राशी भविष्य : कोणत्या राशींचं जुळतं, कोणाला मिळतं, कोणाचं तुटतं... वाचा

आपण आपल्या आयुष्यात बर्‍याच लोकांना भेटतो

Updated: Jun 16, 2021, 05:33 PM IST
राशी भविष्य : कोणत्या राशींचं जुळतं, कोणाला मिळतं, कोणाचं तुटतं... वाचा title=

मुंबई : आपण आपल्या आयुष्यात बर्‍याच लोकांना भेटतो, परंतु प्रत्येकाशी आपलं जुळेलच असं नाही. काही लोकं अशी असतात ज्यांना भेटून असं वाटत असेल की त्यांना बर्‍याच काळापासून आपण ओळखत आहोत. पण काही लोकं अशीही असतात ज्यांच्य़ाशी कितीही चांगलं बोललं तरीही पण आपल्याला त्यांच्याशी बोलायला आवडत नाही. अशा लोकांसोबत बोलण्याचं मन होत नाही.

ज्योतिषांच्या सांगण्यानुसार हा सगळा ग्रहांचा खेळ असतो. जेव्हा मैत्री ग्रहाच्या व्यक्ती भेटतात तेव्हा त्यांच्यामध्ये चांगले संबंध निर्माण होतात. मात्र जर शत्रु ग्रहातील दोन व्यक्ती भेटल्या तर दे दीर्घकाळ एकमेकांसोबत राहू शकत नाहीत. अशा व्यक्तींमध्ये ताणतणाव, भांडणं होऊ लागतात. तर आज आपण जाणून घेऊया कोणत्या राशींच्या व्यक्ती एकमेकांसोबत राहू शकत नाहीत.

मेष आणि कर्क

मेष राशीच्या व्यक्ती मनाला हवं तस वागतात आणि नेहमी स्वत: चा विचार करतात. कर्क राशीचे लोक नम्र असतात आणि इतरांचा विचार करतात. म्हणूनच कधीकधी कर्क राशीच्या व्यक्ती इतरांकडून अपेक्षा करतात की  इतरांनी देखील त्यांची काळजी घ्यावी. परंतु मेष राशीच्या लोकांना त्यांची अपेक्षा पूर्ण करता येत नाही. विपरीत स्वभावामुळे दोघांमध्ये चांगली समज विकसित होत नाही आणि नेहमीच काही वाद किंवा विवाद होण्याचीही परिस्थिती निर्माण होऊ शकते.

कुंभ और वृषभ

जर तुमची रास कुंभ असेल तर कधीही वृषभ राशीचा जोडीदार निवडू नका. वृषभ राशीचे लोक खूप हट्टी असतात. तर मेष लोक स्वतंत्र स्वभावाची असतात. अशा परिस्थितीत छोट्या छोट्या गोष्टींवरून त्यांच्यात भांडणं होण्याची परिस्थिती निर्माण होऊ शकते. अशावेळी तडजोड करण्यास कोणीही सहमती दर्शवत नाही.

मीन आणि मिथुन

मिथुन राशीचे लोकांविषयी असं म्हणलं जातं की, या व्यक्ती बोलतात एक आणि करतात काही वेगळं. मीन राशीच्या व्यक्ती सरळ, साध्या आणि खूप भावनिक असतात. म्हणून, मीन राशीच्या व्यक्ती कधीही मिथुन राशीच्या व्यक्तींना योग्य प्रकारे समजू शकत नाही. यामुळे बरेचदा त्यांच्यात भांडणं होऊ शकतात.