ઉઠો અનારકલી થેપલા બનાવવાના છે...!! શું તમને પણ વોટ્સએપ પર આવો મેસેજ આવ્યો છે?

ઝી બ્યુરો: આજે રાંધણ છઠના તહેવારનો પર્વ છે. ત્યારે આજે દરેકના ઘરે અવનવી વાનગીઓ બનાવવામાં આવે છે. જેમાં થેપલા, વડા, પુરી તો બને જ છે સાથે પાણી પુરી અને ભેળ પણ બનાવવામાં આવે છે. જો કે દૂધના ભાવમાં વધારો થવાના કારણે આ વર્ષે દૂધની વાનગીઓ ઓછી બને છે. બીજી બાજુ સોશિયલ મીડિયામાં હાલ રાંઘણ છઠ્ઠના તહેવારને લઈને અનેક જોક્સ, ફની મીમ્સ વાયરલ થઈ રહ્યા છે. એટલું જ નહીં, સોશિયલ મીડિયામાં રાંઘણ છઠ્ઠને લઈને હાસ્યાસ્પદ મેસેજોનું ઘોડાપૂર આવ્યું છે. તમે પણ વાંચશો તો હસી હસીને પેટ દુ:ખી જશે.

- નવી આવેલી વહુ જ્યારે રાધણ છઠ્ઠ પર અવનવી રસોઈ બનાવે ત્યારે સાસુ! ફક્ત મહિલાઓ માટે...

- આખા ગુજરાતમાં આજે થેપલાની સુગંધ આવવાના કારણે આજનો દિવસ વિશ્વ થેપલા દિવસ તરીકે ઉજવવામાં આવશે!

- રોજ ધડાધડ સ્ટોરી મુકનાર આજે ઓનલાઈન ના આવે તો સમજી લેજો.... રાણી... રસોડામાં હલવાણી!! હેપ્પી રાંધણ છઠ્ઠ!!

- મેગી માંડ માંડ બનાવતા આવડતી હોય અને BIOની અંદર હોબીમાં Cooking લખવા વાળી, રસોઈની મહારાણીઓને રાંઘણ છઠ્ઠની શુભકામનાઓ!!!

- બાયુંને સાતમ આઠમ કરવા જવાની ના પાડોને ત્યારે આવું મોઢું કરીને બેસે!

- ઉઠો અનારકલી થેપલા બનાવવાના છે...!!

- આપણા રંગીલા ગુજરાતીઓ ડાયટિંર કરશે, મોનિંગ વોક કરશે, ખાવા પીવામાં કરકસર કરશે પણ... રાંધણ છઠ્ઠના દિવસે મહીના સુધી ચાલે એટલું રાંધેલું માત્ર સાતમ આઠમ એ બેજ દિવસમાં ઝાપટી જાહે...

- ઢેબરા ખાવા એ મોટી વાત નથી ત્રણ દિવસ ટાઢા ખાવા એ મોટી વાત છે. રાંઘણ છઠ્ઠની શુભેચ્છા

- કાલે શિતળા સાતમ હોવાથી મોબાઈલ રાત્રે જ ચાર્જ રી લેવો, કાલે કોઈ ચીજ ગરમ કરવી નહીં.

જો કે આ વર્ષે રાંધણ છઠના તહેવારમાં પર પણ મોંઘવારીનો માર પડી રહ્યો છે. મોંઘવારીના કારણે વાનગીઓ ઓછી બનાવી છે, કેમ કે મોંઘવારીની સીધી અસર ગુહિણીના રસોડા પર જોવા મળી રહી છે.