close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

અમદાવાદમાંથી ઝડપાયું ગુજરાતનું સૌથી મોટું બોગસ કોલસેન્ટર, 50થી વધુની ધરપકડ

અમદાવાદના પોશ વિસ્તાર પ્રહલાદનગરના પેલેડીયમ કોમ્પલેક્ક્ષમાં કેટલાક શખ્સ બોગસ કોલસેન્ટર ચલાવતા હોવાની બાતમીના આધારે સાયબર ક્રાઈમ બ્રાન્ચની ટીમે દરોડો પાડી 50 લોકોની ધરપકડ કરી હતી.

Ketan Panchal - | Updated: Feb 7, 2019, 10:39 AM IST
અમદાવાદમાંથી ઝડપાયું ગુજરાતનું સૌથી મોટું બોગસ કોલસેન્ટર, 50થી વધુની ધરપકડ

અમદાવાદ: શહેરમાંથી ગણતરીના કલાકોમાં જ વધુ એક બોગસ કોલ સેન્ટર સાયબર ક્રાઇમ બ્રાંચની ટીમે ઝડપી પાડ્યું છે. યુએસના નાગરિકોને ટાર્ગેટ બનાવી તેમને બ્લેકમેલ કરીને ઠગાઇ આચરતું બોગસ કોલ સેન્ટર પકડી 50 લોકોની ધરપકડ કરવામાં આવી છે.

અમદાવાદના પોશ વિસ્તાર પ્રહલાદનગરના પેલેડીયમ કોમ્પલેક્ક્ષમાં કેટલાક શખ્સ બોગસ કોલસેન્ટર ચલાવતા હોવાની બાતમીના આધારે સાયબર ક્રાઈમ બ્રાન્ચની ટીમે દરોડો પાડી 50 લોકોની ધરપકડ કરી હતી. ગાડીમાંથી લોહીના ડાઘ મળ્યા હોવાનું કહી તેઓ પોલીસ કેસ અને બ્લેકમેલ કરી ધમકી આપતા હતા. પોલીસે તેઓ પાસેથી 50થી કોમ્પ્યુટર સહિતનો મુદ્દામાલ કબ્જે કર્યો છે.

વધુમાં વાંચો: હિમતનગર: કાણીયોલ ગામે બે જૂથ વચ્ચે અથડામણમાં 5ને ઇજા, પોલીસનો ચુસ્ત બંદોબસ્ત

અત્રે ઉલ્લેખનીય છે કે, ગત રાત્રે અમદાવાદના પૂર્વ વિસ્તારમાં આવેલા વિરાટનગર ચાર રસ્તા નજીક આવેલી અનીલ હોઝીયરી ઇન્ડ્રસ્ટ્રીયલ નામની ફેક્ટરીમાં ત્રીજા માળેથી હાલ સાઈબર ક્રાઈમે આ બોગસ કોલ સેન્ટર પકડ્યુ છે. જોકે ચોક્કસ બાતમી આધારે સાયબર ક્રાઇમ બ્રાચે ફેક્ટરીમાં રેડ કરી હતી. જ્યાં ફેક્ટરીની આંડમાં બોગસ કોલ સેન્ટર ચાલતુ હતુ. હાલ આ કોલ સેન્ટરમાંથી 8 લોકોની ધરપકડ કરવામાં આવી છે.

વધુમાં વાંચો: ભાવનગરના આ ખેડૂતોનું કામ જોઈને કહેશો, What an idea Sir ji...

ખુદ ફેક્ટરીના માલિક વિક્રમ શુક્લા દ્રારા કોલ સેન્ટર ચલાવવામાં આવતુ અને અમેરિકન નાગરિકોને કોલ કરીને ઇન્ટરનલ રેવન્યુ સર્વિસીસના અધિકારી હોવાનુ કહીને નાગરિકને ટેક્ષ ચોરી કરેલાનુ ખોટુ કારણ આપી તેઓ પકડવાની કાર્યવાહી થશે અથવા ત્રણ મહિના જેલમાં રહેવુ પડશે તેવુ કરીને ડરાવીને પૈસા પડાવતા હતા.

વધુમાં વાંચો: કચ્છ: ખટિયા ગામની સીમમાંથી 5 હજાર વર્ષ જુના હડપ્પીય સંસ્કૃતિના અવશેષો મળ્યા

ઝડપાયેલ આરોપીની પુછપરછમાં છેલ્લા છ મહિનાથી બોગસ કોલ સેન્ટર ચાલતું હોવાની કબુલાત કરી છે. જોકે ફેક્ટરીનો માલિક વિક્રમ શુકલા તથા નિકુંલસિંહ ચૌહાણએ 6 યુવકોને 20 હજારથી વધુના પગાર પર નોકરી પર રાખ્યા હતા. ત્યારે બોગસ કોલ સેન્ટરમાં તપાસ કરતા અમેરિકન વિદેશી નાગરિકોને કોમ્પ્યુટર સીસ્ટમમાં રહેલ કોંલીગ એપ્લીકેશન નામના સોફટવેર આધારે કોલ કરતા હતા અને ગુગલ પે મારફતે પૈસા મંગાવતા હતા.

વધુમાં વાંચો: રાષ્ટ્રવાદી યુવા મંચ દ્વારા આયોજીત ‘સંવિધાન બચાવો દેશ બચાવો’ રેલીનો રાજકોટમાં સખત વિરોધ

આરોપીની પુછપરછમાં અત્યાર સુધી હજારો ડોલર મેળવી લઇને છેતરપિડી કરી હોવાનું ખુલ્યું છે. સાયબર ક્રાઇમ બ્રાંચે હાલ તો આ આરોપી પાસેથી 8 સીપીયુ, 1 લેપટોપ, 11 મોબાઇલ, મેજીકજેક સહિત 2.30 લાખનો મુદ્દામાલ કબ્જે કર્યો છે ત્યારે લીડ આપનાર વિજયની આખાય નેટવર્ક અંગે ભાળ મેળવવાની દિશામાં વધુ તપાસ શરૂ કરાઈ છે.

ગુજરાતના અન્ય સમાચાર વાંચવા માટે અહીં ક્લિક કરો...