જવાબ આપ્યા પછી તે જોરજોરથી હસ્યો હતો. આ વીડિયો સોશિયલ મીડિયામાં વાઇરલ બન્યો છે. 

#WATCH:I don't know anything about this case. This was ten years back, I was a kid back then: Shakti Kapoor on #TanushreeDutta's harassment allegations against Nana Patekar. (2/10/2018) pic.twitter.com/FxD7LHL6MM

— ANI (@ANI) October 3, 2018

બોલિવૂડ એક્ટ્રેસ તનુશ્રી દત્તાએ હાલમાં આપેલા એક ઇન્ટરવ્યૂમાં જણાવ્યું હતું કે વર્ષ 2008માં ‘હોર્ન ઓકે પ્લીઝ’ ફિલ્મના સેટ પર એક્ટર નાના પાટેકરે તેની સાથે ઘણી વાર છેડછાડ કરી હતી. ત્યારે નાના પાટેકરે આ આરોપને નાકાર્યો હતો. બોલિવૂડમાં ‘#Meetooમીટૂ’ અભિયાન પર ચર્ચા ચાલી રહી છે ત્યારે તનુશ્રી દત્તાએ 10 વર્ષ જૂની ઘટનાનો ખુલાસો કર્યો અને સ્પષ્ટપણે નાના પાટેકરનું નામ લીધું હતું. આ પછી સોશિયલ મીડિયા અને અન્ય મીડિયા મંચ પર આ મામલે ઘણી ચર્ચાઓ થઇ રહી છે. આ સમયે ફિલ્મના સેટ પર તનુશ્રીની કાર પર થયેલા હુમલાનો વીડિયો પર વાઇરલ થયો છે.