இளநீர் குடிப்பது ஆரோக்கியத்திற்கு நன்மை பயக்கும் என்பதில் மாற்று கருத்து ஏதும் இருக்க முடியாது. இது ஒரு இயற்கை பானமாகும். மேலும், இது டெட்ராபேக் அல்லது பாட்டில்களில் கிடைக்கும் சாறுகள் மற்றும் குளிர்பானங்களை விட பல மடங்கு சிறந்தது என உறுதியாகக் கூறலாம். கிராமங்கள் முதல் நகரங்கள் வரை ஆரோக்கியத்திற்கு முக்கியத்துவம் கொடுக்கும் பலர் இதனை தொடர்ந்து பருகி வருகின்றனர். இளநீர் நம்மை ஹைட்ரேட் செய்து உடனடி ஆற்றலைத் தருகிறது என்பதில் சந்தேகமில்லை. ஆனால், தேங்காய் நீரில் இயற்கையான சர்க்கரையும், லேசான இனிப்பும் இருப்பதால், நீரிழிவு நோயாளிகள் அதைக் குடிக்கலாமா என்ற சந்தேகம் அனைவர் மனதிலும் உள்ளது. நீரிழிவு நோயாளிகள் இதை குடிக்கலாமா... கூடாதா என்பது குறித்து பிரபல உணவியல் நிபுணர் டாக்டர் ஆயுஷி யாதவிடம் பேசிய போது அவர் கூறியது என்ன என்பதை அறிந்து கொள்ளலாம்.
இளநீரில் காணப்படும் சத்துக்கள்
உணவியல் நிபுணர் ஆயுஷி இளநீர் குறித்து கூறுல்கையில், பாலை விட இளநீரில் அதிக ஊட்டச்சத்துக்கள் காணப்படுகின்றன. இதில் உள்ள கொழுப்பின் அளவும் மிகக் குறைவு, அதே போல் இதனை தொடர்ந்து உட்கொள்பவர்களுக்கு பொட்டாசியம், சோடியம், கால்சியம், மெக்னீசியம் மற்றும் ஆன்டிஆக்ஸிடன்ட்கள் போன்றவை உடலுக்கு கிடைக்கின்றன. இளநீர் குடிப்பதால், உடலில் உள்ள நச்சுகள் வெளியேறி, பல நோய்களின் அபாயம் தவிர்க்கப்படுகிறது.
சர்க்கரை நோயாளிகள் இளநீர் குடிக்கலாமா?
நீரிழிவு நோயாளிகள் இளநீரை குடிக்கலாம். இந்த இயற்கை பானத்தை தினமும் கூட குடிக்கலாம். ஏனெனில் இது அவர்களின் ஆரோக்கியத்திற்கு மிகவும் நன்மை பயக்கும். ஏனெனில் இரத்த சர்க்கரை அளவை குறைக்க உதவுகிறது. ஏனெனில் அதன் கிளைசெமிக் இன்டெக்ஸ் (GI) குறைவாக உள்ளது என்று உணவு நிபுணர் ஆயுஷி கூறினார். இளநீரில் உள்ள மெக்னீசியம் இன்சுலின் உணர்திறனை மேம்படுத்த உதவுகிறது. இளநீரைக் குடிப்பதால் உடலில் நீர்ச்சத்து அதிகரிப்பதுடன், அற்புத சக்தியும் கிடைக்கும்.
மேலும் படிக்க | முட்டை சாப்பிட்டால் கொலஸ்ட்ரால் அதிகரிக்குமா... நிபுணர்கள் கூறுவது என்ன..!!
இளநீரில் உள்ள தேங்காய் வழுக்கையை சாப்பிடுவதால் கிடைக்கும் நன்மைகள்
நீரிழிவு நோயாளிகள் இளநீரையும் அதனுள் இருக்கும் பதமான வழுக்கையையும் சாப்பிடலாம். ஏனெனில் இது வளர்சிதை மாற்றத்தை மேம்படுத்த உதவும் பல ஊட்டச்சத்துக்கள் நிறைந்துள்ளது. மேலும், வழுக்கையை சாப்பிடுவது உடல் கொழுப்பைக் குறைக்கிறது. ஏனெனில் அதில் நல்ல கொலஸ்ட்ரால் உள்ளது மற்றும் இது இதய நோய்களின் அபாயத்தை குறைக்க உதவுகிறது.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், மருத்துவ ஆலோசனையைப் பெறவும். ZEE NEWS இதற்கு பொறுப்பேற்காது.)
மேலும் படிக்க | Health Alert: நாம் வாங்கும் முட்டை புரதம் நிறைந்தது தானா; கண்டறிவது எப்படி..!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
