क्रिकेटर Ishan Kishan बेपत्ता? 'तो' व्हिडीओ व्हायरल झाल्याने एकच खळबळ

Ishan Kishan: गेल्या काही दिवसांपासून टीम इंडियामध्ये एका खेळाडूची चर्चा आहे. हा खेळाडू म्हणजे ईशान किशन (Ishan Kishan)... दरम्यान सोशल मीडियावर #IshanIsMissing असा हॅशटॅग ट्रेंड होताना दिसतोय. ट्विटरचा हा ट्रेंड पाहून अनेक क्रिकेट चाहते मात्र गोंधळलेले दिसतायत. यामध्ये अनेकांच्या मनात प्रश्न आलाय की, इशान किशन (Ishan Is Missing) बेपत्ता झाला आहे का? दरम्यान यानंतर इशान किशनचा एक व्हिडीओ देखील सोशल मीडियावर व्हायरल (Social Media Viral) झाला आहे. 

ईशानने केला संभ्रम दूर

#IshanIsMissing या हॅशटॅगनंतर आता खुद्द ईशानने सोशल मीडियावर एक व्हिडिओ शेअर केलाय. ईशान किशनने या ट्विटर ट्रेंडमुळे सकाळपासून कसा त्रास झालाय याची माहिती दिलीये. शिवाय आपण बेपत्ता नसल्याचंही त्याने स्पष्ट केलं आहे. 

#Ad Bohot confusion hai bhai. #IshanIsMissing but it’s not me. Thought of clearing the confusion. @yamigautam is finding Ishan in her film not me #Lost #ZEE5 pic.twitter.com/9lYyLo9g7e

— Ishan Kishan (@ishankishan51) February 26, 2023

इशानने त्याच्या ट्विटर अकाऊंटवरून व्हिडिओ शेअर केलाय. यामध्ये इशान म्हणतो की, ट्विटरवर ज्या ईशानबद्दल बोललं जातंय तो ईशान भारती आहे. मी इशान किशन तुमच्या समोर आहे. जो इशान बेपत्ता आहे त्याला यामी गौतम जी शोधून काढतील. मला सकाळपासून हजारो कॉल्स आले आहेत, मात्र मी बेपत्ता नाही. 

यासोबत व्हिडीयोला कॅप्शन देताना ईशान किशनने लिहिलंय की, '#Ad खूप कन्फ्यूजन आहे बावा. #IshanIsMissing पण मी नाही. मी तुमचा गोंधळ दूर करण्याचा विचार केला. यामी गौतम जी तिच्या चित्रपटात ईशानला शोधतेय तो मी नाही. #Lost #ZEE5 '

मुळात दिग्दर्शक अनिरुद्ध रॉय चौधरी यांचा 'लॉस्ट' हा चित्रपट Zee5 वर प्रदर्शित झालाय. 'लॉस्ट' या चित्रपटात यामीने निर्भय पत्रकार विधी साहनी हिची भूमिका साकारली असून इशान नावाच्या व्यक्तीचा यामध्ये शोध घेतला जातोय.

ईशान किशन सध्या टीम इंडियाच्या टेस्ट टीमसोबत आहे. इशान किशनची बॉर्डर गावसकर ट्रॉफीसाठी निवड कऱण्यात आली आहे. दरम्यान त्याला आतापर्यंत या सिरीजमधील पहिल्या दोन सामन्यांमध्ये त्याला संधी देण्याक आली नाही. इशानने यापूर्वी वनडे क्रिकेटमध्ये द्विशतक झळकावलंय. त्यामुळे इशानला लवकरच टेस्टमध्ये डेब्यू करण्याची संधी मिळण्याची शक्यता आहे.