घटस्फोटाच्या चर्चांदरम्यान युजवेंद्र चहल आणि धनश्रीने उचललं मोठं पाऊल; सोशल मीडियावर एकच चर्चा

सध्या सोशल मीडियावर येणारी एक अपडेट अशी आहे की, युजवेंद्र चहल आणि धनश्री वर्मा यांनी एकमेकांना इंस्टाग्रामवर अनफॉलो केले आहे. युझवेंद्रने त्याच्या पत्नीसोबतचे सर्व फोटो डिलीट केले आहेत, तर धनश्रीने फक्त त्याला अनफॉलो केले आहे, पण फोटो डिलीट केले नाहीत. या बदलांमुळे चाहते चांगलेच गोंधळले आहेत आणि घटस्फोटाच्या अफवांमध्ये आणखी भर पडली आहे.

घटस्फोटाच्या अफवांमध्ये नवा ट्विस्ट
एक विश्वसनीय सूत्र असं सांगत आहे की, 'या जोडप्याचा घटस्फोट अपरिहार्य आहे आणि तो अधिकृत होण्याआधी काही काळाची बाब आहे.' दोघांच्या विभक्त होण्यामागची कारणे अद्याप स्पष्ट होऊ शकली नाहीत, पण हे निश्चित आहे की त्यांनी एकमेकांपासून वेगळं जीवन जगण्याचा निर्णय घेतला आहे. 

धनश्री वर्माने 2023 मध्ये तिच्या इंस्टाग्रामवर पती युजवेंद्र चहलचे आडनाव 'चहल' काढून टाकल्यामुळे घटस्फोटाच्या अफवांना अधिक बळ मिळाले आणि युजवेंद्रने 'नवीन आयुष्य सुरू होत आहे' अशी गूढ स्टोरी शेअर केल्यानंतर, चाहत्यांमध्ये या अफवांना तोंड फुटलं. त्यावेळी युजवेंद्रने या घटस्फोटाच्या बातम्यांना फेटाळतांना म्हटलं की, या सर्व गोष्टी अफवा आहेत आणि चाहत्यांनी त्यावर लक्ष देऊ नये.

धनश्री आणि युजवेंद्रची प्रेमकथा
धनश्री वर्मा आणि युजवेंद्र चहल यांची प्रेमकथा लॉकडाउनच्या काळात सुरू झाली. युजवेंद्रने एक दिवस ठरवलं की त्याला डान्स शिकायचं आहे आणि तो सोशल मीडियावर धनश्रीचे डान्स व्हिडिओ पाहून तिला संपर्क करायला लागला. धनश्रीने त्याला डान्स शिकवण्यास सुरुवात केली आणि त्याच्या घरी येणाऱ्या क्रिकेट सामने आणि टूरिंगच्या काळात दोघांच्या मित्रत्वाची चांगलीच गाठ बांधली. त्यानंतर दोन वर्षांनंतर, 11 डिसेंबर 2020 रोजी दोघांनी लग्न केलं.

हे ही वाचा: अजय देवगनच्या खोड्यांमुळे श्रेयस तळपदेची उडाली झोप, रोहित शेट्टीने केला खुलासा

आश्चर्याची गोष्ट अशी की, काही दिवसांपूर्वी युजवेंद्र चहलने घटस्फोटाच्या अफवांवर प्रतिक्रिया देत सांगितलं की, 'आमचं वैवाहिक जीवन व्यवस्थित आहे आणि हे सर्व अफवा आहेत.' परंतु, आता या नवीन घटनांनी दोघांमधील दूरावा दिसू लागला आहे. 

चाहते मात्र या दोघांच्या प्रेमकथेतील अंतिम वळण काय असेल याचा अंदाज लावू शकत नाहीत, परंतु एक गोष्ट स्पष्ट आहे की दोघे आपल्या वैयक्तिक जीवनाबद्दल अधिक गोपनीय राहण्याचा निर्णय घेत आहेत.  

युजवेंद्र चहल आणि धनश्री वर्मा यांच्या घटस्फोटाच्या अफवांनी केवळ सोशल मीडियावरच नाही, तर मीडियामध्येही मोठा गोंधळ निर्माण केला आहे. यावरून दोघांच्या भविष्यात काय होईल, हे पाहणे बाकी आहे.