આગામી ઈદ એ મિલાદના ઝુલુશને લઈને મહત્વપૂર્ણ નિર્ણય; મુસ્લિમ સમાજ હવે આ કામ નહીં કરે!

બુરહાન પઠાણ/આણંદ: આણંદ શહેરમાં આગામી 16 સપ્ટેમ્બરનાં રોજ યોજાનાર જશ્ને ઈદએ મિલાદુન્નબીના ઝુલુશને લઇને સેન્ટ્રલ ઈદએ મિલાદ કમિટીનાં મહત્વનો નિર્ણય લેવામાં આવ્યો છે. આણંદમાં ઈદ એ મિલાદનાં ઝુલુસમાં ડી જે પર પ્રતિબંધ મૂકાયો છે. ઝુલુસમાં DJ સાથે દારૂખાનું ફોડવા પર પ્રતિબંધ મૂકાયો છે.

આણંદ શહેર ઈદ એ મિલાદ કમિટીની બેઠકમાં ઉલેમાઓ અને આગેવાનો દ્ધારા ચર્ચા વિચારણા બાદ આગામી ઈદ એ મિલાદના ઝુલુશમાં DJ વગાડવા તેમજ દારૂખાનું ફોડવા પર પ્રતિબંધ મુકવાનો નિર્ણય લેવાયો હતો. સેન્ટ્રલ ઈદ એ મિલાદ કમિટીની બેઠકમાં નિર્ણય લેવાયો છે.  

જેથી આગામી ઈદ એ મિલાદના ઝુલુસમાં DJ વગાડી શકાશે નહીં, તેમજ દારૂખાનું પણ ફોડી શકાશે નહીં, સેન્ટ્રલ કમિટીના આ મહત્વના નિર્ણયને મુસ્લીમ સમાજ દ્વારા આવકારવામાં આવ્યો છે.