WION Global Summit: દક્ષિણ એશિયાની અર્થવ્યવસ્થામાં ભારતનું વધી રહ્યું છે કદ- શેખ નહયાન

 ઝી મીડિયાની આંતરાષ્ટ્રીય ચેનલ WIONની Global Summit નું ઉદ્ધાટન કરતા મુખ્ય મહેમાન અને ગેસ્ટ ઓફ ઓનર શેખ નહયાન મુબારક અલ નહયાને આ વાત કરી. શેખ નહયાન સયુંક્ત આરબ અમીરાત (યુએઈ) સરકારની કેબિનેટમાં મહત્વના સભ્ય છે અને ટોલરન્સ મંત્રી છે. 

Updated By: Feb 20, 2019, 02:11 PM IST
WION Global Summit: દક્ષિણ એશિયાની અર્થવ્યવસ્થામાં ભારતનું વધી રહ્યું છે કદ- શેખ નહયાન

દુબઈ: દક્ષિણ એશિયાની અર્થવ્યવસ્થામાં ભારતનું મહત્વ વધી રહ્યું છે. અને તેની સાથે જ વૈશ્વિક મામલાઓમાં તેના વધતા કદને જોઈને રણનીતિક દ્રષ્ટિકોણની જરૂર છે. ભારતની આ સ્થિતિ દક્ષિણ એશિયા ક્ષેત્ર માટે નવી સંભાવના ઉત્પન્ન કરે છે. ઝી મીડિયાની આંતરાષ્ટ્રીય ચેનલ WIONની Global Summit નું ઉદ્ધાટન કરતા મુખ્ય મહેમાન અને ગેસ્ટ ઓફ ઓનર શેખ નહયાન મુબારક અલ નહયાને આ વાત કરી. શેખ નહયાન સયુંક્ત આરબ અમીરાત (યુએઈ) સરકારની કેબિનેટમાં મહત્વના સભ્ય છે અને ટોલરન્સ મંત્રી છે. 

આ સાથે જ શેખ નહયાને કહ્યું કે આ વિસ્તારના વ્યાપારિક અને આર્થિક વાતાવરણ, વૃદ્ધિ અને વિકાસનો માહોલ બનાવવા માટે તમામ સ્તરો પર પ્રયત્નો કરવા પડશે. યુએઈના ભારત અને અન્ય એશિયાઈ દેશો સાથે સારા સંબંધો છે. ક્ષેત્રીય અને વૈશ્વિક સુરક્ષામાં તેની મહત્વની ભૂમિકા છે. 

દક્ષિણ એશિયાની તાકાત, સંભાવનાઓ અને ભવિષ્ય (Unleashing the Power of South Asia) પર WION દ્વારા આજે દુબઈમાં એક ગ્લોબલ સમિટનું આયોજન થયું છે. શેખ નહયાને કોન્કલેવના હેતુને બિરદાવ્યો. તેમણે આ આયોજન બદલ Zee Media અને WIONનો આભાર વ્યક્ત કરતા કહ્યું કે તેના દ્વારા તમે શાંતિ અને સતત વિકાસને પ્રોત્સાહિત કરી રહ્યાં છો. 

WION CONCLAVE: દક્ષિણ એશિયાની તાકાત અને સંભાવનાઓ પર દિગ્ગજો રજુ કરશે પોતાનો અભિપ્રાય

આ વૈશ્વિક આયોજનમાં દુનિયાભરના બુદ્ધિજીવીઓ, એકેડેમિક અને દક્ષિણ એશિયા ક્ષેત્રના નેતાઓ જોઈન્ટ ફ્યુચર પર પોતાના અભિપ્રાયો રજુ કરી રહ્યાં છે. આ કડીમાં આધ્યાત્મિક ગુરુ સદગુરુ દક્ષિણ એશિયાના દેશો વચ્ચે આર્થિક સહયોગની જરૂરિયાત પર પોતાના વિચાર રજુ કરશે. પૂર્વ આર્મી ચીફ જનરલ બ્રિક્રમ સિંહ, અમેરિકામાં પાકિસ્તાનના પૂર્વ રાજદૂત હુસૈન હક્કાની અને અન્ય ક્ષેત્રમાં આતંકવાદ, શાંતિ અને પ્રગતિના મુદ્દે પોતાના મત રજુ કરશે. 

WION CONCLAVE: દક્ષિણ એશિયાની તાકાત અને સંભાવનાઓ પર દિગ્ગજો રજુ કરશે પોતાનો અભિપ્રાય

શું મીડિયા અને એન્ટરટેઈનમેન્ટનો ચહેરો બદલાઈ રહ્યો છે? આ સત્રને આંતરરાષ્ટ્રીય પત્રકાર રિઝ ખાન મોડરેટ  કરશે. દક્ષિણ એશિયાની વાત થાય અને ક્રિકેટની ચર્ચા ન થાય તે શક્ય નથી. આ કડીમાં મશહૂર ક્રિકેટર વીવીએસ લક્ષ્ણ હાલના દોરના વૈશ્વિક ક્રિકેટમાં ભારતીય દબદબા પર વિચાર રજુ કરશે. 

ક્ષિણ એશિયાની આગળની રાહ શું હશે? શ્રીલંકાના સાંસદ નમાલ રાજપક્ષે, બાંગ્લાદેશના પૂર્વ મંત્રી અને સત્તાધારી આવામી લીગના સભ્ય હસન ઉલ હક ઈનુ અને દક્ષિણ એશિયા મામલાના વિશેષજ્ઞ માઈકલ કુગલમન આ મુદ્દે ચર્ચા કરશે. 

ZEEના આંતરરાષ્ટ્રીય ચેનલ WIONના 'Unleashing the Power of South Asia' કાર્યક્રમના મુખ્ય અતિથિ યુએઈના કેબિનેટ મંત્રી શેખ નહયાન મુબારક અલ નહયાન હશે. સંયુક્ત આરબ અમીરાત (યુએઈ)માં ભારતના રાજદૂત નવદીપ સૂરી ગેસ્ટ ઓફ ઓનર હશે. 20 ફેબ્રુઆરીના રોજ આયોજિત આ  કોન્ક્લેવનું WION—World is One News— ચેનલ પર સવારે 11.30 કલાકથી જીવંત પ્રસારણ થશે. 

વિદેશના વધુ સમાચારો વાંચવા માટે કરો ક્લિક...