Twitter Update: શું વાત છે ! ટ્વીટર પર હવે પોસ્ટ કરી શકાશે 2 કલાક સુધીનો વીડિયો

Twitter Latest Update: ટ્વીટરની કમાન જ્યારથી એલન મસ્કના હાથમાં આવી છે ત્યારથી એક પછી એક નવી જાહેરાતો થઈ રહી છે. જોકે તેનાથી ટ્વીટર યુઝરને ફાયદા જ થઈ રહ્યા છે. કારણ કે ટ્વીટર પ્લેટફોર્મ સાથે નવા નવા ફીચર્સ જોડાઈ રહ્યા છે. તેવામાં વધુ એક નવું ફીચર રોલ આઉટ કરવામાં આવ્યું છે. એલન મસ્કે ટ્વીટ કરીને આ વાતની જાહેરાત કરી હતી. એલન મસ્કે જણાવ્યું હતું કે હવે ટ્વીટર યુઝર્સ બે કલાક સુધીનો વિડીયો ટ્વિટર પર અપલોડ કરી શકે છે 

આ પણ વાંચો:

એલન મસ્કે પોતાના ટ્વિટર એકાઉન્ટ પરથી ટ્વિટ કર્યું હતું અને જણાવ્યું હતું કે ટ્વીટરના બ્લુ વેરીફાઇડ સબસ્ક્રાઈબર બે કલાક સુધીનો વિડીયો અથવા તો આઠ જીબી સુધીનો વિડીયો પર પોસ્ટ કરી શકે છે. 

Twitter Blue Verified subscribers can now upload 2 hour videos (8GB)!

— Elon Musk (@elonmusk) May 18, 2023

એટલે કે જે લોકો બ્લુટીક વેરીફાઇ છે તેમના માટે વિડિયો પોસ્ટિંગ ફીચર એક્ટિવ કરવામાં આવ્યું છે. જોકે જે લોકો પાસે બ્લુટૂક વેરીફાઇ નથી તેઓ 140 સેકન્ડ એટલે કે 2 મિનિટ અને 20 સેકન્ડ સુધીનો વિડીયો જ અપલોડ કરી શકશે. 

ટ્વીટર દ્વારા જે નવું ફીચર જાહેર કરવામાં આવ્યું છે તેને લઈને શક્ય છે કે બ્લુટીક સબ્સ્ક્રાઈબરની સંખ્યા પણ વધી જાય. તેવામાં જો તમારે પણ બ્લુ ટીક મેળવવું હોય તો ભારતીય યુઝર્સ માટે મંથલી ચાર્જ 650 થી 900 રૂપિયા સુધીનો છે.