ગુજરાત સરકારની આ સૂચનાઓથી સાવધાન, નહિ તો કોરોના જેવા હાલ ફરી થશે

Gujarat Government Alert On Pneumonia in China: કોરોના બાદ ચીનમાં આવેલા રહસ્યમય બીમારીએ માથુ ઉચક્યું છે. ચીનની આ બીમારી અન્ય દેશોમાં ન ફેલાય તે માટે સતર્કતાના પગલા લેવામાં આવી રહ્યાં છે. ભારતે પણ આદેશ આપ્યા છે. ત્યારે ચીનમાં બાળકોમાં જોવા મળેલ શ્વાસની બિમારીને લઈને ગુજરાત સરકાર પણ સતર્ક બની છે. કેન્દ્રીય આરોગ્ય મંત્રાલયની સુચના બાદ ગુજરાત સરકારે પરિપત્ર જાહેર કર્યો છે. સરકારે કહ્યું કે, હાલ દેશમા આ રોગથી કોઈ ખતરો નથી છતા તૈયારીઓ શરુ કરી દેવાઈ છે. ગુજરાતની હોસ્પિટલમાં જરુરી બેડ, દવાઓ, એચ આર, સાધન સામગ્રી ઉપલબ્ધ કરાવવા સૂચના અપાઈ. PSA અને ઓક્સિજન પ્લાન્ટટ કાર્યરત છે કે કેમ તે સુનિશ્ચિત કરવા સૂચના અપાઈ. તેમજ ફાયર સેફ્ટી અને ઈન્સ્ટ્રુમેન્ટ સેફ્ટી ઓડિટ કરવા તેમજ વેંટીલેટર, પીપીઈ કીટ વગેરે ઉપલબ્ધ રાખવા સુચના અપાઈ. 

ગુજરાત સરકાર દ્વારા તમામ આરોગ્ય તબીબી સેવાઓને જાહેર કરાયેલા પરિપત્રમાં જણાવાયું કે, કોવિડ-૧૯ની વૈશ્વિક બીમારીએ જ્યારે સમગ્ર વિશ્વ પર ભરડો લીધેલ તે દરમ્યાન તમારા દ્વારા કોવિડ-૧૯ જેવી મહામારીને અટકાવવા તેમજ નિયંત્રણમાં લેવા સારૂ રાત દિવસ અથાગ પ્રયત્નો અને સૌનાં સહિયારા સાથ થકી કોવિડ-૧૯ ના રોગચાળાને માત આપવામાં આપણે સૌ સફળ રહ્યા છીએ. હાલ તાજેતરના અઠવાડિયામાં ચીનમાં બાળકોમાં શ્વસનની બિમારી જેમ કે ઈન્ફલ્યુએન્ઝા, માયકોપ્લાઝમા ન્યુમોનિયા, SARS-CoV-2 વગેરે જોવા મળે છે. જેને ધ્યાને રાખી રોગચાળાના કેસોમાં વધારો ન થાય તે માટેના તથા દર્દીઓને સમયસરની સારવાર મળી રહે તે માટે ભારત સરકારનાં આરોગ્ય વિભાગ તરફથી નીચે મુજબના પગલા લેવા જણાવવામાં આવે છે.

જ્યારે ઉપલબ્ધ માહિતી સૂચવે છે કે ભારતમાં અલાર્મનું કોઈ કારણ નથી, તેમ છતાં રાજ્યમાં જાહેર આરોગ્ય અને હોસ્પિટલની તૈયારીઓની સમીક્ષા કરવાની તક હોય આ માટે જરૂરી એચઆર, હોસ્પિટલમાં ઉપલબ્ધ બેડ, સાધન સામગ્રી અને આરોગ્ય સુવિધાઓમાં ચેપ નિયંત્રણ (ટેસ્ટીંગ) પદ્ધતિઓની ઉપલબ્ધતાની ખાતરી કરવી જરૂરી છે.

તબીબી કેન્દ્રોને આ સૂચના જાહેર કરાઈ 

• સંસ્થા ખાતે કાર્યરત તમામ વસ્તુઓને અપડેટ કરવી તથા ફંકશનીંગ ક૨વી.
• સંસ્થા ખાતેના PSA પ્લાન્ટ, લીક્વીડ ઓક્સીજન પ્લાન્ટ, O2 કોન્સનટ્રેટર કાર્ય૨ત છે કે કેમ તે સુનિશ્ચિત કરી તાત્કાલીક કાર્યરત કરવા જણાવવામાં આવે છે.
• ફાયર સેફટી, ઇન્સ્ટ્રુમેન્ટ સેફટી ઓડીટ ક૨વામાં આવે તે સુનિશ્ચિત કરવું.
• Operational Guidelines for Revised Surveillance Strategy in context of COVID-19' 'ના અમલીકરણ અને સમીક્ષા અવશ્ય કરવી તેમજ ખાનગી હોસ્પિટલમાં આરોગ્ય સુવિધાઓ અને મેડિકલ કોલેજ હોસ્પિટલો સહિતની આરોગ્ય સુવિધાઓ પણ સુનિશ્ચિત કરવુ.
• આરોગ્ય સંસ્થાઓમાં Active/Passive સર્વેલન્સ દ્રારા SARI/ILI નાં કેસોનું સધન સર્વેલન્સ કરાવવું તેમજ તમામ કેસોનું દૈનિક મોનીટરીંગ અને સુપરવિઝન અને IHIP Portal માં તમામ કેસોની દૈનિક એન્ટ્રી કરવાની રહેશે.
• તમારા તાબા હેઠળના તબીબી અધિકારી, ફીજીશ્યન, એનેસ્થેટીસ્ટ, માઈકોબાયોલોજીસ્ટ, લેબ.ટેક., સ્ટાફ નર્સ તથા અન્ય પેરામેડીકલ સ્ટાફને સેન્સેટાઈજ કરવા.
• હોસ્પિટલ કક્ષાએ વેન્ટીલેટર, પી.પી.ઈ. કીટ એન્ટીવાયરલ દવાઓ વગેરે પુરતા પ્રમાણમાં ઉપલબ્ધ રાખવા તેમજ જરૂર જણાયે આઈશોલેસન વોર્ડ શરુ કરી શકાય તેવી વ્યવસ્થા ગોઠવવી.

રસી માટે કામ ચાલુ છે 
ચીનમાં વધી રહેલા ન્યૂમોનિયાના કેસ અંગે કેન્દ્રીય મંત્રી મનસુખ માંડવિયાએ જણાવ્યું કે, કોઈ પણ પ્રકારની પરિસ્થિતિ પર સરકાર ધ્યાન આપી રહી છે. ચીનમાં ન્યૂમોનિયા ફેલાઈ રહ્યો છે જેને લઇને જરૂરી પગલા લેવાઈ રહ્યા છે. ભારતમાં 5 રસીઓ વિકસિત કરાઈ રહી છે. દેશની જરૂરિયાતો પૂરી કરીને રસી એક્સપોર્ટ પણ કરાઈ રહી છે.