இந்தியாவில், குறிப்பாக தென்னிந்தியாவில் தங்கம் என்பது ஒவ்வொவொரு குடும்பத்திலும், குடும்ப விழாக்களிலும் தவிர்க்க முடியாத ஒன்றாக இருக்கிறது என்றால் மிகையில்லை. ஏனென்றால், தங்கம் வைத்திருப்பது மிகவும் மதிப்பும் கவுரமும் கொடுக்கும் என நம்பப்படுகிறது. அதோடு, சேமிக்கும் நோக்கிலும் தங்கம் வாங்குபவர்கள் அதிகம் உள்ளனர்.தனி நபர் மட்டுமல்லாது, ஒவ்வொரு நாடும் முடிந்தவரை தங்கத்தை அதிக அளவில் வைத்திருக்க விரும்புகிறது. கடினமான காலங்களில் தங்க ஆபரணங்களை வைத்திருந்தால் அது பெரிதும் கை கொடுக்கும் என்பதையும் மறுக்க இயலாது. இந்தியாவில், 2023 ஆம் ஆண்டின் தொடக்கத்திலேயே தங்கம் அதன் அதிகபட்ச அளவைத் தாண்டியுள்ளது. உலக அளவில் தங்கம் விலை கணிசமாக உயர்ந்துள்ளது. இதுபோன்ற சூழ்நிலையில், இந்தியாவை விட தங்கம் மிகவும் மலிவானதாகக் கிடைக்கும் உலகின் சில நாடுகளைப் பற்றி உங்களுக்குச் சொல்வோம்.
1. துபாய் - மலிவான மற்றும் தரமான தங்கம் வாங்க நினைக்கும் போது, துபாய் என்ற பெயர் கண்டிப்பாக மக்கள் மனதில் வரும். துபாய் செல்பவர்கள் நிச்சயமாக அங்கிருந்து தங்கத்தை வாங்கும் பழக்கம் உள்ளது. துபாயின் தங்கத்தின் தூய்மை உயர்வாகக் கருதப்படுகிறது. அதாவது, மற்ற நாடுகளை விட துபாயின் தங்கம் மிகவும் சிறந்தது என்று நம்பப்படுகிறது. டெய்ரா என்ற பெயரில் ஒரு இடம் உள்ளது. இது கோல்ட் சூக் பகுதி என்று கருதப்படுகிறது. அதாவது தங்க ஷாப்பிங்கின் மையமாக கருதப்படுகிறது. அங்குள்ள சில தளங்களில் நல்ல தரமான மற்றும் மலிவான தங்கத்தை வாங்கலாம்.
மேலும் படிக்க | ஆவலுடன் எதிர்பார்க்கும் ‘அப்ரைசல்’ ! சம்பள அதிகரிப்பை உறுதிப்படுத்தும் TCS
2. தாய்லாந்து - துபாய்க்குப் பிறகு தாய்லாந்தில் மலிவான தங்கம் கிடைக்கும். தாய்லாந்தின் பாங்காக்கில் குறைந்த விலையில் தரமான தங்கத்தை வாங்கலாம். இங்கே நீங்கள் தங்கம் மிகக் குறைந்த விலையில் வாங்க பல ஆப்ஷன்கள் உள்ளது. தாய்லாந்தின் சைனாடவுனில் உள்ள யாவோரத் சாலை தங்கம் வாங்குவதற்கு மிகவும் விருப்பமான இடங்களில் ஒன்றாகும்.
3. ஹாங்காங் - ஹாங்காங்கிலும் தங்கம் வாங்குபவர்களுக்கு ஏராளமான சிறந்த தங்கக் கடைகள் கிடைக்கும். ஷாப்பிங் ஹப் என பெயர் பெற்ற ஹாங்காங்கில் தங்கம் மிகக் குறைந்த விலையில் கிடைக்கிறது. இந்த நகரம் உலகின் மிகவும் சுறுசுறுப்பான தங்க வர்த்தக சந்தைகளில் ஒன்றாகும்.
4. சுவிட்சர்லாந்து - சுவிட்சர்லாந்தின் தங்க வடிவமைப்புகள் உலகம் முழுவதும் பிரபலமானவை. இது உலகம் முழுவதும் அதன் வடிவமைப்பாளர் கடிகாரங்களுக்கு மிகவும் பிரபலமானது. இந்த நாட்டில் தங்கத்திற்கு நல்ல வியாபாரம் உள்ளது. சுவிட்சர்லாந்தின் சூரிச் நகரில் தரமான மற்றும் சிறந்த தங்கத்தைப் பெறலாம். இங்கே நீங்கள் கையால் செய்யப்பட்ட டிசைனர் நகைகளின் நிறைய வகைகளைப் பெறுவீர்கள்.
'குட் ரிட்டர்ன்ஸ்' இல் வெளியிடப்பட்ட அறிக்கையில், உலகம் முழுவதும் தங்கத்தின் விலை கிட்டத்தட்ட சமமாக உள்ளது. ஆனால் மற்ற நாடுகளின் கரன்சியின் படி தங்கத்தின் விலை குறைகிறது. இதனால்தான் சிலர் அதிக லாபம் என்ற பேராசையில் இந்தியாவுக்கு வெளியில் இருந்து தங்கம் வாங்கினாலும், சட்டவிரோதமாக நாட்டுக்குள் கொண்டு வருவதால், விமான நிலையத்திலேயே சுங்கத்துறையினரிடம் சிக்குகின்றனர். இப்படிப்பட்ட சூழ்நிலையில், தங்கம் என்ற மாயையில் சிக்கிக் கொள்ளாமல், நாட்டு விதிகளின்படி தங்கத்தை வாங்கிச் சேமித்து வைத்தால் பிரச்சனை இல்லாமல் இருக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
