'22 વર્ષોનો હિસાબ, ગુજરાત માંગે જવાબ': રાહુલે કર્યો ભાજપ પર પ્રહાર

અમદાવાદ: ગુજરાત ચૂંટણીમાં રાજકીય પક્ષોનો પ્રચાર ચરમસીમાએ છે. રાજ્યમાં પહેલા તબક્કાનું મતદાન 9મી ડિસેમ્બરે છે. પીએમ મોદી પોતે તાબડતોબ રેલીઓ કરી રહ્યાં છે. જ્યારે બીજી બાજુ રાહુલ ગાંધી પણ કેટલાય દિવસોથી ગુજરાતનો સતત પ્રવાસ ખેડી રહ્યાં છે. વડાપ્રધાન નરેન્દ્ર મોદી રેલીઓમાં કોંગ્રેસ પર એક પછી એક પ્રહાર કરી રહ્યાં હતાં ત્યારે કોંગ્રેસનો મોરચો ખુદ રાહુલ ગાંધીએ સંભાળ્યો. રાહુલે સોમનાથ મંદિર પહોંચીને પૂજા અર્ચના કરી. ભગવાના સોમનાથના આશીર્વાદ લીધા બાદ તેમણે ભાજપ પર નિશાન સાધ્યું. કોંગ્રેસ ઉપાધ્યક્ષે વડાપ્રધાન નરેન્દ્ર મોદી પર શાબ્દિક પ્રહાર કરતા સત્તારૂઢ ભાજપ પાસે ગત ચૂંટણીમાં કરવામાં આવેલા વાયદાઓ પર જવાબ માંગ્યાં. 

ગુજરાતમાં ભાજપના 22 વર્ષના શાસનનો મુદ્દો ઉઠાવતા તેમણે કહ્યું કે લોકો તેમની પાસે જવાબ માંગી રહ્યાં છે. આવાસના મુદ્દે સરકારને ઘેરતા તેમણે વડાપ્રધાન મોદીને પૂછ્યું કે શું ગુજરાતીઓને નવા ઘર આપવામાં બીજા 45 વર્ષ લાગશે? રાહુલ ગાંધીએ ટ્વિટર પર લખ્યું કે 22 વર્ષોનો હિસાબ, ગુજરાત માંગે જવાબ.

22 सालों का हिसाब,
गुजरात मांगे जवाब।

गुजरात के हालात पर प्रधानमंत्रीजी से पहला सवाल:

2012 में वादा किया कि 50 लाख नए घर देंगे।
5 साल में बनाए 4.72 लाख घर।

प्रधानमंत्रीजी बताइए कि क्या ये वादा पूरा होने में 45 साल और लगेंगे?

— Office of RG (@OfficeOfRG) November 29, 2017

રાહુલ ગાંધીએ પોતાની દલીલના સમર્થનમાં આંકડા રજુ કરતા કહ્યું કે ગુજરાતના હાલાત પર વડાપ્રધાનજીને પહેલો સવાલ: 2012માં વચન આપ્યું હતું કે 50 લાખ નવા ઘર આપીશું. પાંચ વર્ષમાં 4.52 લાખ ઘર બનાવ્યાં. પીએમ જણાવે કે આ વચન પૂરું કરવામાં હજુ 45 વર્ષ લાગશે?