பட்ஜெட் 2024: சாமானியர்களுக்கான பொதுவான முதலீட்டு விருப்பங்களில், வங்கி சேமிப்புக் கணக்கு அல்லது தபால் அலுவலக சேமிப்புக் கணக்கில் வைத்திருக்கும் பணம் சேமிப்பு போன்றது. இந்த சேமிப்புக் கணக்குகளில் வைத்திருக்கும் பணத்தின் மீதான வட்டிக்கு ஒரு நிதியாண்டில் ரூ.10,000 வரிவிலக்கு உண்டு. அதாவது 10,000 ரூபாய் வரையிலான சேமிப்புக் கணக்கின் வட்டி வருமானத்திற்கு வரி கிடையாது. இந்த வரம்பை 10,000 ரூபாயில் இருந்து 50,000 ரூபாயாக அரசாங்கம் உயர்த்துமா என்ற எதிர்பார்ப்பு நிலவுகிறது.
பிப்ரவரி 1, 2024 அன்று பட்ஜெட் தாக்கல்
மத்திய நிதியமைச்சர் நிர்மலா சீதாராமன் பிப்ரவரி 1, 2024 அன்று ஆறாவது முறையாக பட்ஜெட்டை (Union Budget 2024) தாக்கல் செய்கிறார். அதற்குப் பிறகு நாடு முழுவதும் மக்களவைத் தேர்தல் நடைபெற உள்ளதால், மோடி அரசின் இரண்டாவது ஆட்சியின் கடைசி பட்ஜெட்டை நிர்மலா சீதாராமன் தாக்கல் செய்ய உள்ளார். இப்படிப்பட்ட நிலையில் சாமானிய மக்களுக்கு அரசு நிவாரணம் வழங்குமா என்ற எதிர்பார்ப்பு அதிகரித்துள்ளது
தற்போதையை விதிகள் கூறுவது என்ன
வருமான வரிச் சட்டம் 1961 இன் பிரிவு 80TTA இன் படி, ஒரு தனிநபர் (60 வயதுக்குட்பட்ட) அல்லது இந்து பிரிக்கப்படாத குடும்பம் (HUF), வங்கிகள், கூட்டுறவு சங்கங்கள் ஆகியவற்றில் பராமரிக்கப்படும் சேமிப்புக் கணக்கிலிருந்து வட்டி வருமானம் பெற்றால், மொத்தத் தொகை வருமானத்தில் இருந்து ரூ.10,000 வரை விலக்கு கோரலாம். எனினும், வரி செலுத்துவோர் FD, தொடர் வைப்புத்தொகை, தபால் அலுவலக நேர வைப்புத்தொகை போன்றவற்றில் பெறப்பட்ட வட்டிக்கு இந்த விலக்கைப் பெற முடியாது என்பது குறிப்பிடத்தக்கது. 60 வயதுக்கு மேற்பட்ட மூத்த குடிமக்களுக்கு பிரிவு 80TTB இன் கீழ் ரூ. 50,000 வரை தனி விலக்கு கிடைக்கும். இது சேமிப்புக் கணக்குகள், FDகள் மற்றும் பிற வட்டி வருமானங்களுக்கு பொருந்தும்.
பிரிவு 80TTAவின் கீழ் வரிவிலக்கு கோரும் முறை
பிரிவு 80TTA என்பதன் கீழ் வங்கி சேமிப்பு கணக்கில் இருந்து நமக்கு கிடைக்கும் வட்டி தொகையை மற்ற ஆதாரங்களில் இருந்து வருமானம் (Income from other sources) என்ற பிரிவில் நாம் வருமான வரி தாக்கலின் போது சுட்டிக்காட்டுவதன் மூலம் கிடைக்கும் வட்டி தொகையில் ரூ. 10,000 வரை வரி விலக்கு வழங்கும் ஒரு பிரிவு தான் வருமான வரி சட்டத்தின் 80TTA.
மேலும் படிக்க | பிப்ரவரி 1 முதல் முக்கிய விதிகளில் மாற்றம்... நோட் பண்ணிக்கோங்க மக்களே..!!
2012 முதல் சேமிப்புக் கணக்கு வட்டியில் தனி விலக்கு தொடங்கப்பட்டது
சிறு சேமிப்புகளை மேம்படுத்துவதற்காக 2012 பட்ஜெட்டில் பிரிவு 80TTA இன் கீழ் அரசாங்கம் விலக்குகளை அறிமுகப்படுத்தியது. இருப்பினும், கழித்தல் வரம்பு அன்றிலிருந்து நிலையானதாகவே உள்ளது. தற்போதுள்ள 10,000 ரூபாயில் இருந்து 50,000 ரூபாயாக இந்த விலக்கை அரசாங்கம் அதிகரிக்கலாம் என கருதப்படுகிறது. நீண்ட நாட்களாகியும் இதில் எந்த மாற்றமும் இல்லாததால், இதை செய்ய அரசு பரிசீலிக்க வேண்டும் என்ற கோரிக்கை எழுந்துள்ளது குறிப்பிடத்தக்கது.
சேமிப்புக் கணக்கில் தற்போது கிடைக்கும் வட்டி விகிதம்
தற்போது, சேமிப்பு வங்கிக் கணக்கு ஆண்டுதோறும் சராசரியாக 3 - 4% வட்டியை வழங்குகிறது. FD மீதான வட்டி 7% முதல் 8.60% வரை கிடைக்கும். இருப்பினும், சில வங்கிகள் சேமிப்புக் கணக்கில் 7 அல்லது 6.5 சதவீத வட்டியை வழங்குகின்றன. ஆனால் அதற்குக் கணக்கில் வரம்புக்கு மேல் இருக்க வேண்டும்.
மேலும் படிக்க | பல நிதியமைச்சர்களின் சாதனைகளை பின்தள்ளி முன்னேறும் நிதியமைச்சர் நிர்மலா சீதாராமன்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
