எச்சரிக்கை! மாரடைப்புக்கான ‘இந்த’ அறிகுறிகளை அலட்சியம் செய்யாதீர்கள்!

மாரடைப்பு சம்பவங்கள் அதிகரித்து வரும் நிலையில் ஆரோக்கியமானவராக இருந்தாலும் சரி, இதய நோயாளியாக இருந்தாலும் சரி, இதயம் தொடர்பான நோய்கள் குறித்து அனைவருமே கவனமாக இருக்க வேண்டும்.

இதயம் தொடர்பான பிரச்சனைகளின் ஆரம்ப அறிகுறிகள்: தற்போது அனைவரின் வாழ்க்கை முறையும் மிகவும் பிஸியானதாக ஆகிவிட்டது. மக்கள் தங்கள் ஆரோக்கியத்தை சரியான முறையில் கவனித்துக் கொள்ள நேரமில்லாமல் இருக்கின்றனர். நீரிழிவு, உயர் இரத்த அழுத்தம், அதிக கொழுப்பு, உடல் பருமன் மற்றும் பல வகையான நோய்களால் மக்கள் பாதிக்கப்படுவதற்கு இதுவே காரணம். இந்த நோய்கள் அனைத்தும் ஆபத்தானவை மட்டுமல்ல, மாரடைப்பு போன்ற ஆபத்தான நோய்களின் அபாயத்தையும் அதிகரிக்கின்றன. 

அத்தகைய சூழ்நிலையில், அதன் அதிகரித்து வரும் மாரடைப்பு அபாயத்தை குறைக்க, நாம் நம் வாழ்க்கை முறையை மாற்ற வேண்டும். எண்ணெயில் பொரித்த உணவுகள் மற்றும் துரித உணவுகளில் இருந்து விலகி இருப்பதுடன், வாரத்தில் ஐந்து நாட்களாவது அரை மணி நேரம் உடற்பயிற்சி செய்வது அவசியம். நமது வாழ்க்கை முறையில் சிறப்பான மாற்றத்தை கொண்டு வருவதன் மூலம் எந்த இதய நோயின் (Heart Health) ஆபத்தையும் குறைக்க முடியும் என்கிறார் இருதய மருத்துவமனையின் தலைவர் மற்றும் நிர்வாக இயக்குனர் டாக்டர் ராஜன் தாக்கூர். ஆனால், இப்போதெல்லாம் 40-50 வயதிலும் மாரடைப்பு ஏற்படுவது மிகவும் அதிகமாக ஆகி வருகிறது. அதேசமயம், முன்பு வயதானவர்களுக்கு மட்டுமே மாரடைப்பு வந்தது குறிப்பிடத்தக்கது. இப்படிப்பட்ட சூழ்நிலையில் IA இருதய மருத்துவமனையின் டாக்டர் ராஜன் தாக்கூர் சில முக்கிய தகவல்களை நம்மிடம் பகிர்ந்துள்ளார்.

1. நெஞ்சு வலி  என்பது இதய நோயா அல்லது வாயு தொடர்பான பிரச்சனையா!

சிலருக்கு நெஞ்சுவலி ஏற்படும் போது அது வாயு தொடர்பான பிரச்சனை என்பதை தானாகவே புரிந்து கொள்வதாக மருத்துவர் ராஜன் தாக்கூர் கூறுகிறார். ஆனால் இது எல்லா சந்தர்ப்பங்களிலும் வாயு தொல்லையாகத் தான் இருக்க வேண்டும் என்ற அவசியமில்லை. ஏனென்றால் மாரடைப்பு தொடர்பான நோய்களின் ஆரம்ப அறிகுறிகள் நெஞ்சு வலி. இது சில சமயங்களில் மரணத்தை கூட ஏற்படுத்தும். நீங்கள் அடிக்கடி நெஞ்சு வலி பிரச்சனையை எதிர்கொண்டால், வாயுத்தொல்லை தான் காரணம் என்று கருதி நீங்களாகவே மருந்தை உட்கொள்ளவேண்டாம். நீங்கள் மருத்துவமனைக்குச் செல்ல முடியாவிட்டால், குறைந்தபட்சம் உங்கள் குடும்ப மருத்துவரிடம் ஆலோசனை பின்னரே மருந்து எடுத்துக் கொள்ளுங்கள். மருத்துவமனைக்குச் செல்வதில் சிறிதும் தயங்க வேண்டாம். ஏனென்றால் முற்றிலும் கவனமாக இருந்தால் மட்டுமே மாரடைப்பு போன்ற பிரச்சனைகளைத் தடுக்க முடியும்.

