ना समांथा, ना श्रद्धा, 'पुष्पा 2'च्या आयटम साँगमध्ये दिसणार 'ही' अभिनेत्री, सेटवरील फोटो व्हायरल

Pushpa 2 Leaked Photo: ब्लॉकबस्टर चित्रपट 'पुष्पा' चित्रपटाचा सिक्वेल 5 डिसेंबर रोजी प्रदर्शित होणार आहे. अल्लू अर्जुनच्या या चित्रपटाची चाहते गेल्या अनेक दिवसांपासून वाट पाहत आहेत. काही दिवसांपूर्वीच या चित्रपटाची रिलीज डेट बदलली आहे. 'पुष्पा' चित्रपटातील समांथा रुथ प्रभूच्या आयटम साँगने प्रेक्षकांच्या मनावर राज्य केलं होतं. अशातच या चित्रपटाचा सिक्वेल येत आहे. ज्यामध्ये आयटम साँगसाठी समांथा रुथ प्रभू, श्रद्धा कपूरसह अनेक अभिनेत्रींची नावे समोर आली होती. 

दरम्यान, सोशल मीडियावर 'पुष्पा 2' चित्रपटाच्या सेटवरील एक फोटो तुफान व्हायरल होत आहे. जो चित्रपटातील गाण्याच्या शूटिंगमधील असल्याचं म्हटलं जात आहे. पण या फोटोमध्ये ना समांथा, ना श्रद्धा तर ही अभिनेत्री दिसणार आहे. 

'पुष्पा 2'च्या आयटम साँगमध्ये दिसणार श्रीलीला

अल्लू अर्जुनच्या 'पुष्पा 2' चित्रपटातील आयटम साँगमध्ये समांथा रुथ प्रभू, श्रद्धा कपूर, तृप्ति डिमरी आणि तमन्ना भाटिया यांच्या नावाची चर्चा सुरु होती. परंतु निर्मात्यांनी याबाबत अजून कोणतीही घोषणा केलेली नाहीये. एका ट्विटर वापरकर्त्यांने त्याच्या अकाउंटवर एक फोटो  शेअर केले. ज्यामध्ये हा फोटो 'पुष्पा 2' चित्रपटातील आयटम साँगमधील असल्याचं म्हटलं जात आहे.

Leaked pic from pushpa2 item song #Pushpa2TheRuleTrailer#AlluArjun and #sreeleela pic.twitter.com/MI5HLv9eQ0

— Asha (@I_am_Asha16) November 8, 2024

या फोटोमध्ये अल्लू अर्जुन हा अभिनेत्री श्रीलीलासोबत दिसत आहे. फोटोमध्ये दोघे आयटम साँग करत असल्याचं दिसत आहे. त्याचबरोबर फोटोत पाठीमागे डान्सर दिसत आहे. सध्या या फोटोंवरून प्रेक्षकांनी 'पुष्पा 2' चित्रपटातील आयटम साँगमध्ये अल्लू अर्जुनसोबत श्रीलीला दिसणार असल्याचं म्हटलं आहे. 

सुकुमार यांनी केले  'पुष्पा 2' चित्रपटाचे दिग्दर्शन

साउथ सुपरस्टार अल्लू अर्जुनचा  'पुष्पा' हा चित्रपट 2021 मध्ये रिलीज झाला होता. हा चित्रपट बॉक्स ऑफिसवर प्रचंड हिट ठरला होता. आता लवकरच  'पुष्पा 2'  चित्रपट प्रेक्षकांच्या भेटीला येत आहे. हा चित्रपटाचे दिग्दर्शन सुकुमार यांनी केलं आहे. या चित्रपटात अल्लू अर्जुनसह रश्मिका मंदाना आणि फहद फासिल देखील असणार आहेत.