അ​ല​നെ​യും താ​ഹ​യെ​യും സി​പി​എം പു​റ​ത്താ​ക്കാത്തതെന്ത്?

മാ​വോ​യി​സ്റ്റ് ബ​ന്ധ​ത്തി​ന്‍റെ പേ​രി​ല്‍ UAPA നി​യ​മം ചു​മ​ത്തി അ​റ​സ്റ്റു ചെ​യ്ത പാ​ര്‍​ട്ടി അം​ഗ​ങ്ങ​ളാ​യ അ​ല​നെ​യും താ​ഹ​യെ​യും സി​പി​എം ഇതുവരെ പു​റ​ത്താക്കാത്തതില്‍ രൂക്ഷ വിമര്‍ശനവുമായി ബിജെപി നേതൃത്വം.

Sheeba George | Updated: Nov 10, 2019, 05:17 PM IST
അ​ല​നെ​യും താ​ഹ​യെ​യും സി​പി​എം പു​റ​ത്താ​ക്കാത്തതെന്ത്?

തി​രു​വ​ന​ന്ത​പു​രം: മാ​വോ​യി​സ്റ്റ് ബ​ന്ധ​ത്തി​ന്‍റെ പേ​രി​ല്‍ UAPA നി​യ​മം ചു​മ​ത്തി അ​റ​സ്റ്റു ചെ​യ്ത പാ​ര്‍​ട്ടി അം​ഗ​ങ്ങ​ളാ​യ അ​ല​നെ​യും താ​ഹ​യെ​യും സി​പി​എം ഇതുവരെ പു​റ​ത്താക്കാത്തതില്‍ രൂക്ഷ വിമര്‍ശനവുമായി ബിജെപി നേതൃത്വം.

മാ​വോ​യി​സ്റ്റ് ബ​ന്ധ​൦ ആരോപിക്കപ്പെടുകയും കോടതി അത് ശരിവയ്ക്കുയും ചെയ്ത സാഹചര്യത്തിലാണ് ബിജെപിയുടെ വിമര്‍ശനം. 

മാ​വോ​യി​സ്റ്റ് ബ​ന്ധ​ത്തി​ന്‍റെ പേ​രി​ല്‍ UAPA നി​യ​മം ചു​മ​ത്തി അ​റ​സ്റ്റു ചെയ്യപ്പെട്ട അ​ല​നെ​യും താ​ഹ​യെ​യും സി​പി​എം ഇതുവരെ പു​റ​ത്താക്കാത്തത് എന്തുകൊണ്ടാണ് എന്ന് ബിജെപി സംസ്ഥാന ജനറല്‍സെക്രട്ടറി എം ടി രമേശ്‌ ചോദിച്ചു. കൂടാതെ, മാ​വോ​യി​സ്റ്റുകള്‍ക്കെതിരെ സര്‍ക്കാര്‍ എന്തു നിലപാട് കൈക്കൊണ്ടാലും ബിജെപി ഒപ്പമുണ്ടാവുമെന്നും അദ്ദേഹം പറഞ്ഞു.
 
എന്നാല്‍, യുവാക്കളെ ഇതുവരെ പാര്‍ട്ടിയില്‍ നിന്നും പുറത്താക്കാത്തത്, സി​പി​എമ്മിന് നാടിനേക്കാള്‍ വലുത് പാര്‍ട്ടിയാണ് എന്നാണ് സൂചിപ്പിക്കുന്നത് എന്നും അദ്ദേഹം കോഴിക്കോട്ട്‌ മാധ്യമങ്ങളോട് പറഞ്ഞു. 

അതേസമയം, യുവാക്കളെ പാര്‍ട്ടിയില്‍ നിന്നും പുറത്താക്കുന്നത് സംബന്ധിച്ച നടപടികള്‍ ആരംഭിച്ചതായാണ് സൂചന. പുറത്താക്കല്‍ നടപടികള്‍ക്കായി ലോ​ക്ക​ല്‍ ജ​ന​റ​ല്‍ ബോ​ഡി യോ​ഗം തി​ങ്ക​ളാ​ഴ്ച വൈ​കി​ട്ട് ന​ട​ക്കുമെന്നും റിപ്പോര്‍ട്ട് ഉണ്ട്. 

