પાકિસ્તાનમાં હિંદુ છોકરીઓના અપહરણ મામલે મોટો હોબાળો, ભારતે લાલ આંખ કરીને કહી દીધું કે...

નવી દિલ્હી : પાકિસ્તાનમાં લઘુમતિ સમુદાયની સગીર છોકરીઓના અપહરણ મામલે આકરો વિરોધ નોંધાવવા બદલ વિદેશ મંત્રાલયે નવી દિલ્હી સ્થિત પાકિસ્તાન ઉચ્ચાયોગના વરિષ્ઠ અધિકારીઓ પાસે જવાબ માગ્યો છે. વિદેશ મંત્રાલયે છોકરીઓના અપહરણ મામલે પાકિસ્તાની અધિકારીઓ સામે ગંભીર ચિંતા જાહેર કરી છે. 

ઇસ્લામાબાદના સુત્રોનું કહેવું છે કે લઘુમતી હિંદુ સમુદાયની બે સગીર છોકરીઓ શાંતિ મેઘવાલ અને સરમી મેઘવાલનું 14 જાન્યુઆરીએ અપહરણ કરવામાં આવ્યું હતું. આ છોકરીઓ સિંધ અને પાકિસ્તાનના ઉમર ગામની રહેવાસી હતી. 

Just in: MEA summons senior Pakistan high commission offical over abduction of Hindu minor girls. Two minor girls, Shanti and Sarmi Meghwal were abducted on Jan 14 while Another girl Mehak was abducted on January 15.

— Sidhant Sibal (@sidhant) January 17, 2020

આ સિવાય અન્ય ઘટનામાં હિંદુ સમુદાયની સગીર છોકરી મહકનું 15 જાન્યુઆરીએ સિંધ પ્રાંતના જેકોબાબાદ જિલ્લામાંથી અપહરણ કરવામાં આવ્યું હતું. ભારતે આ ઘટનાઓની આકરી નિંદા કરી છે અને છોકરીઓને તેમના પરિવાર સુધી સુરક્ષિત રીતે પહોંચાડવાનું કહ્યું છે.