रक्षाबंधन : लता मंगेशकर यांनी दिल्या पंतप्रधान मोदींना शुभेच्छा

'वचन द्या तुम्ही भारताचं नाव उंच शिखरावर न्याल...'

Updated: Aug 3, 2020, 01:38 PM IST
रक्षाबंधन : लता मंगेशकर यांनी दिल्या पंतप्रधान मोदींना शुभेच्छा  title=

मुंबई :  गानसम्राज्ञी लता मंगेशकर यांनी पंतप्रधान नरेंद्र मोदी यांना रक्षाबंधनाच्या खास शुभेच्छा दिल्या आहेत. मोदींना शुभेच्छा देत त्यांनी एक व्हिडिओ देखील शअर केला आहे. या व्हिडिओच्या माध्यमातून लता मंगेशकर यांनी पंतप्रधान नरेंद्र मोदींप्रती आदर व्यक्त केला. आज रक्षाबंधन... पण कोरोनाचं सावट असल्यामुळे अनेक बहिणींना आपल्या भावाला भेटता येणार नाही. भावा-बहिणीच्या नात्याचं प्रतिक म्हणजे 'रक्षाबंधन'. 

त्या म्हणाल्या, 'नरेंद्र भाई रखीच्या शुभ समयी मी तुम्हाला प्रणाम करते. मी तुम्हाला आज राखी पाठवू शकली नाही याचं कारण सगळ्या जगाला माहित आहे. तुम्ही आपल्या देशासाठी मोलाचे काम करत आहात. अत्यंत चांगल्या गोष्टी जनतेसमोर मांडत असल्याचं म्हणत त्यांनी कोरोना पंतप्रधान नरेंद्र मोदींना शुभेच्छा दिल्या आहेत. 

'भारताचे नागरीक तुमचं काम कधीही विसरू शकत नाहीत. आज देशातील असंख्य महिलांचा हात पुढे आहे, पण राखी बांधणं अशक्य आहे. तुम्ही सर्व परिस्थिती समजू शकता, तेव्हा वचन द्या तुम्ही भारताचं नाव उंच शिखरावर न्याल...नमस्कार' अशाप्रकारे लता मंगेशकर यांनी पंतप्रधान नरेंद्र मोदींना शुभेच्छा दिल्या.