അതേസമയം, സം​ഭ​വ​ത്തെ കു​റി​ച്ച്‌ അ​ന്വേ​ഷി​ക്കാ​ന്‍ സി​പി​എം മൂ​ന്നം​ഗ ക​മ്മീ​ഷ​നെ നി​യോ​ഗി​ച്ചി​രു​ന്നു. ഈ ​അ​ന്വേ​ഷ​ണ റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ലാണ് പാര്‍ട്ടി ന​ട​പ​ടികളിലേയ്ക്കു കടന്നിരിക്കുന്നത്. മൂ​ന്നം​ഗ ക​മ്മീ​ഷ​ന്‍ നടത്തിയ അന്വേഷണത്തില്‍ അ​റ​സ്റ്റി​ലാ​യ വി​ദ്യാ​ര്‍​ഥി​ക​ള്‍ തെ​റ്റു​കാ​രാ​ണെന്ന്‍ സി​പി​എം കണ്ടെത്തിരുന്നു. പോലീസ് അറസ്റ്റ് ചെയ്ത ര​ണ്ടു പാ​ര്‍​ട്ടി അം​ഗ​ങ്ങ​ള്‍​ക്കും മാ​വോ​യി​സ്റ്റു​ക​ളു​മാ​യി ന​ല്ല ബ​ന്ധ​മു​ണ്ടെ​ന്ന റി​പ്പോ​ര്‍​ട്ട് സി​പി​എം കോ​ഴി​ക്കോ​ട് ജി​ല്ലാ ക​മ്മി​റ്റി പാ​ര്‍​ട്ടി സം​സ്ഥാ​ന സെ​ക്ര​ട്ടേ​റി​യ​റ്റി​നു ന​ല്‍​കി​യതായാണ് റിപ്പോര്‍ട്ട്.

അതേസമയം, ഈ വിഷയത്തില്‍ തുടക്കം മുതല്‍ കര്‍ശന നിലപാടാണ് മുഖ്യമന്ത്രി പിണറായി വിജയന്‍ കൈക്കൊണ്ടിരിക്കുന്നത്. 
വി​ദ്യാ​ര്‍​ഥി​കളുടെമേല്‍ യു​എ​പി​എ ചു​മ​ത്തിയത് ആദ്ദേഹം ന്യാ​യീ​ക​രിക്കുകയാണ് ഉണ്ടായത്. പാ​ര്‍​ട്ടി കോ​ഴി​ക്കോ​ട് ജി​ല്ലാ ക​മ്മി​റ്റി​യു​ടെ റി​പ്പോ​ര്‍​ട്ടും പോ​ലീ​സ് ന​ട​പ​ടി​യെ സാ​ധൂ​ക​രി​ക്കു​ന്ന​താ​ണെ​ന്നു മു​ഖ്യ​മ​ന്ത്രി വ്യക്തമാക്കിയിരുന്നു. 

എന്നാല്‍, സി​പി​എം ജ​ന​റ​ല്‍ സെ​ക്ര​ട്ട​റി സീ​താ​റാം യെ​ച്ചൂ​രി​യ​ട​ക്ക​മു​ള്ള കേ​ന്ദ്ര നേ​താ​ക്ക​ള്‍ യു​എ​പി​എ ക​രി​നി​യ​മ​മാ​ണെ​ന്നും മാ​വോ​യി​സ്റ്റു ല​ഘു​ലേ​ഖ വി​ത​ര​ണം ചെ​യ്ത​തി​ന്‍റെ പേ​രി​ല്‍ ഈ ​നി​യ​മം ഉ​പ​യോ​ഗി​ച്ച്‌ അ​റ​സ്റ്റ് ചെ​യ്ത സ​ര്‍​ക്കാ​ന്‍ ന​ട​പ​ടി തി​രു​ത്ത​ണ​മെ​ന്നും ആ​വ​ശ്യ​പ്പെ​ട്ടി​രു​ന്നു. എ​ന്നാ​ല്‍, പാ​ര്‍​ട്ടി സംസ്ഥാന നേതൃത്വം, കേ​ന്ദ്ര നേ​താ​ക്ക​ളു​ടെ ആ​വ​ശ്യം ത​ള്ളാ​നോ കൊ​ള്ളാ​നോ ഇ​തു​വ​രെ​യും ത​യാ​റാ​യി​ട്ടി​ല്ല. കൂടാതെ, പാര്‍ട്ടി മുഖ്യമന്ത്രിയുടെ നിലപാടിനൊപ്പമെന്നും വ്യക്തമാക്കുകയും ചെയ്തിരിക്കുകയാണ്. 

