Realme X2 Pro ભારતમાં આગામી મહિને થઇ શકે છે લોન્ચ, જાણો ફીચર્સ અને કિંમત

નવી દિલ્હી: ચીનની સ્માર્ટફોન મેકર કંપની રિયલમી ભારતમાં ટૂંક સમયમાં પોતાનો સ્માર્ટફોન Realme X2 Pro લોન્ચ કરશે. આ ફોન તાજેતરમાં જ ચીનમાં લોન્ચ કરવામાં આવ્યો છે. હવે એવો રિપોર્ટ્સ આવી રહ્યો છે કે ભારતમાં આ ફોન આગામી મહિને લોન્ચ કરવામાં આવી શકે છે. ભારતમાં ફોનની કિંમત 33,000 રૂપિયાની આસપાસ હોઇ શકે છે. ભારતમાં આ ફોન Redmi K20 Pro અને OnePlus 7T ને ટક્કર આપશે.  

રિયલમી X2 પ્રોના સ્પેસિફિકેશન્સ 
ફોનમાં 1080x2400 પિક્સલ રિઝોલ્યૂશન સાથે 6.5 ઇંચની ફૂલ એચડી+ સુપર AMOLED ફ્લૂઇડ ડિસ્પ્લે આપવામાં આવી છે. ડિસ્પ્લેનો આસ્પેક્ટ રેશિયો 20:9 છે અને આ 90Hz ના રિફ્રેશ રેટની સાથ આવે છે. ફોનનો સ્ક્રીન-ટૂ-બોડી રેશિયો 91.7 ટકા છે. ડિસ્પ્લે પ્રોટેક્શન માટે તેમાં કોર્નિંગ ગોરિલ્લા ગ્લાસ 5 નો ઉપયોગ કરવામાં આવ્યો છે. સિક્યોરિટી માટે ફોનમાં ઇન-ડિસ્પ્લે ફિંગરપ્રિંટ સેન્સર આપવામાં આવ્યું છે.

ફોટોગ્રાફી માટે ફોનમાં ક્વોડ રિયર કેમેરા સેટઅપ આપવામાં આવ્યો છે. તેમાં સેમસંગના GW1 સેન્સરવાળો 64 મેગાપિક્સલના પ્રાઇમરી કેમેરા આપવામાં આવ્યો છે. આ ઉપરાંત અહીં 13 મેગાપિક્સલનો ટેલિફોટો લેન્સ, 8 મેગાપિક્સલનો ટર્શિઅરી કેમેરા અને એક 2 મેગાપિક્સલનો ડેપ્થ સેન્સર આપવામાં આવ્યો છે. સેલ્ફી માટે ફોનમાં 16 મેગાપિક્સલનો કેમેરા આપ્યો છે. ફોનના ફ્રન્ટ કેમેરામાં Sony IMX471 નો ઉપયોગ કરવામાં આવ્યો છે.

ફોન 6જીબી+4જીબી, 8જીબી+128જીબી અને 12જીબી+256જીબી વેરિએન્ટમાં રજૂ કરવામાં આવ્યું છે. સ્નૈપડ્રૈગન 855+એસઓસી પ્રોસેસર સાથે આવનાર ફોન એંડ્રોઇડ 9 પાઇ પર બેસ્ડ ColorOS 6.1 પર કામ કરે છે. ફોનને પાવર આપવા માટે તેમાં 4000mAh બેટરી આપવામાં આવી છે જે 50 વોટ SuperVOOC ફ્લેશ ચાર્જ સપોર્ટ સાથે આવે છે.