અમદાવાદ જિલ્લામાં સ્થાનિક કક્ષાએ કોવિડના દર્દીઓ માટે વધારાના બેડની કરાશે વ્યવસ્થા

અમદાવાદ: અમદાવાદ જિલ્લાના બગોદરા, ધંધુકા, ધોલેરા (Dholera) ખાતે સ્થાનિક વ્યવસ્થા ઉભી કરવામાં આવશે. શિક્ષણ મંત્રી ભુપેન્દ્રસિંહ ચુડાસમા (Bhupendrasinh Chudasama) એ આજે બગોદરા PHC ધંધુકા PHC તથા ધોલેરા ખાતે  ખાનગી સંસ્થા દ્વારા સંચાલિત આરએમએસ હોસ્પિટલના વહીવટી તંત્ર સાથે બેઠક યોજીને આ આરોગ્ય કેન્દ્રોમાં જિલ્લાના કોઈ દર્દીઓ માટે વધારાના બેડની તાકીદે વ્યવસ્થા થાય તે માટે સુચના આપી હતી. 

સ્થાનિક વહીવટીતંત્ર દ્વારા રાજ્ય સરકારના અને જિલ્લા વહીવટી તંત્રના સંપૂર્ણ સહયોગથી આ ત્રણેય સ્થળોએ આગામી ટૂંક સમયમાં કોવિડ (Covid 19) ના દર્દીઓ માટે વધારાની બેઠકની વ્યવસ્થા તાકીદે કરવામાં આવશે.

આ બેઠકમાં જિલ્લા વિકાસ અધિકારી અરુણ બાબુ, પૂર્વ ધારાસભ્ય ભરતભાઈ પંડયા, અમદાવાદ જિલ્લા પંચાયતના પ્રમુખ રમેશભાઈ મકવાણા વગેરે ઉપસ્થિત રહ્યા હતા. આવી જ રીતે આવતીકાલે સાણંદ, વિરમગામ અને દેત્રોજ ખાતે પણ કોવિડ દર્દીઓ માટે વધારાના બેડની વ્યવસ્થા કરવા સંદર્ભે જરૂરી આયોજન માટે શિક્ષણ મંત્રી ભૂપેન્દ્રસિંહ ચુડાસમા ત્રણેય શહેરોની મુલાકાત લેશે.