16 june news

ચીખલી : વહુને બચાવવા ગયેલા સસરા અને દાદી સાસુને પણ કરંટ લાગ્યો, ત્રણેયના મોત

ચોમાસાની સીઝન શરૂ થતા જ વીજળી પડવાના, કરંટ લાગવાના, પૂરમાં વહી જવાના બનાવો વધી રહ્યાં છે. આવામાં નવસારીના ચીખલીના એક ગામે દુખદ ઘટના બની છે. નવસારીના ચીખલીના ખૂંધ ગામે કરંટ લાગતા એક જ પરિવારના ત્રણ લોકોના કરુણ મોત નિપજ્યાં છે.

Jun 16, 2020, 03:32 PM IST

coronaupdates : અમદાવાદમાં આયુષ વિભાગમાં ડેપ્યુટેશન પર ગયેલા મહિલા તબીબ કોરોના સાથે દ્વારકા પરત ફર્યાં

દેશમાં કોરોનાના કેસ મામલે ચોથા સ્થાન પર રહેલ ગુજરાતમાં કેસ ઘટવાના નામ નથી લઈ રહ્યાં. કેટલાક જિલ્લા એવા છે, જ્યાં રોજેરોજ 5 થી વધુ કેસ સામે આવી રહ્યાં છે. દ્વારકા જિલ્લામાં આજે કોરોના પોઝેટીવ આંકડો 17 પર પહોચ્યો છે. અમદાવાદથી ભાણવડ આવેલ 31 વર્ષીય મહિલા તબીબ કોરોનાની ઝપેટમાં આવી છે. આ મહિલા તબીબ અમદાવાદમાં ફરજ બજાવી દ્વારકા પરત આવ્યા હતા. આયુષ વિભાગમાં કોરોના વોરિયર તરીકે સેવા આપતી યુવતીન કોરોના રિપોર્ટ પોઝિટિવ આવ્યો છે. મહિલા તબીબ અમદાવાદ ખાતે 16 દિવસનાં ડેપ્યુટેશન માટે અમદાવાદ ગઈ હતી. તેઓને ઓપીડી વિભાગમાં ફરજ સોંપાઈ હતી, જ્યાં તેઓને કોરોનાનો ચેપ લાગ્યો હતો.

Jun 16, 2020, 03:03 PM IST

સિસલ્સમાં મૃત્યુ પામેલ કચ્છના યુવાનને કુટુંબની કાંધ કે દફનની માટી પણ નસીબ ન થઈ

અણધારી આફત સમાન કોરોનાની મહામારીએ સમગ્ર વિશ્વમાં ભારે હાહાકાર મચાવ્યો છે. લાખો લોકો તેની ઝપેટમાં આવ્યા પછી તેમના પરિવારોમાં ભારે આફત ઊભી કરી છે. એટલું જ નહિ, આ કાળમુખાની આડઅસર પણ કેટલી દર્દનાક છે તેનો કિસ્સો ભુજ તાલુકાનાં સામત્રા ગામના ગરીબ પરિવાર સામે આવ્યો છે. ગામમાં ખેતમજૂરી કરી પેટિયું રળતા મહેશ્વરી અરજણભાઇ માંગલિયાનો નાનો પુત્ર પ્રેમજી (ઉ.વ.32) ગત ફેબ્રુઆરીમાં જ વિદેશ કમાવવા આફ્રિકાના સિસલ્સમાં ગયો હતો. ટાઇલ્સ ફિટિંગનો માસ્ટર ગણાતો આ યુવાન સારા પગાર સાથે કામે પણ લાગ્યો હતો. પરિવારને સુખી જોવા માગતો એ યુવાન ઊંચા અરમાનો સાથે રાત-દિવસ તાપ-તડકો જોયા વગર ધંધામાં વ્યસ્ત રહેતો. પરંતુ કુદરતને કંઇક જુદું જ વિચાર્યું હોય તેમ ગત 9 જૂનના તેનું મોત નિપજ્યું છે. 

