UNSC: અફઘાનિસ્તાનની સ્થિતિ સારી નથી, યૂએનમાં આતંકવાદ પર પણ બોલ્યા જયશંકર

ન્યૂયોર્કઃ S Jaishankar On Terrorism: વિદેશ મંત્રી એસ જયશંકરે આજે આતંકવાદી કૃત્યો દ્વારા આંતરરાષ્ટ્રીય શાંતિ તથા સુરક્ષા માટે ખતરા પર સંયુક્ત રાષ્ટ્ર સુરક્ષા પરિષદની ઉચ્ચ સ્તરીય બેઠકને સંબોધિત કરી છે. આ દરમિયાન એસ જયશંકરે પાકિસ્તાન પર ઇશારા-ઇશારામાં નિશાન સાધ્યુ છે. તેમણે કહ્યું કે, કેટલાક એવા દેશ છે જે આતંકવાદ સામે લડવાના આપણા સામૂહિક સંકલ્પને નબળો પાડે છે, તેની મંજૂરી આપી શકાય નહીં. 

તેમણે કહ્યું- ભારત, આતંકવાદથી સંબંધિત પડકારો અને ક્ષતિથી વધુ પ્રભાવિત રહ્યું છે. વિશ્વએ આતંકવાદની અનિષ્ટ સાથે ક્યારેય સમાધાન ન કરવું જોઈએ. ભારતનું માનવું છે કે આતંકવાદને કોઈ ધર્મ, રાષ્ટ્રીયતા, સભ્યતા કે જાતીય સમૂહ સાથે જોડવા જોઈએ નહીં. 

જયશંકરે કહ્યુ કે, આતંકવાદના બધા રૂપો, અભિવ્યક્તિની નિંદા કરવી જોઈએ, તેને કોઈપણ રીતે ન્યાયયોગ્ય ઠેરવી શકાય નહીં. 

#WATCH | "...Let us always remember that what is true of Covid is even more true of terrorism: none of us are safe until all of us are safe: EAM S Jaishankar at UNSC Briefing on Threats to international peace & security caused by terrorist acts..." pic.twitter.com/Nf2zc1tKYf

— ANI (@ANI) August 19, 2021

તેમણે કહ્યું કે, આઈએસઆઈએસનું નાણાકીય સંસાધન એકત્રીકરણ વધુ મજબૂત બન્યું છે, હત્યાઓનું ઇનામ હવે બિટકોઇનના રૂપમાં આપવામાં આવી રહ્યું છે. વિદેશ મંત્રીએ કહ્યું કે, વ્યવસ્થિત ઓનલાઇન પ્રચાર અભિયાનો દ્વારા નબળા યુવાઓને કટ્ટરપંથી ગતિવિધિઓમાં સામેલ કરવા ગંભીર ચિંતાનો વિષય બનેલો છે. 

તેમણે કહ્યું કે, અમારા પાડોશમાં આઈએસઆીએલ-ખોરાસન (ISIL-K) સતત વિસ્તાર કરવાનો પ્રયાસ કરી રહ્યું છે. અફઘાનિસ્તાનમાં થનારી ઘટનાઓએ પ્રાદેશિક અને આંતરરાષ્ટ્રીય સુરક્ષા બંને માટે ચિંતાને સ્વાભાવિક રૂપે વધારી દીધી છે. એસ જયશંકરે કહ્યુ કે, પ્રતિબંધિત હક્કાની નેટવર્કની વધતી ગતિવિધિઓ આ ચિંતાને યોગ્ય ઠેરવે છે.