അതേസമയം, അറസ്റ്റിലായ വിദ്യാര്‍ത്ഥികള്‍ CPM പ്രവര്‍ത്തകരെങ്കിലും ഇവരുടെ മാവോയിസ്റ്റ് ബന്ധം വ്യക്തമാക്കുന്ന തെളിവുകള്‍ തങ്ങള്‍ക്ക് ലഭിച്ചിട്ടുണ്ടെന്ന് പോലീസ് നേരത്തെ വ്യക്തമാക്കിയിരുന്നു. കൂടാതെ, ഇവരുടെ മാവോയിസ്റ്റ് ബന്ധം കോടതി ശരി വയ്ക്കുകയും ചെയ്തിട്ടുണ്ട്. മാവോയിസ്റ്റ് ബന്ധം ശരിവയ്ക്കുന്ന കൂടുതല്‍ തെളിവുകള്‍ ശേഖരിക്കാനുള്ള ശ്രമത്തിലാണ് സംസ്ഥാന പോലീസ്. 

കഴിഞ്ഞ 2നാണ് ക​ണ്ണൂ​ര്‍ പാ​ല​യാ​ട്ടെ സ​ര്‍​വ​ക​ലാ​ശാ​ലാ ക്യാമ്പസ് നി​യ​മ​വി​ദ്യാ​ര്‍​ഥി അ​ല​ന്‍ ഷു​ഹൈ​ബ് (20), ക​ണ്ണൂ​ര്‍ സ്കൂ​ള്‍ ഓ​ഫ് ജേ​ര്‍​ണ​ലി​സം വി​ദ്യാ​ര്‍​ഥി താ​ഹ ഫൈ​സ​ല്‍ (24) എ​ന്നി​വ​ര്‍ മാ​വോ​യി​സ്റ്റ് ബ​ന്ധം ആ​രോ​പി​ച്ച്‌ അ​റ​സ്റ്റി​ലാ​യ​ത്. 

കഴിഞ്ഞ ദിവസം ഇരുവര്‍ക്കും ജാമ്യം നിഷേധിച്ചിരുന്നു. കഴിഞ്ഞ 8ന് ഇവരുടെ ജാമ്യാപേക്ഷ പരിഗണിച്ച ഹൈക്കോടതി പോലീസിനോട് വിശദീകരണം ആവശ്യപ്പെട്ടിരിക്കുകയാണ്. 14ന് ഹൈക്കോടതി ജാമ്യാപേക്ഷ വീണ്ടും പരിഗണിക്കും. 

സാധാരണ കേസില്‍ 14 ദിവസത്തേക്ക് പ്രതികളെ റിമാന്‍ഡ് ചെയ്യുമ്പോള്‍ യുഎപിഎ കേസില്‍ 30 ദിവസത്തേക്കാണ് റിമാന്‍ഡ് ചെയ്യുന്നത്. മറ്റു കേസുകളില്‍ 90 ദിവസത്തിനുള്ളില്‍ കുറ്റപത്രം സമര്‍പ്പിച്ചില്ലെങ്കില്‍ പ്രതിക്ക് ജാമ്യം ലഭിക്കുമെങ്കില്‍ യുഎപിഎ കേസുകളില്‍ 180 ദിവസം കാത്തിരുന്നാല്‍ മാത്രമേ പ്രതിക്ക് ജാമ്യം ലഭിക്കൂ.