देशात गेल्या २४ तासांत ४२१३ नवे कोरोना रुग्ण; आतापर्यंतचा एका दिवसातील सर्वाधिक आकडा

संग्रहित फोटो

नवी दिल्ली : देशात कोरोनाबाधितांचा आकडा 67 हजारांवर पोहचला आहे. भारतात गेल्या 24 तासांत 4213 नवे कोरोना रुग्ण आढळले आहेत. आतापर्यंतचा एका दिवसातील हा सर्वात मोठा आकडा आहे. देशात कोरोना रुग्णांची संख्या वाढून 67 हजार 152 झाली आहे. गेल्या 24 तासात 97 जणांचा मृत्यू झाला आहे. 

देशात 20 हजार 916 रुग्ण कोरोनातून पूर्णपणे बरे झाले आहेत. तर आतापर्यंत 2206 जणांचा मृत्यू झाला आहे. 

कोरोना रुग्णांचा संख्या दिवसागणिक वाढत असताना, दिलासादायक बाब म्हणजे रिकव्हरी रेट वाढून तो 31.1 टक्क्यांवर पोहचला आहे, अशी माहिती आरोग्य मंत्रालयाचे संयुक्त सचिव लव अग्रवाल यांनी दिली आहे.

The total number of recoveries is 20917, 44029 people are under active medical supervision. In last 24 hours, there were 4213 new cases & 1559 recoveries. Recovery rate is now at 31.15%. Total number of cases is at 67,152: Lav Agarwal, Joint Secretary of Health Ministry #COVID19 pic.twitter.com/cVWiV9fOvn

— ANI (@ANI) May 11, 2020

लव अग्रवाल यांनी दिलेल्या माहितीनुसार, 8 मे रोजी सुधारित डिस्चार्ज पॉलिसीची घोषणा करण्यात आली. आता डिस्चार्ज देण्यापूर्वी चाचणी करण्याची आवश्यकता नाही. डिस्चार्जनंतर रुग्णाला 7 दिवस होम आयसोलेशनमध्ये राहणं बंधनकारक आहे. ही डिस्चार्ज पॉलिसी अनेक देशांच्या अभ्यासातून करण्यात आली आहे. अभ्यासानुसार डिस्चार्ज पॉलिसीमध्ये बदल करण्यात आले आहेत. 

As per revised policy, mild/very mild/pre-symptomatic cases admitted to COVID care facility can be discharged after 10 days of symptom onset & if there is no fever for 3 days. No need to test before discharge, home isolation advised after discharge: Lav Agarwal, Health Ministry https://t.co/tlTkIc1oS6

— ANI (@ANI) May 11, 2020

दरम्यान, 23 विमानांद्वारे वंदे भारत मिशन अंतर्गत चार हजार भारतीयांना परत आणण्यात आलं असल्याचं गृह मंत्रालयाचे संयुक्त सचिव पुण्य सलिला श्रीवास्तव यांनी सांगितलं आहे. कॅबिनेट सचिवांनी सर्व प्रमुख सचिवांसह बैठक घेतली असून त्यात मजूरांना रेल्वे रुळांवरुन न जाण्याबाबत सांगण्यात आलं आहे. 

Around 4000 Indians have been brought back by 23 flights under #VandeBharathMission. Over 5 lakh migrant workers have been sent to their home states by 468 special trains. 101 special trains were run yesterday: Union Home Ministry Joint Secretary Punya Salila Srivastava pic.twitter.com/5pfFEcMVsX

— ANI (@ANI) May 11, 2020

रेल्वेकडून 12 मेपासून टप्प्या-टप्प्याने ट्रेन चालवण्यात येणार आहे. तिकीट कन्फर्म असल्यास प्रवासी प्लॅटफॉर्मवर येऊ शकतो. ई-तिकीट असल्यास कोणत्याही पासची आवश्यकता नाही.