રાજ્યમાં કોરોનાથી મળી મોટી રાહત, નવા કેસની સંખ્યા 1 હજારને નીચે પહોંચી, 14ના મૃત્યુ

ગાંધીનગરઃ ગુજરાતમાં કોરોનાથી મોટી રાહત મળી છે. છેલ્લા ઘણા સમય બાદ નવા કેસની સંખ્યા 1 હજારની નીચે આવી છે. છેલ્લા 24 કલાકમાં રાજ્યમાં કોરોનાના 998 કેસ નોંધાયા છે. તો આ દરમિયાન 14 લોકોના મૃત્યુ થયા છે. કોરોનાની સારવાર દરમિયાન 2454 લોકો સાજા થયા છે. છેલ્લા 24 કલાકમાં રાજ્યના 29 જિલ્લામાં કેસ નોંધાયા છે. કોરોનાની સારવાર બાદ રાજ્યમાં અત્યાર સુધી 1195295 લોકો સાજા થયા છે. તો કોરોનાને લીધે રાજ્યમાં અત્યાર સુધી 10838 લોકોના મૃત્યુ થયા છે. નવા કેસની સાથે રાજ્યમાં કોરોના સંક્રમિતોની સંખ્યા 12 લાખ 17 હજાર 328 થઈ ગઈ છે.  

રાજ્યમાં કોરોના કેસમાં મોટો ઘટાડો
રાજ્યમાં છેલ્લા 24 કલાકમાં નોંધાયેલા કેસ પર નજર કરીએ તો અમદાવાદ શહેરમાં સૌથી વધુ 366 કેસ સામે આવ્યા છે. ત્યારબાદ વડોદરા શહેરમાં 162, વડોદરા ગ્રામ્યમાં4 9, સુરત શહેરમાં 38, ગાંધીનગર શહેરાં 36, સુરત ગ્રામ્યમાં 35, રાજકોટ ગ્રામ્યમાં 26, ભરૂચમાં 22, બનાસકાંઠા 20, રાજકોટ શહેર 20, ખેડામાં 19 અને તાપીમાં 17 કેસ નોંધાયા છે. મોરબીમાં 15 અને ગાંધીનગર ગ્રામ્યમાં 15 કેસ સામે આવ્યા છે. 

છેલ્લા 24 કલાકમાં નોંધાયેલા મૃત્યુની વિગત
ગુજરાતમાં છેલ્લા 24 કલાકમાં નોંધાયેલા મૃત્યુ પર નજર કરીએ તો અમદાવાદ શહેરમાં 2, વડોદરા શહેરમાં ચાર, વડોદરા ગ્રામ્યમાં 1, સુરત ગ્રામ્યમાં 3, ગાંધીનગર શહેરમાં 1, રાજકોટ શહેરમાં 1,મોરબીમાં 1, વલસાડમાં 1, પંચમહાલમાં 1, દ્વારકામાં 1 વ્યક્તિનું મૃત્યુ થયું છે. 

ગુજરાતમાં કોરોનાની લેટેસ્ટ સ્થિતિ
રાજ્યમાં કોરોનાના એક્ટિવ કેસની સંખ્યા ઘટીને 11195 રહી હઈ છે. જેમાં 77 દર્દી વેન્ટિલેટર પર છે. કોરોનાની સારવાર બાદ રાજ્યમાં અત્યાર સુધી 1195295 લોકો સાજા થયા છે. તો કોરોનાને લીધે રાજ્યમાં અત્યાર સુધી 10838 લોકોના મૃત્યુ થયા છે. રાજ્યનો રિકવરી રેટ 98.19 ટકા છે. રાજ્યમાં અત્યાર સુધી કોરોના વેક્સીનના 10 કરોડ 11 લાખ 82 હજાર 409 ડોઝ આપવામાં આવ્યા છે, જેમાં પ્રથમ અને બીજો ડોઝ સામેલ છે.