अजमेर शरीफपासून 185 सदस्यांच्या कुटुंबापर्यंत; पाहा एका चित्रपटासाठी कुठेकुठे पोहोचली Sara Ali Khan
Vicky Kaushal and Sara Ali Khan : सारा अली खान आणि विक्की कौशल यांचे हे काही व्हिडीओ सोशल मीडियावर प्रचंड व्हायरल झाले आहेत. त्यांच्या चित्रपटाच्या प्रमोशनसाठी सारा आणि विक्की कुठे कुठे पोहोचले हे पाहायला मिळत आहे. त्यांचे फोटो आणि व्हिडीओ सोशल मीडियावर व्हायरल झाले आहेत.
)
Vicky Kaushal and Sara Ali Khan : बॉलिवूड कलाकार विक्की कौशल आणि सारा अली खान हे सध्या त्यांच्या 'जरा हटके, जरा बचके' या आगामी चित्रपटामुळे चर्चेत आहे. चित्रपटाच्या प्रमोशनसाठी हे दोघे कलाकार प्रत्येक राज्यात जात आहेत. काल म्हणजे रविवारी विक्की कौशल आणि सारा अली खान एका गावात गेले होते. त्या गावात ते एका 185 लोकांच्या कुटुंबाला भेटले. त्यावेळी सारानं चपाती बनवण्यास त्यांना मदत केली असून त्यांच्याशी गप्पा देखील मारल्या. त्याशिवाय सारा दर्गात देखील गेली होती. त्याचे अनेक फोटो सोशल मीडियावर प्रचंड व्हायरल झाले आहेत. हे फोटो सोशल मीडियावर चर्चेचा विषय ठरले आहेत.
विक्की कौशल आणि सारा अली खानचा फोटो आणि व्हिडीओ सेलिब्रिटी फोटोग्राफर विरल भयानीनं शेअर केला आहे. दरम्यान, सारा काल संध्याकाळी 4 वाजता अजमेर दर्गात प्रार्थना करण्यासाठी पोहोलची होती. यावेळी सारासोबत सेल्फी घेण्यासाठी तिथे खूप गर्दी झाल्याचे दृश्य दिसले. त्यानंतर विक्की आणि सारा हे जयपुरच्या राम मंदिरात देखील गेले होते. त्यांनी तिथे प्रभू राम यांचा आशीर्वाद घेतला आणि त्यानंतर राजस्थानमधील एका कुटुंबाला भेट दिली. त्या कुटुंबात 185 लोकं आहेत. त्या कुटुंबातील महिलांसोबत मिळून सारा आणि विक्कीनं चपात्या बनवल्या आणि भेंडीची भाजी देखील बनवली. तर विक्कीनं त्या सगळ्यांशी गप्पा मारल्या. तिथल्या लोकांशी विक्की आणि सारानं राजस्थानीत बोलण्याचा प्रयत्न केला तर त्यांच्याकडूव राजस्थानी शिकून घेतली. इतक्या मोठ्या कुटुंबाला एकत्र पाहुन त्यांना आनंद झाला तर एक कुटुंब किती महत्त्वाचं आहे हे त्यांना कळलं.
सारानं या वेळी पारंपारिक ड्रेस परिधान केला होता. मिंट ग्रीन रंगाचा तिचा हा ड्रेस होता. ती जेव्हा दर्गा गेली होती तेव्हा तिनं तिच्या ओढनीनं डोकं झाकलं होतं आणि काळ्या रंगाचा सनग्लासेस लावले होते. पापाराझींनी तिचे हे व्हिडीओ सोशल मीडियावर शेअर केले होते. तर सारा 2021 साली तिची आई अमृता सिंगसोबत अजमेर शरीफ दर्गा आली होती.
हेही वाचा : आता तर कहरच केला! शेणापासून ड्रेस बनवला... Urfi Javed च्या ट्रोलिंगची शिकार
विक्की आणि साराचा 'जरा हटके, जरा बचके' हा चित्रपट 2 जून रोजी प्रदर्शित होणार आहे. या चित्रपटाचं दिग्दर्शन लक्ष्मण उतेकर यांनी केले आहे. पहिल्यांदा सारा आणि विक्की हे एकत्र दिसणार आहेत. याशिवाय सारा 'मेट्रो इन दिनों' या चित्रपटात देखील दिसणार आहे. या चित्रपटात तिच्यासोबत आदित्या रॉय चोप्रा, अनुपम खेर, नीना गुप्ता, पंकज त्रिपाठी, कोंकणा सेन शर्मा, अली फजल आणि फातिमा सना शेख दिसणार आहेत.