வலுவான தசைகளை பெற... புரதம் நிறைந்த சூப்பர் காய்கறிகள் இவை தான்..!!

வலுவான தாசகளை பெற அசைவ உணவுகள் தான் உதவும் என்ற, எண்ணம் பலர் மனதில் உள்ளது. சைவ உணவு உண்பவர்களுக்கு அசைவத்தைப் போலவே, புரதம் நிறைந்த சில காய்கறிகள் உள்ளன என்பது பலருக்கு தெரிவதில்லை. இந்நிலையில், உங்கள் டயட்டில் சேர்க்க வேண்டிய ஊட்டச்சத்துக்கள் மற்றும் புரதங்கள் நிறைந்த சில காய்கறிகளைப் பார்ப்போம்.

நம்மில் பலர் தினமும் ஜிம்மிற்குச் சென்று உடற்பயிற்சி செய்வதன் மூலம் தசைகளை வலுவாக்க முயற்சி செய்கிறார்கள். உடற்பயிற்சி மற்றும் ஜிம் செல்வதன் மூலம், தசைகளை வலுவாக்கலாம் என்றாலும், உணவில் கவனம் செலுத்ததுவதும் அவசியம். தசையை வலுவாகக்க இறைச்சி மற்றும் பால் பொருட்களை மட்டுமே சாப்பிட வேண்டும் என்ற அவசியம் இல்லை. மாறாக, உங்கள் உணவில் காய்கறிகளை சேர்க்க முயற்சி செய்யுங்கள்.  உடற்பயிற்சி செய்பவர்கள்  வலுவான தசைகளை பெற சில விஷயங்களை மனதில் கொள்ள வேண்டும்.

வலுவான தாசகளை பெற அசைவ உணவுகள் தான் உதவும் என்ற, எண்ணம் பலர் மனதில் உள்ளது. சைவ உணவு உண்பவர்களுக்கு அசைவத்தைப் போலவே, புரதம் நிறைந்த சில காய்கறிகள் உள்ளன என்பது பலருக்கு தெரிவதில்லை. இந்நிலையில், உங்கள் டயட்டில் சேர்க்க வேண்டிய ஊட்டச்சத்துக்கள் மற்றும் புரதங்கள் நிறைந்த சில காய்கறிகளைப் (Health Tips) பார்ப்போம்.

முட்டைக்கோஸ்

முட்டைக்கோஸில் ஆன்டிஆக்ஸிடன்ட்கள் மற்றும் வைட்டமின்கள் நிறைந்துள்ளன. இது உடலின் வீக்கத்தைக் குறைக்கவும் உதவும். இது இதய ஆரோக்கியத்திற்கும் செரிமானத்திற்கும் நல்லது. முட்டைக்கோஸில் வைட்டமின் கே, சி மற்றும் ஃபோலேட் உள்ளது. முட்டைகோஸில் கலோரிகள் குறைவாகவும், அதிக ஊட்டச்சத்துக்கள் இருப்பதால் உடல் பருமனை குறைக்க நினைப்பவர்களுக்கும் சிறந்த உணவாக இருக்கும். முட்டைக்கோஸை சமைத்தோ அல்லது பச்சையாக சாலட் ஆகவோ உணவில் சேர்க்கலாம்.

கீரை

கீரை சத்துக்களின் களஞ்சியம் என்று சொல்லலாம். கீரை பச்சை இலைக் காய்கறிகள் வகையில் முதன்மையான உணவுப் பொருளாகும். கீரையில் புரதத்துடன், இரும்பு, கால்சியம் மற்றும் மெக்னீசியம் உள்ளது. கீரை ஜிம்மில் செல்பவர்களுக்கு மட்டுமல்ல, அனைவருக்கும் ஒரு சிறந்த காய்கறி. எலும்புகள் மற்றும் கண்களுக்கு நல்லது. கீரை அதிக எடையைக் குறைக்கவும், தசைகளை வலுப்படுத்தவும் உதவுகிறது. ஆன்டிஆக்ஸிடன்ட்கள் மற்றும் நார்ச்சத்து நிறைந்த கீரை இரத்தத்தில் உள்ள சர்க்கரையின் அளவைக் கட்டுப்படுத்த உதவுகிறது. இதில் உள்ள அதிக மெக்னீசியம் இன்சுலின் உணர்திறனை அதிகரிக்கிறது. குளுக்கோஸ் வளர்சிதை மாற்றத்தில் உதவுகிறது.

