தீபாவளி சமயத்தில், பலர் தங்கம் மற்றும் வெள்ளி வாங்க திட்டமிட்டிருப்பார்கள். அது மிகவும் நல்ல விஷயம் தான். ஆனால், இன்று தங்கள் விலை உச்சத்தை எட்டியுள்ள நிலையில், அது எல்லோராலும் வாங்க முடியாத நிலையில் உள்ளது. ஆனால், தங்க முதலீட்டை போலவே பணத்தை இராட்டிப்பாக்கும், குறைந்த அளவிலான சிறந்த முதலீட்டை தொடங்குவதன் மூலம் உங்கள் எதிர்காலத்தை சிறப்பாக பாதுகாக்கலாம். தீபாவளி சமயத்தில், சிறந்த பாதுகாப்பான முதலீட்டினை தொடக்குவதற்கான நல்ல திட்டத்தை நீங்கள் தேடுகிறீர்கள் என்றால், தபால் அலுவலகத்தின் இந்த திட்டத்தில் நீங்கள் நிச்சயம் முதலீடு செய்ய வேண்டும். தபால் அலுவலகம் தனது வாடிக்கையாளர்களுக்காக பல வகையான சிறு சேமிப்பு திட்டங்களை செயல்படுத்துகிறது. இது பல வகையான வருமான பிரிவினர்களுக்கு ஏற்ற வகையில் பல வகையான திட்டங்களைக் கொண்டுள்ளது.
சிறந்த வருமானத்துடன் அஞ்சலகத் திட்டம் முதலீட்டாளர்களின் பணத்தை பாதுகாப்பாக வைத்திருக்கிறது. இந்த காரணத்திற்காக, ஏராளமான மக்கள் இந்திய அஞ்சல் திட்டங்களில் முதலீடு செய்ய விரும்புகிறார்கள். தபால் அலுவலகத்தின் பல திட்டங்கள் மிகவும் பிரபலமானவை. இவற்றில் ஒன்று தொடர் வைப்புத் திட்டம் (Post Office Recurring Deposit). வெறும் 100 ரூபாயில் இந்தத் திட்டத்தில் முதலீடு செய்யத் தொடங்கலாம். இது தேசிய சேமிப்பு தொடர் வைப்பு கணக்கு (RD) என்றும் அழைக்கப்படுகிறது.
தொடர் வைப்பு திட்டத்தில் கிடைக்கும் வட்டி
தொடர் வைப்பு என்பது தபால் அலுவலகத்தின் சிறு சேமிப்புத் திட்டமாகும். இந்தத் திட்டத்தில் உங்கள் முதலீட்டுத் தொகை பாதுகாப்பாக இருக்கும். தற்போது இந்த அஞ்சலக திட்டத்தில் ஆண்டுக்கு 6.7 சதவீதம் வட்டி வழங்கப்படுகிறது. இந்த வட்டி விகிதம் அக்டோபர் 1, 2023 முதல் பொருந்தும். மத்திய அரசு தனது சேமிப்புத் திட்டத்தின் வட்டி விகிதங்களை ஒவ்வொரு காலாண்டிலும் தீர்மானிக்கிறது.
மூன்று மாதங்களுக்கு ஒருமுறை கிடைக்கும் வட்டி
தொடர் வைப்புத் திட்டத்தில், உங்கள் வசதிக்கேற்ப ஒரு வருடம், இரண்டு ஆண்டுகள் அல்லது அதற்கு மேற்பட்ட காலத்திற்கு முதலீடு செய்யலாம். இதில், ஒவ்வொரு காலாண்டு மற்றும் மூன்று மாதங்களுக்கு ஒருமுறை முதலீட்டுத் தொகைக்கு வட்டி பெறப்படுகிறது. ஒவ்வொரு மூன்று மாதங்களின் முடிவிலும், வட்டித் தொகையும் கூட்டு வட்டியும் உங்கள் கணக்கில் டெபாசிட் செய்யப்படும். தபால் நிலையத்திற்குச் சென்று இந்தத் திட்டத்தை யார் வேண்டுமானாலும் திறக்கலாம். இந்தத் திட்டத்தில் நீண்ட காலம் முதலீடு செய்தால், உங்களுக்காக ஒரு பெரிய தொகையைச் சேமிக்கலாம்.
அஞ்சலக திட்டத்தின் மூலம் 17 லட்சம் சேமிப்பு
தற்போதைய வட்டி விகிதத்தின்படி, இந்தத் திட்டத்தில் ஒவ்வொரு மாதமும் ரூ.10,000 ரெக்கரிங் டெபாசிட் செய்தால், 10 ஆண்டுகளுக்குப் பிறகு ரூ.17 லட்சம் கிடைக்கும். கணிதத்தின்படி, ஒவ்வொரு மாதமும் ரூ.10,000 டெபாசிட் செய்தால், ஒரு வருடத்தில் ரூ.1 லட்சத்து 20 ஆயிரம் டெபாசிட் செய்யப்படும். அதேபோல், இந்தத் திட்டத்தில் 10 ஆண்டுகள் முதலீடு செய்ய வேண்டும். இந்த வழியில் நீங்கள் 12,00,000 ரூபாயை முதலீடாக வைப்பீர்கள். இதற்குப் பிறகு, திட்டத்தின் முதிர்ச்சிக்குப் பிறகு, நீங்கள் வட்டியாக 5,08,546 ரூபாயைப் பெறுவீர்கள். இந்த வழியில், நீங்கள் 10 ஆண்டுகளுக்குப் பிறகு மொத்தம் ரூ.17,08,546 பெறுவீர்கள்.
கடன் வசதியும் உள்ள சேமிப்புத் திட்டம்
அஞ்சலகத்தின் இந்த சேமிப்புத் திட்டத்தில், 18 வயது அல்லது அதற்கு மேல் உள்ள எவரும் தனது கணக்கைத் தொடங்கலாம். பெற்றோர்கள் தங்கள் மைனர் குழந்தையின் கணக்கையும் திறக்கலாம். இத்திட்டத்தில் கடன் வாங்கும் வசதியும் கிடைக்கும். இந்தத் திட்டத்தில் 12 தவணைகளை டெபாசிட் செய்தால், அதன் அடிப்படையில் வங்கிகளில் கடன் பெறலாம். இந்த திட்டத்தில் நீங்கள் செய்த மொத்த டெபாசிட் தொகையில் 50 சதவீதத்தை நீங்கள் கடனாகப் பெறலாம்.
(குறிப்பு- முதலீடு செய்வதற்கு முன், தயவுசெய்து உங்கள் நிதி ஆலோசகரை அணுகவும்.)
மேலும் படிக்க | EPF கணக்கில் வட்டி: தீபாவளி பரிசாக வருகிறதா பம்பர் தொகை? அதிரடி அப்டேட் இதோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
