અહો આશ્ચર્યમ! 102 વર્ષના દાદી મન કૌરે દોડમાં વર્લ્ડ એથલીટ ચેમ્પિયનશિપમાં જીત્યો ગોલ્ડ

નવી દિલ્હીઃ પંજાબના 102 વર્ષના મન કૌરે વર્લ્ડ એથલીટ ચેમ્પિયનશિપની 200મી દોડની સ્પર્ધામાં ગોલ્ડ મેડલ જીત્યો છે. તેમણે સ્પેનમાં આયોજિત વર્લ્ડ માસ્ટર્સ એથલીટ ચેમ્પિયનશિપમાં આ સિદ્ધિ મેળવી છે. આટલી ઉંમરે પણ ગોલ્ડ મેડલ જીતવાના કારણે તેઓ શુક્રવારે ટ્વીટર પર છવાઈ ગયાં છે અને લોકો ટ્વીટ કરીને તેમને અભિનંદન પાઠવી રહ્યા છે.

વૃદ્ધાવસ્થામાં પહોંચ્યા બાદ વડીલો મોટાભાગે નજીકના પાર્કમાં કે સડક પર ચાલતા જોવા મળતા હોય છે, ત્યારે પંજાબનાં 102 વર્ષના મન કૌર આ ઉંમરે પણ થાકતા નથી અને દોડની સ્પર્ધાઓમાં પણ ભાગ લે છે. મન કોરે આ સ્પર્ધા 3 મિનિટ અને 14 સેકન્ડમાં પુરી કરી હતી. મોડલ, અભિનેતા અને એથલીટ મિલિંદ સોમણે પણ તેમની આ સફળતા પર વિશેષ ટ્વીટ કરી હતી. 

LOOK AT THAT SMILE !!! Man Kaur from India wins the 200m GOLD in the World Masters Athletics #WMAMalaga2018. Age group 100- 104 years!!
What a privilege for every person in the world to see her in action and to share her joy 😊😊#PinkathonFOREVER pic.twitter.com/hDvWc3EVVf

— Milind Usha Soman (@milindrunning) September 11, 2018

શુક્રવારે સોશિયલ મીડિયા દાદી મન કૌર પર ઓળઘોળ વારી ગયું છે. 

Just wow! https://t.co/wuaOznH1nx

— Tamanna Inamdar (@TamannaInamdar) September 12, 2018

વર્લ્ડ માસ્ટર્સ ગેમમાં પણ ટોચનું સ્થાન મેળવ્યું હતું 
ગયા વર્ષે ન્યૂઝિલેન્ડના ઓકલેન્ડમાં યોજાયેલી વર્લ્ડ માસ્ટર્સ ગેમ દરમિયાન પણ તેઓ 100 મીટરની દોડમાં ટોચનાં સ્થાને રહ્યાં હતાં. તેમનો ગોલ્ડ જીતવાનો સિલસિલો હજુ અટક્યો નથી. 

LOOK AT THAT SMILE !!! Man Kaur from India wins the 200m GOLD in the World Masters Athletics #WMAMalaga2018. Age group 100- 104 years!!
What a privilege for every person in the world to see her in action and to share her joy 😊😊#PinkathonFOREVER pic.twitter.com/hDvWc3EVVf

— Milind Usha Soman (@milindrunning) September 11, 2018

93 વર્ષની વયે કરી શરૂઆત
પંજાબનાં પટિયાલામાં રહેતાં મન કૌરે એથલીટ સ્પર્ધાઓમાં ભાગ લેવાની શરૂઆત 93 વર્ષની વયે કરી હતી, જે ઉંમરે મોટાભાગની મહિલાઓ ખાટલામાં બેસીને છોકરાઓને રમાડતી હોય છે. કૌર પોતાના દિવસની શરૂઆત સવારે 4 વાગ્યાથી કરે છે. જેમાં તેઓ સતત દોડવાનો અને પગે ચાલવાની પ્રેક્ટિસ કરે છે. આ ઉપરાંત તેઓ આજે પણ રોજના 20 કિમી દોડે છે. મન કૌરે આ વખતે 100થી 104 વર્ષના વયજૂથની સ્પર્ધામાં 200મીટર દોડમાં ટોચનું સ્થાન મેળવ્યું છે. આ સ્પર્ધા વયોવૃદ્ધ લોકો માટે યોજાય છે. 

Amazing 101 year old completing the 100m @WMG2017 #WMG2017 pic.twitter.com/wUEcPHThv0

— Wɐʎuǝ Qnǝpןǝʎ (@UUJQ) April 23, 2017

મન કૌરના 78 વર્ષના પુત્ર ગુરૂ દેવ પણ તેમની માતાને સતત પ્રોત્સાહન આપતા રહે છે. ગુરૂ દેવ પોતે પણ સીનિયર સિટીઝન માટે આયોજિત થતી વિવિધ વર્લ્ડ માસ્ટર્સ ગેમમાં ભાગ લેતા રહે છે.