Jun 16, 2020, 02:20 PM IST

પેટ્રોલ-ડીઝલના ભાવવધારા સામે ગુજરાત કોંગ્રેસ આવતીકાલે કરશે વિરોધ પ્રદર્શન

ગુજરાતના નાયબ મુખ્યમંત્રી નીતિન પટેલે રાજ્યમાં કોરોના દર્દીઓની વધી રહેલી સંખ્યાની ચિંતા નથી, પણ રાજ્યની તિજોરી પર થયેલી અસરની ચિંતા વધારે છે. આ આક્ષેપ ગુજરાત કોંગ્રેસ પ્રમુખ અમિત ચાવડાએ કર્યો છે. અમિત ચાવાડાએ ગુજરાત સરકાર સામે શાબ્દિક પ્રહાર કરતા કહ્યું કે, નીતિન પટેલ lockdown ના કારણે રાજ્યની તિજોરી પર ભારે આર્થિક નુકસાન થયાનો દાવો કરે છે. તો સવાલ એ છે કે શું lockdown માં ગુજરાતના ગરીબ અને મધ્યમ વર્ગના પરિવારને નુકસાન થયું નથી? તેમનું બજેટ ખોરવાયું નથી? તેમનું આર્થિક ભારણ વધ્યું નથી? સરકારે ગરીબ અને મધ્યમ વર્ગને જે આર્થીક નુકસાન થયું તેનો અભ્યાસ કર્યો નથી? લોકડાઉનના કારણે અનેક લોકોની નોકરી ઓ છુટી ગઇ ધંધા રોજગાર ઠપ્પ થયા પણ એની ચિંતા સરકારે કરી નથી?

Jun 16, 2020, 01:50 PM IST

ઊંચા મૃત્યુદરને લઈને રાહુલ ગાંધીએ રૂપાણી સરકાર પર સાધ્યું નિશાન, આંકડા બતાવીને કહ્યું કે...

રાહુલ ગાંધી (Rahul Gandhi)એ પોતાની ટ્વિટમાં ગુજરાત સરકાર (Gujarat government) પર નિશાન સાધ્યું છે. રાહુલ ગાંધીએ આજે પોતાની ટ્વિટમાં લખ્યું છે કે, COVID-19 માં મૃત્યુદર. ગુજરાતમાં 6.25 ટકા, મહારાષ્ટ્ર 3.73 ટકા, રાજસ્થાન 2.32 ટકા, પંજાબ 2.17 ટકા, પોંડિચેરી 1.98 ટકા, ઝારખંડ 0.5 ટકા, છત્તીસગઢ 0.35 ટકા. ગુજરાત મોડલ ઉજાગર....

Jun 16, 2020, 01:06 PM IST

શિક્ષણ બોર્ડની ઘોર બેદરકારી, ધોરણ 12માં તમામ વિષયની પરીક્ષા આપનારા વિદ્યાર્થીને 2માં ગેરહાજર બતાવાયો

તાજેતરમાં જ ધોરણ 12 સામાન્ય પ્રવાહનું પરિણામ જાહેર થયું છે. જેમાં વિદ્યાર્થીઓ તથા વાલીઓ ખુશખુશાલ જોવા મળ્યા. પરંતુ અમદાવાદના એક વિદ્યાર્થી માટે આ પરિણામ ખુશી લઈને ન આવ્યું. પરંતુ તેના પરિણામે તેના પરિવારની ચિંતા વધારી દીધી છે. તમામ 7 વિષયની પરીક્ષા આપનાર વિદ્યાર્થીને 2 પેપરમાં ગેરહાજર બતાવવામાં આવ્યો છે. 

