22 शेतकरी संघटनांचा पक्ष निवडणुकीच्या मैदानात, मुख्यमंत्रीपदासाठी या नावाची घोषणा

चंदीगड : 2022 च्या सुरुवातीला पंजाबसह 5 राज्यांमध्ये विधानसभेच्या निवडणुका होणार आहेत. अशा स्थितीत निवडणुकीच्या संदर्भात पंजाबचा राजकीय पारा चांगलाच तापला आहे. राजकीय पक्ष तयारीला लागले असताना पंजाबमधील शेतकरी संघटनाही राजकारणात उतरण्याच्या तयारीत आहेत. तीन कृषी कायद्यांविरोधात निदर्शने करणाऱ्या पंजाबमधील 22 शेतकरी संघटनांनी शनिवारी राजकीय पक्ष स्थापन केला आणि आगामी विधानसभा निवडणुका लढवणार असल्याची घोषणा केली.

ही व्यक्ती मुख्यमंत्री पदाचा चेहरा 

शेतकरी नेते हरमीत सिंग कादियान यांनी ही घोषणा केली. ते म्हणाले की, या राजकीय पक्षाचा चेहरा शेतकरी नेते बलबीर सिंग राजेवाल असेल. भारतीय किसान युनियन डकोंडा, भाकियु लखोवाल आदींनी घटना दुरुस्ती करून त्यांना त्यांच्या निर्णयाची जाणीव करून देणार असल्याचे सांगितले.

शेतकरी पक्षांची घोषणा

या 22 शेतकरी संघटना पंजाबमधील 32 शेतकरी संघटनांपैकी आहेत ज्यांनी 3 केंद्रीय कृषी कायद्यांविरोधात एक वर्षाहून अधिक काळ चाललेल्या आंदोलनात भाग घेतला. शेतकरी नेते हरमीत सिंग कडियान म्हणाले की, पंजाबमध्ये पुढील वर्षीच्या सुरुवातीला होणाऱ्या विधानसभा निवडणुका लढवण्यासाठी संयुक्त समाज मोर्चाची स्थापना करण्यात आली आहे.

पक्षाचे नाव जाहीर

चंदीगडमध्ये शेतकरी नेते बलबीर सिंह राजेवाल यांनी पत्रकार परिषदेत सांगितले की, पंजाब विधानसभेची निवडणूक लढवण्यासाठी स्थापन झालेल्या या नव्या पक्षाचे नाव 'संयुक्त समाज मोर्चा' असे ठेवण्यात आले आहे. 22 संघटनांनी हा निर्णय घेतला आहे. आपल्याला व्यवस्था बदलण्याची गरज असून या मोर्चाला जनतेने साथ देण्याचे आवाहन करू इच्छितो.