  2. முப்பது வயதுக்குள் நெஞ்சு வலி

டாக்டர் ராஜன் மேலும் கூறுகையில், 30 வயதிற்குட்பட்டவர்களுக்கு நெஞ்சு வலி என்பது அதிகம் கவலைப்பட வேண்டியதில்லை. மருத்துவரிடம் பரிசோதித்து, வாயு சம்பந்தமான நோயாக இருந்தால், மருந்து நிவாரணம் தரும். இருப்பினும், இதற்குப் பிறகும் உங்களுக்கு நிவாரணம் கிடைக்கவில்லை என்றால், இருதயநோய் நிபுணரை அணுகி, சில ஆரம்ப இதய நோய் தொடர்பான பரிசோதனைகளை மேற்கொள்ளுங்கள். ஈசிஜி மற்றும் ட்ரோபோனின் சோதனை போன்றவை இதற்கு உதவும். அதன் பரிசோதனை அறிக்கை சரியாக இருந்தால், கவலைப்பட ஒன்றுமில்லை. அதே சமயம், ரிப்போர்ட்டில் ஏதேனும் பிரச்சனை தெரிந்தால், மருத்துவரை அணுகி, CT ஆஞ்சியோகிராபி செய்து கொள்ள வேண்டும். இதன் மூலம் பத்து நிமிடங்களில் முடிவு தெரிந்துவிடும்.

3. உங்கள் வயது 40 வயதுக்கு மேல் இருந்தால் மிக கவனமாக இருங்கள்

40 வயதுக்கு மேற்பட்டவர்கள் அடிக்கடி ஏற்படும் நெஞ்சுவலிக்கு தொடர்ந்து மருந்து சாப்பிட வேண்டும். ஏனெனில், மருந்துகள் ஆபத்து காரணிகளைக் கட்டுப்படுத்துகிறது. மிதமான உணவை உட்கொள்வதைத் தவிர, அதிகப்படியான உப்பு, கொழுப்பு உணவுகள் மற்றும் சர்க்கரையைத் தவிர்க்க வேண்டும். வாரத்தில் ஐந்து நாட்களாவது அரை மணி நேரம் உடற்பயிற்சி செய்ய வேண்டும். மேலும் புகைபிடிக்க வேண்டாம். காலை உணவுக்கு முன் ஆப்பிள், கொய்யா போன்ற பழங்களை சாப்பிடலாம். அதே நேரத்தில், இதயம் தொடர்பான நோய்களைக் கண்டறிய ECG, Treadmill, 2D Echo போன்ற அடிப்படைப் பரிசோதனைகளையும் செய்து கொள்ளலாம்.

4. கிராமங்களில் வாழும் மக்களுக்கான முக்கிய அறிவுரை

டாக்டர் ராஜன் கிராமப்புறங்களில் வசிக்கும் மக்களுக்கு சிறப்பு அறிவுரைகளை வழங்குகிறார். ஏனெனில் அங்கு சுகாதார வசதிகள் குறைவு. கிராமப்புற மருத்துவமனைகள் மற்றும் கிளினிக்குகளில் இதய நிபுணர்கள் இருப்பதில்லை. யாராவது நெஞ்சுவலி அல்லது இதயம் தொடர்பான வேறு ஏதேனும் அறிகுறிகளை அனுபவித்தால், டெலிமெடிசினைப் பயன்படுத்தலாம். இந்தியாவில் டெலிமெடிசின் நடைமுறை படிப்படியாக அதிகரித்து வருகிறது. கோவிட் தொற்றுநோய்களின் போது, ​​டெலிமெடிசின் நோக்கம் மேலும் விரிவடைந்துள்ளது.

5. புறக்கணிக்கக்கூடாத சில எந்த அறிகுறிகள்

தவறுதலாக கூட அலட்சியம் செய்யக்கூடாது என்று டாக்டர் ராஜன் சில அறிகுறிகளை பற்றி குறிப்பிடுகிறார். எனவே, அலட்சியப்படுத்தாமல் மருத்துவரை அணுக வேண்டும். ஏனெனில், வயதானவர்களுக்கும், பெண்களுக்கும், சர்க்கரை நோயாளிகளுக்கும் நெஞ்சுவலி வராது. ஆனால் நடக்கும்போது மூச்சுத் திணறல், சோர்வு, நடக்கத் தயக்கம் போன்ற உணர்வுகள் ஏற்படுவதை அடிக்கடி காணலாம். இது இதயம் தொடர்பான நோய்களின் தீவிர அறிகுறியாகும். அத்தகைய சூழ்நிலையில், உடனடியாக மருத்துவரை அணுகவும்.

6. உடல்நலப் பிரச்சனைக்குப் பிறகு மருத்துவரிடம் சென்று பரிசோதனை செய்யுங்கள்

இதய நோயாளிகள் அல்லது இதயம் சம்பந்தமான நோய்கள் வரக்கூடிய அபாயம் உள்ளவர்கள் எந்த நோயையும் இலகுவாக எடுத்துக் கொள்ளக் கூடாது. நோய்க்கான சிகிச்சையைப் பெற, ஒருவர் விரைவில் மருத்துவரை அணுக வேண்டும், குணமடைந்த பிறகும், மருத்துவர் வழங்கிய அறிவுறுத்தல்களின்படி மருந்துகளையும், ஆலோசனைகளையும் பின் தொடர வேண்டும். ஃபாலோ-அப் செய்தால்தான் நம் உடல்நிலையில் அந்த நோயின் தாக்கத்தை அறிய முடியும் என்று மருத்துவர் கூறினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