Road Accident: ताजमहाल बघून परत येताना SUV पलटली; भाजपा पदाधिकाऱ्याच्या कुटुंबातील 7 जणांचा मृत्यू

Road Accident (File Photo)

7 people returning after seeing TajMahal died in a road accident: आग्रा (Agara) येथून ताजमहाल (TajMahal) बघून परत येत असलेल्या कारला उत्तर प्रदेशमधील (Uttar Pradesh) उन्नाव (Unnao) येथे भीषण अपघात (Car Accident) झाला. या अपघातामध्ये एकूण 7 जणांचा मृत्यू झाला. मरण पावलेल्या लोकांपैकी 4 जण एकाच कुटुंबातील आहे. तर अन्य 3 व्यक्ती या मृत परिवातील एका व्यक्तीच्या सासरवाडीच्या असल्याचं समजतं. एकाच कुटुंबातील चार जणांचे मृतदेह गावामध्ये आणण्यात आले तेव्हा गावकऱ्यांना मोठा धक्का बसला. या अपघातामध्ये एक छोटा मुलगा सुदैवाने वाचला आहे.

नेमकं घडलं काय?

उन्नावमध्ये पोस्टमार्टम करण्यात आल्यानंतर शनिवारी तीन मृतदेह बासौली या मुळ गावी पोहचले. समोर घरातील चारजणांचे मृतदेह पाहून मरण पावलेल्या व्यक्तीच्या म्हताऱ्या बापाबरोबरच वयस्कर नातेवाईकांची शुद्ध हरपली. मरण पावलेल्या व्यक्तीचं नाव दिनशे असं आहे. दिनेशच्या कुटुंबातील एकूण 5 जण या गाडीमध्ये होते. यापैकी केवळ एक छोटं मुलं या अपघातामध्ये वाचलं. या अपघातामध्ये दिनेशची सासू आणि दोन मेव्हण्यांचा मृत्यू झाला आहे. आग्रा येथील ताजमहाल पाहून बाराबंकीला परत येत असताना एसयूव्हीला अपघात झाला. उन्नावजवळ भरधाव वेगातील या एसयूव्हीचा टायर फुटल्याने गाडी पलटली.

8 पैकी 7 जग दगावले

31 जानेवारी रोजी दिनेश पत्नी अनीता सिंह (34), मुलगी गौरी उर्फ संस्कृति (9), मुलगा आर्यन (4), लक्ष्यवीर (10 महिने), सासू कांती (52), मेहुणी प्रीती (15), प्रिया (9) यांच्याबरोबर आपल्या कारने आग्र्याहून परत येत होता. आपला तीन दिवसांचा दौरा पूर्ण करुन हे सर्वजन शुक्रवारी रात्री कारने बाराबंकीला येत होते. दिनशेच कार चालवत होता. याच वेळी गाडीचा टायर फुटल्याने अपघात झाला आणि गाडीतील 8 पैकी 7 जणांचा मृत्यू झाला. 

भाजपा कनेक्शन

भाजपाच्या मागास वर्ग विभागाचे माजी जिल्हाध्यक्ष रामखलावन लोधी यांच्या चार मुलांपैकी दुसऱ्या क्रमांकाचा मुलगा दिनेश राजपूत हा शहरातील चित्रगुप्त नगर कॉलीनीमध्ये वास्तव्यास होता. तो त्याची पत्नी आणि ती मुलांसहीत राहत होता. दिनेशचं याच शहरामध्ये हार्डवेअरचं दुकान आहे. दिनेशबरोबरच त्याची पत्नी आणि दोन मुलांचा मृत्यू झाल्याने घरच्यांना मोठा मानसिक धक्का बसला आहे. या घटनेमुळे गावावर शोककळा पसरली असून या चौघांच्या अंत्यसंस्कारासाठी संपूर्ण गाव गोळा झाल्याचं चित्र पहायला मिळालं. संपूर्ण कुटुंब अशाप्रकारे एका रस्ते अपघातात दगावल्याने गावात हळहळ व्यक्त केली जात आहे.