Jun 16, 2020, 12:13 PM IST

અમદાવાદ : ઈડલી ચાર રસ્તા પર 15-20 અસામાજિક તત્વોનો પરિવાર પર હુમલો

અમદાવાદના ખોખરા રેલવે સ્ટેશન માર્ગ પરના ઇડલી ચાર રસ્તા પર અસામાજિક તત્વોનો આતંક સામે આવ્યો છે. ઈડલી ચાર રસ્તા પરના નિશા ઈડલી સેન્ટર પર દસ-પંદર જેટલા અસામાજિક તત્વોએ ઘર ઘુસી જઈને તીક્ષ્ણ હથિયારો સાથે હુમલો કર્યો હતો. તમામે બે મહિલા સહિત પાંચ લોકો ઉપર ઘાતક હુમલો કરીને ફરાર થઈ ગયા હતા. ઘાયલ પાંચેય લોકોને સારવાર માટે મણિનગરની એલજી હોસ્પિટલ ખાતે ખસેડાયા છે. જ્યાં ત્રણની હાલત ગંભીર હોવાનું તબીબે જણાવ્યું છે. મોડી રાતે થયેલ આ હુમલાની ઘટના CCTV માં કેદ થઈ છે. હુમલાખોર અસામાજિક તત્વો હાટકેશ્વરના ભાઈપુરાના હોવાનુ અને છૂટાછેડા થયેલ યુવતીની બાબતે સામે પક્ષમાં યુવકના સાગરિતોએ હુમલો કર્યો હોવાનું ઈજાગ્રસ્ત પરિવારે જણાવ્યું છે. 

Jun 16, 2020, 11:47 AM IST

દિલ્હીના આરોગ્ય મંત્રી સત્યેન્દ્ર જૈનમાં દેખાયા કોરોનાના લક્ષણો, ગઈકાલે અમિત શાહ સાથે બેઠકમાં હતા હાજર

દિલ્હીના સ્વાસ્થય મંત્રી સત્યેન્દ્ર જૈનને રાજધાનીની રાજીવ ગાંધી હોસ્પિટલમાં ભરતી કરવામાં આવ્યા છે. જૈનને ગઈકાલે રાત્રે ઓક્સિજન સપોર્ટ પર રાખવામાં આવ્યા હતા. જૈનનો કોરોના ટેસ્ટ પણ કરવામાં આવ્યો છે અને રિપોર્ટની રાહ જોવાઈ રહી છે. ઉલ્લેખનીય છે કે, દિલ્હી કોરોનાના સૌથી વધુ પ્રભાવિત રાજ્યોમાં છે. અહીં કોરોનાના અત્યાર સુધી 42000 થી વધુ કેસ સામે આવ્યા છે. 

Jun 16, 2020, 10:26 AM IST

સતત ત્રીજા દિવસે ભારતમાં ધરા ધ્રૂજી, કાશ્મીરમાં ભૂકંપનો આંચકો અનુભવાયો

કોરોના કાળમાં દેશના તમામ પ્રકારની તકલીફોનો સામનો કરવો પડી રહ્યો છે. કોરોના ઉપરાંત ક્યારેક તોફાન અને ક્યારેક ભૂકંપ (Earthquake) થી સતત દેશને ઝઝૂમવું પડી રહ્યું છે. તાજા કિસ્સો જમ્મુ-કાશ્મીરનો છે. અહીં 5.8ની તીવ્રતાનો  ભૂકંપ આવ્યો છે. આ ભૂકંપનું કેન્દ્ર તજાકિસ્તા છે. 

Jun 16, 2020, 10:07 AM IST

સૂર્યએ કર્યો મિથુન રાશિમાં પ્રવેશ, 8 રાશિવાળા થશે માલામાલ, પણ 4 રાશિઓને પડશે ભારે...

સૂર્યએ 15 જૂનના રોજ સોમવારે મિથુન રાશિમાં પ્રવેશ કર્યો છે. આ રાશિમાં સૂર્યને બળવાન માનવામાં આવે છે. સૂર્ય 16 જુલાઈ સુધી આ રાશિમાં રહેશે. મિથુન રાશિમાં સૂર્યની ઉપસ્થિતિ 8 રાશિઓ માટે ધનયોગ બનાવી રહી છે. જ્યારે કે 4 રાશિઓને થોડું સાવધાન રહેવાની જરૂર છે. ત્યારે આ રાશિ પરિવર્તનની અસર જાણી લઈએ.

