குடியுரிமை திருத்தச் சட்டம், குடிமக்களின் தேசிய பதிவேட்டை எதிர்த்து நூற்றுக்கணக்கான மக்கள் டெல்லி ஜமா மஸ்ஜித்தில் போராட்டத்தில் ஈடுப்பட்டுள்ளனர்!
குடியுரிமை திருத்தச் சட்டம் மற்றும் குடிமக்களின் தேசிய பதிவேட்டை எதிர்த்து தேசிய தலைநகரான டெல்லியின் வால்ட் நகரத்தில் உள்ள ஜமா மஸ்ஜித் மற்றும் அதைச் சுற்றியுள்ள நூற்றுக்கணக்கான மக்கள் வெள்ளிக்கிழமை தொழுகைக்குப் பின்னர், தேசியக் கொடியைப் பிடித்து, நாடு தழுவிய போராட்டங்களைத் தூண்டிய சட்டத்திற்கு எதிராக முழக்கங்களை எழுப்பினர்.
முன்னதாக, ஜமா மஸ்ஜித்தில் இருந்து ஜந்தர் மந்தருக்கு எதிர்ப்பு அணிவகுப்பு நடத்துவதற்கான திட்டங்களை அறிவித்திருந்த நிலையில் பின்னர் அனுமதி மறுக்கப்பட்டது. இதனையடுத்து காவல்துறை உத்தரவுகளை மீறித் போராட்ட அணிவகுப்பு ஏற்பாடு செய்யப்பட்டுள்ளது.
அரசியலமை சட்டத்தின் நகலை கையில் ஏந்தி சந்திரசேகர் மற்றும் எதிர்ப்பாளர்கள் அமைதியான ஊர்வலத்தில் இணைந்தனர், மேலும் தங்களது போராட்டம் அமைதியானதாக தொடரும் என காவல்துறை மற்றும் குடியிருப்பாளர்களுக்கு அவர்கள் வாக்குறுதி அளித்தனர்.
இதனிடையே ஊர்வலத்தில் நூற்றுக்கணக்கான மக்கள் வெளிநடப்பு செய்தபோது, குறுகிய பாதைகளில் அருகிலுள்ள கட்டிடத்தில் வசிப்பவர்கள் அவர்கள் மீது பூக்கள் தூவினர் என தகவல்கள் தெரிவிக்கிறது.
வெள்ளிக்கிழமை தொழுகைக்கு முன்னதாக ஜமா மஸ்ஜித்தைச் சுற்றியிருந்த மக்களை டெல்லி காவல்துறை அதிகாரிகள் ஒவ்வொரு நபரின் அடையாள அட்டைகளையும் சரிபார்த்தனர். மேலும் அடையாள அட்டை இல்லாதவர்களின் புகைப்படங்களை எடுத்துக்கொண்டனர்.
இதனிடையே மதியம் 12.30 மணியளவில், டெல்லி மெட்ரோ ரயில் கார்ப்பரேஷன் வால்ட் நகரத்தைச் சுற்றியுள்ள குறைந்தது நான்கு மெட்ரோ நிலையங்களான செங்கோட்டை, சாவ்ரி பஜார் மற்றும் ஜமா மஸ்ஜித் ஆகியவற்றின் வாயிலை டெல்லி மெட்ரோ அடைத்தது. பின்னர், பிற்பகல் 2:30 மணியளவில், டெல்லி கேட் மெட்ரோ நிலையத்தின் நுழைவு மற்றும் வெளியேறும் வாயில்களும் மூடப்பட்டன.
முன்னதாக வியாழக்கிழமை நடைப்பெற்ற போராட்டத்தினால், 20 மெட்ரோ நிலையங்களில் நுழைவு மற்றும் வெளியேறும் வாயில்கள் அடைக்கப்பட்டன. ஜாமியா மில்லியா இஸ்லாமியா, ஜசோலா விஹார்-ஷாஹீன் பாக், முனீர்கா, செங்கோட்டை, சாந்தினி சௌக், ஜமா மஸ்ஜித் மற்றும் விஸ்வவித்யாலயா ஆகியவை இதில் அடங்கும். டெல்லி மெட்ரோ ரெயில் கார்ப்பரேஷன் (DMRC) அதிகாரிகளின் கூற்றுப்படி, இது 2002-ஆம் ஆண்டு தொடங்கப்பட்டதிலிருந்து மெட்ரோ நடவடிக்கைகளின் மிகப்பெரிய அடைப்பு ஆகும்.
