बीड जिल्हा बँक घोटाळा: धनंजय मुंडेंना अटक होण्याची शक्यता

औरंगाबाद: धनंजय मुंडे यांना अटक होण्याची शक्यता आहे. बीड जिल्हा बँक घोटाळ्याप्रकरणी धनंजय मुंडेंच्या अंतरिम जामिनाला स्थगिती मिळालीय. औरंगाबाद खंडपीठानं ही स्थगिती दिलीय. त्यामुळं धनंजय मुंडेंना अटक होण्याची शक्यता आहे. धनंजय मुंडे हे विधानपरिषदेचे विरोधी पक्षनेते आहेत.  

शिवाय धनंजय मुंडेंना अटक करण्यासाठी पोलिसांना मुभा दिली आहे. त्यामुळं मुंडेंना कधीही अटक होण्याची शक्यता आहे. संत जगन्मित्र सूतगिरणी प्रकरणी परळी पोलीस स्टेशनमध्ये धनंजय मुंडेंवर गुन्हा दाखल करण्यात आला आहे.

त्यामुळं आता धनंजय मुंडेंना अटक झाली, तर पुन्हा एकदा राष्ट्रवादी काँग्रेसची नाचक्की होण्याची शक्यता आहे. त्यामुळं आता यातून धनंजय मुंडे कशा रितीनं मार्ग काढतात हे पाहणं महत्वाचं ठरणार आहे.

काय आहे प्रकरण पाहूयात ग्राफिक्सच्या माध्यमातून...

• कर्ज प्रकरणात दिलेले २ कोटी २९ लाखांचे चेक बाऊन्स
• परळीतील जगमित्र सुतगिरणीचे आ. मुंडे संचालक 
• २००१ -  सुतगिरणीनं शिखर सहकारी 
• बँकेकडून ११ कोटींचं कर्ज घेतलं
• कर्जासाठी सुतगिरणीची स्थावर, 
• जंगम मालमत्ता, यंत्रसाहित्य गहाण ठेवलं
• कर्ज न फेडल्यानं सुतगिरणीला ८ कोटी ८७ लाख रु. भरण्याचे आदेश 
• मात्र शिखर बँकेसोबतचा व्यवहार लपवून सुतगिरणीनं बीडमधील जिल्हा सहकारी बँकेकडे कर्जासाठी अर्ज 
• धनंजय मुंडेंच्या प्रभावामुळे एकही रुपया अनामत रक्कम न ठेवता १२ कोटींचं कर्ज सुतगिरणीला मिळालं 
• कागदपत्रांची शहानिशा केल्यानंतर बनावट ऑडिट रिपोर्ट, 
• कागदपत्रं सादर करून फसवणूक झाल्याचं उघड
• फसवणुकीप्रकरणी धनंजय आणि पंडितराव मुंडेविरोधात गुन्हा दाखल
• गुन्हा रद्द करण्यासाठी संचालक मंडळाची हायकोर्टात धाव
• औरंगाबाद खंडपीठाकडून बनावट कागदपत्रं सादर केल्यामुळे 
• ३ कोटी ४३ लाख भरण्याचे आदेश 
• २ कोटी २९ लाखांचा चेक जमा केल्यानंतर बाऊन्स
• त्यानंतरही जिल्हा बँक प्रशासनाकडून कारवाई नाही
• त्याविरोधात औरंगाबाद खंडपीठात दाद मागितली
• त्यावेळी चेक बाऊन्स झाल्याचं कोर्टाच्या निदर्शनास आले 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.