Jun 16, 2020, 09:35 AM IST

સુશાંત રાજપૂતના પરિવાર પર વધુ એક મુસીબતનો પહાડ તૂટ્યો, રડીરડીને ભાભીનો ગયો જીવ

બોલિવુડના ફેમસ એક્ટર સુશાંતસિંહ રાજપૂતના પરિવાર પર જાણે દુખોનો પહાડ તૂટી પડ્યો છે. 14 જૂન એટલે કે રવિવારે જ્યાં સુશાંત સિંહ (Sushant Singh Rajput) ની આત્મહત્યાના સમાચાર પર આખો પરિવાર અંદરથી તૂટી ગયો છે, બોલિવુડ પણ ગમમાં છે, ત્યાં સુશાંતના પિતરાઈ ભાભી તેમના નિધનના સમાચાર સહન ન કરી શક્યા અને સોમવારે બપોરે તેમના ભાભીએ પણ જીવ ગુમાવ્યો છે. આ ઘટના સુશાંતના પરિવાર માટે વધુ એક દુખદ ઘટના સાબિત થઈ છે. જેને સહન કરવું પરિવાર માટે મુશ્કેલ સાબિત થયું છે. 

Jun 16, 2020, 08:53 AM IST

UNHRC માં પાકિસ્તાનને ફરીથી લપડાક, કાશ્મીરનો મુદ્દો ઉઠાવવા પર ભારતે આપ્યો જડબાતોડ જવાબ

આંતરરાષ્ટ્રીય મંચ પર પાકિસ્તાનને એકવાર ફરીથી લપડાક ખાવાનો વારો આવ્યો છે. સંયુક્ત રાષ્ટ3 માનવાધિકાર પરિષદ (UNHRC) માં કાશ્મીરનો મુદ્દો ઉઠાવવા પર ભારત પાસેથી તેને જડબાતોડ જવાબ મળ્યો છે. ભારતે તેને પોતાના કામથી કામ રાખવાની સલાહ આપી છે. UNHRC માં ભારતના પરમનન્ટ મિશનના ફર્સ્ટ સેક્રેટરી સેન્થીલ કુમાર (Senthil Kumar) એ પાકિસ્તાન પર આંતરરાષ્ટ્રીય મંચનો દુરુપયોગ કરવાનો આરોપ લગાવીને કહ્યું કે, એ દુર્ભાગ્યપૂર્ણ છે કે, ખુદ નરસંહાર કરનારો દેશ બીજા પર આંગળી ચીંધી રહ્યો છે. 

Jun 16, 2020, 08:19 AM IST

CBI એ પહેલીવાર અત્યંત ઝેરીલા સેનેટાઈઝરને લઈને આપ્યું મોટું એલર્ટ

કોરોના વાયરસ (Coronavirus) થી બચવા માટે મોટાભાગના ડોક્ટર હેન્ડ સેનેટાઈઝર (Hand Sanitizer) નો ઉપયોગ કરવાની સલાહ આપી રહ્યાં છે. પરંતુ  સેનેટાઈઝર જ તમારા જીવન માટે હાનિકારક સાબિત થઈ શકે છે. સેન્ટ્રલ બ્યૂરો ઓફ ઈન્વેસ્ટીગેશન (CBI) એ પહેલીવાર એલર્ટ આપ્યું છે કે, દેશમાં એવા સેનેટાઈઝર પણ વેચાઈ રહ્યાં છે, જે ખતરનાક રીતે ઝેરીલા છે. તેનાથી લોકોના જીવનને ખતરો હોઈ શેક છે. 

Jun 16, 2020, 07:53 AM IST