कोरोनामुळे हृतिक रोशन- सुझान खान पुन्हा एकत्र

मुंबई: सध्या कोरोना व्हायरसमुळे संपूर्ण देशात अभूतपूर्व परिस्थिती निर्माण झाली असताना बॉलीवूड इंडस्ट्रीतील एका घटनेने सर्वांचे लक्ष वेधून घेतले आहे. हृतिक रोशन आणि सुझान खान या दोघांनी लॉकडाऊनच्या २१ दिवसांच्या काळात एकत्र राहण्याचा निर्णय घेतला आहे. हे दोघे एकमेकांपासून विभक्त झाले असले तरी आपल्या रेहान आणि रिदान या मुलांसाठी ते अनेकदा एकत्र येताना दिसतात. आतादेखील लॉकडाऊनच्या काळात दोन्ही मुलांना आईची उणीव भासू नये म्हणून हृतिकने सुझानला २१ दिवस आपल्या घरी येऊन राहण्याची विनंती केली होती. सुझानने कोणतेही आढेवेढे न घेता हृतिकचा हा प्रस्ताव मान्य केला. याबद्दल हृतिकने इन्स्टाग्रामवर पोस्ट लिहून सुझानचे आभार मानले आहेत. 

या पोस्टसोबत हृतिकने एक फोटोही शेअर केला आहे. यामध्ये सुझान खान हृतिकच्या घरात बसलेली दिसत आहे. आमच्या मुलांसाठी सुझान तात्पुरती माझ्या घरी राहायला आली आहे. या समजुतदारपणासाठी मी सुझानचा आभारी आहे, असे हृतिकने पोस्टमध्ये म्हटले आहे. सुझाननेही हृतिकच्या या पोस्टवर कमेंट केली आहे. मानवी इतिहासात हे इतरांसाठी डोळे उघडणारे ठरेल, असे सुझानने म्हटले आहे. 

View this post on Instagram

. It is unimaginable for me, as a parent, to think of having to be separated from my children at a time when the country is practicing lockdowns. . It is heartwarming to see the world come together as one in this time of deep uncertainty and possibility of months of social distancing and potential lockdowns for several weeks perhaps . . While the world talks about humanity coming together, I think it represents more than just an idea especially for parents sharing custody of their kids. How to keep their kids close to them without infringing on the right of the other who also has an equal right to be with his/her children. . This is a picture of dear Sussanne (my ex wife) , who has graciously volunteered to temporarily move out of her home so that our children are not disconnected indefinitely from either one of us. . Thank you Sussanne for being so supportive and understanding in our journey of co-parenting. . Our children will tell the story we create for them. . I hope and pray that in order to safeguard the health of ourselves and our loved ones, we all find our way to express love, empathy, courage, strength with an open heart . . #beopen #bekind #bebrave #responsibility #coexist #empathy #strength #courage #oneworld #humanity #wecanfighththis #loveoverfear

A post shared by Hrithik Roshan (@hrithikroshan) on Mar 25, 2020 at 1:20am PDT

साहजिकच बॉलीवूडमधील अनेक कलाकारांनी या पोस्टवर प्रतिक्रिया व्यक्त केल्या आहेत. अभिनेता रोहित रॉय याने म्हटले आहे की, हृतिक आणि सुझान तुम्ही किती चांगली प्रेमकहाणी लिहत आहात. तर अभिनेता टायगर श्रॉफने यामधून किती शिकण्यासारखे आहे, अशी कमेंट केली आहे.