பச்சை பட்டாணி

பச்சை பட்டாணி பலவிதமான ஆரோக்கிய நன்மைகளைக் கொண்டுள்ளது. புதிய பச்சை பட்டாணி ஊட்டச்சத்துக்களின் களஞ்சியமாகும். நார்ச்சத்து மற்றும் புரதத்தின் சிறந்த தாவர ஆதாரங்களில் ஒன்றாக இருப்பதால், உங்கள் உணவில் பட்டாணியைச் சேர்ப்பது மிகவும் நன்மை அளிக்கும். பச்சை பட்டாணி இரும்புச்சத்துக்கான பயனுள்ள சைவ மூலமாகும். இரத்த சிவப்பணுக்களை உருவாக்கவும், ஆக்ஸிஜனை உடல் முழுவதும் கொண்டு செல்லவும் இது தேவைப்படுகிறது. பச்சை பட்டாணி இதய ஆரோக்கியத்தை மேம்படுத்துவதோடு சில வகை புற்றுநோய்களை எதிர்த்துப் போராடவும் மிகவும் உதவியாக இருக்கிறது. பச்சை பட்டாணியை வேகவைத்து சூப்பில் சேர்த்து சாப்பிடலாம்.

காளான்

காளான் ஒரு காய்கறி ஆகும், இதில் அதிக அளவு புரதம் உள்ளது. இதில் ஆன்டிஆக்ஸிடன்ட்கள், நார்ச்சத்து மற்றும் தாதுக்கள் உள்ளன. தசை வலிமை மற்றும் ஆரோக்கியத்துடன், தசைகளை சீர் செய்யவும் காளான் உதவுகிறது. காளானில் வைட்டமின் டி நிறைந்துள்ளது. கூடுதலாக, காளான்கள் சிவப்பு இறைச்சி சாப்பிட முடியாதவர்கள் உணவில் சேர்க்க ஒரு சிறந்த புரதம். கொலஸ்ட்ராலைக் குறைக்கவும், இதய ஆரோக்கியத்தை மேம்படுத்தவும் காளான் மிகவும் உதவுகிறது. மூளையின் ஆரோக்கியத்திற்கும் காளான் நல்லது.

ப்ரோக்கோலி

ப்ரோக்கோலி உணவில் அதிகம் பயன்படுத்தப்படாத ஒரு காய்கறி. ஆனால் தற்போது பெரிய அளவில் பிரபலமடைந்து வருகிறது. ப்ரோக்கோலியில் ஊட்டச்சத்துக்கள் மற்றும் புரதம் நிறைந்துள்ளது. இதில் ஏராளமான நார்ச்சத்து மற்றும் வைட்டமின்கள் சி மற்றும் கே மற்றும் ஃபோலேட் உள்ளது. ப்ரோக்கோலி தசைகளை வளர்ப்பதற்கு மட்டுமல்ல, நோய் எதிர்ப்பு சக்தியை அதிகரிப்பதற்கும் சில வகையான புற்றுநோய்களை எதிர்த்துப் போராடுவதற்கும் நல்லது. ப்ரோக்கோலி இதய ஆரோக்கியத்திற்கும் உடல் வீக்கத்தைக் குறைப்பதற்கும் சிறந்தது. இது சிறந்த செரிமானத்திற்கும் நல்லது. ப்ரோக்கோலியின் மற்றொரு நன்மை என்னவென்றால், அதில் கலோரிகள் குறைவாக உள்ளது. இதில் உள்ள வைட்டமின்கள் தசைகளுக்கு தேவையான கொலாஜனை உற்பத்தி செய்ய உதவுகிறது. ப்ரோக்கோலியை வேகவைத்தோ அல்லது வறுத்தோ சாப்பிடலாம்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!